ರಾಜಕೀಯ ಪಕ್ಷಗಳ ಪ್ರತಿನಿಧಿಗಳು, ಭಾಷಣ– ಬರಹಗಳಲ್ಲಿ ಯಾರನ್ನು ‘ಅಲ್ಪಸಂಖ್ಯಾತರು’ ಎಂದು ಕರೆಯುತ್ತಾರೆ ಎಂಬುದು ಅಸ್ಪಷ್ಟ. ರಾಜಕಾರಣಿಗಳು ಹೇಳುವ ಅಲ್ಪಸಂಖ್ಯಾತರು ಎಂದರೆ ಮುಸ್ಲಿಮರು ಎಂದು ಜನರು ಭಾವಿಸುತ್ತಿದ್ದಾರೆ. ಅದೇ ನಿಜವೆನ್ನುವಂತೆ ರಾಜಕಾರಣಿಗಳು ಸಹ ವರ್ತಿಸುತ್ತಿದ್ದಾರೆ. ಅನುಕಂಪ, ಸಹಾನುಭೂತಿ, ಕರುಣೆ, ಸಹಾಯ ಹಸ್ತ, ಸಕಲ ಭಾಗ್ಯಗಳು- ಇನ್ನೂ ಏನಾದರೂ ಇದ್ದರೆ- ಇವೆಲ್ಲಕ್ಕೂ ಮುಸ್ಲಿಮರು ಅರ್ಹರು ಎಂದು ವಿವರಿಸಲು ಸ್ಪರ್ಧಿಸುತ್ತಿದ್ದಾರೆ.