’ಪದ್ಮಾವತ್‌’ ಚಿತ್ರ ತಡೆ ಅರ್ಜಿ ವಜಾ; ಸಿನಿಮಾ ಬಿಡುಗಡೆ ಆದೇಶ ಪಾಲನೆಗೆ ಸುಪ್ರೀಂ ತಾಕೀತು

ಸಂಜಯ್‌ ಲೀಲಾ ಬನ್ಸಾಲಿ ನಿರ್ದೇಶನದ ’ಪದ್ಮಾವತ್‌’ ಚಿತ್ರವನ್ನು ಜ.25ರಂದು ಬಿಡುಗಡೆ ಮಾಡಲು ಸಮ್ಮತಿಸಿ ಜ.18ರಂದು ನೀಡಿದ್ದ ಆದೇಶವನ್ನು ಪಾಲಿಸುವಂತೆ ಸುಪ್ರೀಂ ಕೋರ್ಟ್‌ ರಾಜ್ಯ ಸರ್ಕಾರಗಳಿಗೆ ಸೂಚಿಸಿದೆ.

‘ಚಿತ್ರವು ಸೆನ್ಸಾರ್‌ ಮಂಡಳಿಯ ಪ್ರಮಾಣಪತ್ರ ಪಡೆದಿದೆ ಹಾಗೂ ಕೋರ್ಟ್‌ ಆದೇಶವೂ ಇದೆ ಎಂಬುದನ್ನು ಸರ್ಕಾರಗಳು ಮತ್ತು ಜನರು ಗಮನಿಸಬೇಕು. ಸುಪ್ರೀಂ ಕೋರ್ಟ್‌ ಆದೇಶಕ್ಕೆ ಬದ್ಧರಾಗಿರುವುದು ಉತ್ತಮ. ನಿಮಗೆ ಬೇಡವಾದರೆ ಸಿನಿಮಾ ವೀಕ್ಷಿಸಬೇಡಿ. ಆದರೆ, ಚಿತ್ರ ಪ್ರದರ್ಶನದ ಮೇಲೆ ನಿಷೇಧ ಹೇರುವುದಿಲ್ಲ’ ಎಂದು ಕೋರ್ಟ್‌ ಹೇಳಿದೆ.