ಮಂಗಳೂರು

ಶಿರಾಡಿ ರಸ್ತೆ ಸಂಚಾರ ಇಂದಿನಿಂದ ಬಂದ್‌

ಲಘು ವಾಹನ ಮಂಗಳೂರಿನಿಂದ ಬಿಸಿ. ರೋಡ್‌, ಬೆಳ್ತಂಗಡಿ, ಉಜಿರೆ, ಚಾರ್ಮಾಡಿ ಘಾಟಿ, ಮೂಡಿಗೆರೆ, ಬೇಲೂರು, ಹಾಸನ ಮೂಲಕ ಬೆಂಗಳೂರಿಗೆ ತೆರಳಬೇಕಾಗಿದೆ.

ಶಿರಾಡಿ ಘಾಟಿ ರಸ್ತೆಯ ದುರವಸ್ಥೆ

ಮಂಗಳೂರು: ರಾಷ್ಟ್ರೀಯ ಹೆದ್ದಾರಿ-48 ಬೆಂಗಳೂರು- ಮಂಗಳೂರು ರಸ್ತೆಯ ಶಿರಾಡಿ ಘಾಟಿ ಭಾಗದ ಕೆಂಪುಹೊಳೆ ಗೆಸ್ಟ್ ಹೌಸ್‌ನಿಂದ ಅಡ್ಡಹೊಳೆರವರೆಗಿನ ರಸ್ತೆ ಕಾಂಕ್ರಿಟೀಕರಣಕ್ಕೆ ಸಿದ್ಧತೆ ಆರಂಭವಾಗಿದ್ದು, ಶನಿವಾರ (ಇದೇ 20) ಬೆಳಿಗ್ಗೆ 6 ಗಂಟೆಯಿಂದ ಕಾಮಗಾರಿ ಮುಕ್ತಾಯ ಆಗುವವರೆಗೆ ವಾಹನ ಸಂಚಾರ ಸ್ಥಗಿತಗೊಳ್ಳಲಿದೆ.

ಮಾರನಹಳ್ಳಿ ಪೊಲೀಸ್‌ ಔಟ್ ಪೋಸ್ಟ್ ಕಾಡುಮನೆ ಎಸ್ಟೇಟ್ ರೋಡ್ ಜಂಕ್ಷನ್‌ನಿಂದ ಪುತ್ತೂರು ತಾಲ್ಲೂಕಿನ ಗುಂಡ್ಯ ಸಮೀಪದ ಅಡ್ಡಹೊಳೆಯವರೆಗೆ ಕಾಮಗಾರಿ ನಡೆಯಲಿದೆ.

ಇದರಿಂದಾಗಿ ಮಂಗಳೂರಿನಿಂದ ಬೆಂಗಳೂರಿಗೆ ತೆರಳುವ ಭಾರಿ ವಾಹನ 139 ಕಿ.ಮೀ. ಹೆಚ್ಚುವರಿ ದೂರವನ್ನು ಕ್ರಮಿಸಬೇಕಾಗಿದೆ. ಲಘು ವಾಹನಗಳು ಚಾರ್ಮಾಡಿ ಘಾಟಿಯ ಮೂಲಕ ಸಂಚರಿಸಲಿದ್ದು, 20 ಕಿ.ಮೀ. ಹೆಚ್ಚುವರಿ ದೂರ ಪ್ರಯಾಣಿಸಬೇಕಾಗಿದೆ.

ರಾಜಹಂಸ, ಐರಾವತ, ಖಾಸಗಿ ಲಕ್ಸುರಿ ಬಸ್‌ಗಳು, ಬುಲೆಟ್‌ ಟ್ಯಾಂಕ ರ್‌ಗಳು, ಶಿಪ್‌ ಕಾರ್ಗೊ ಕಂಟೇನರ್‌, ಉದ್ದ ಚೆಸ್ಸಿಸ್‌ ವಾಹನಗಳು ಮಂಗಳೂರಿ ನಿಂದ ಬಿ.ಸಿ. ರಸ್ತೆ, ಮಾಣಿ, ಪುತ್ತೂರು, ಮಡಿಕೇರಿ, ಹುಣಸೂರು, ಕೆ.ಆರ್.ನಗರ, ಹೊಳೆನರಸೀಪುರ, ಹಾಸನದ ಮೂಲಕ ಬೆಂಗಳೂರು ಸೇರಬೇಕು. ಹೀಗಾಗಿ ಬೆಂಗಳೂರಿನ ಪ್ರಯಾಣ ಮೂರ‍್ನಾಲ್ಕು ಗಂಟೆ ವಿಳಂಬವಾಗುವ ಸಾಧ್ಯತೆ ಇದೆ.

ಲಘು ವಾಹನ ಮಂಗಳೂರಿನಿಂದ ಬಿಸಿ. ರೋಡ್‌, ಬೆಳ್ತಂಗಡಿ, ಉಜಿರೆ, ಚಾರ್ಮಾಡಿ ಘಾಟಿ, ಮೂಡಿಗೆರೆ, ಬೇಲೂರು, ಹಾಸನ ಮೂಲಕ ಬೆಂಗಳೂರಿಗೆ ತೆರಳಬೇಕಾಗಿದೆ.

ಮಂಗಳೂರಿನಿಂದ ಬೆಂಗಳೂರಿಗೆ ಈಗಾಗಲೇ ರಾತ್ರಿ ರೈಲು ಸೇವೆ ಆರಂಭಿ ಸಲಾಗಿದೆ. ಜತೆಗೆ ವಿಮಾನ ಸೌಲಭ್ಯವಿದೆ. ಅದಾಗ್ಯೂ ಬಹುತೇಕ ಜನ, ಬಸ್‌ ಮೂಲಕವೇ ಪ್ರಯಾಣಿಸುತ್ತಿದ್ದು, ಹೈಕೋರ್ಟ್‌, ವಿಧಾನಸಭೆ ಸಚಿವಾ ಲಯದ ಕೆಲಸಗಳಿಗೆ ತೆರಳುವ ಜನರು, ಮುಂಚಿತವಾಗಿ ಹೊರಡಬೇಕಾಗಿದೆ.

Comments
ಈ ವಿಭಾಗದಿಂದ ಇನ್ನಷ್ಟು
ರಾಜ್ಯ ಬಜೆಟ್‌ಗೆ ಮಿಶ್ರ ಪ್ರತಿಕ್ರಿಯೆ

ಮಂಗಳೂರು
ರಾಜ್ಯ ಬಜೆಟ್‌ಗೆ ಮಿಶ್ರ ಪ್ರತಿಕ್ರಿಯೆ

17 Feb, 2018
ನೇತ್ರಾವತಿ ನದಿಯಲ್ಲಿ ಅಕ್ರಮ ಮರಳುಗಾರಿಕೆ

ಉಪ್ಪಿನಂಗಡಿ
ನೇತ್ರಾವತಿ ನದಿಯಲ್ಲಿ ಅಕ್ರಮ ಮರಳುಗಾರಿಕೆ

16 Feb, 2018
`ಒಸಮಾ ಬಿನ್ ಲಾಡೆನ್' ಉತ್ಸವ ಆಚರಿಸಲಿ

ಪುತ್ತೂರು
`ಒಸಮಾ ಬಿನ್ ಲಾಡೆನ್' ಉತ್ಸವ ಆಚರಿಸಲಿ

16 Feb, 2018
ಉಳ್ಳಾಲ ಹೊಯ್ಗೆಗೆ ಬೇಕು ಸೇತುವೆ ಭಾಗ್ಯ

ಉಳ್ಳಾಲ
ಉಳ್ಳಾಲ ಹೊಯ್ಗೆಗೆ ಬೇಕು ಸೇತುವೆ ಭಾಗ್ಯ

15 Feb, 2018

ಮಂಗಳೂರು
ಸರ್ಕಾರಿ ಕಾಲೇಜಿನಲ್ಲಿ ಬಿಸಿಯೂಟ ಆರಂಭ

ಮಂಗಳೂರು ನಗರದ ರಥಬೀದಿಯ ಡಾ. ಪಿ ದಯಾನಂದ ಪೈ ಮತ್ತು ಪಿ. ಸತೀಶ್ ಪೈ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜಿನಲ್ಲಿ ಬುಧವಾರ ವಿದ್ಯಾರ್ಥಿಗಳಲ್ಲಿ ಸಂಭ್ರಮ...

15 Feb, 2018