ಭಾರತೀನಗರ

ನಿಲ್ಲದ ಕೊಕ್ಕರೆಗಳ ಸಾವು

‘ನೀರಿನ ಮೂಲಗಳಿಂದ ಕೊಕ್ಕರೆಗಳ ಸಾವು ಸಂಭವಿಸುತ್ತಿದೆ ಎಂದು ಈಗಾಗಲೇ ದೃಢಪಟ್ಟಿದೆ. ಹಲವು ತಜ್ಞರು ಈಗಾಗಲೇ ಗ್ರಾಮಕ್ಕೆ ಭೇಟಿ ನೀಡಿ ಕೊಕ್ಕರೆಗಳ ಕಳೇಬರಗಳನ್ನು ಪರಿಶೀಲಿಸಿ ಹೋಗಿದ್ದಾರೆ. ಆದರೂ ತೆಗೆದುಕೊಳ್ಳಬೇಕಾದ ಮುನ್ನೆಚ್ಚರಿಕೆ ಕ್ರಮಗಳೇನು ಎಂಬುದು ಅವರಿಂದ ತಿಳಿಯಬೇಕಿದೆ’ ಎಂದು ಉಪಅರಣ್ಯ ಸಂರಕ್ಷಣಾಧಿಕಾರಿ ಏಡುಕೊಂಡಲು ತಿಳಿಸಿದರು.

ಭಾರತೀನಗರ ಸಮೀಪದ ಕೊಕ್ಕರೆಬೆಳ್ಳೂರಿನಲ್ಲಿ ಸಾವಿಗೀಡಾಗಿರುವ ಕೊಕ್ಕರೆಗಳು

ಭಾರತೀನಗರ: ‘ಸಮೀಪದ ಕೊಕ್ಕರೆಬೆಳ್ಳೂರಿನಲ್ಲಿ ಕೊಕ್ಕರೆಗಳ ಸರಣಿ ಸಾವಿನ ಸಂಬಂಧ ಫೆ. 14, 15ರಂದು ಗ್ರಾಮಕ್ಕೆ ಪಕ್ಷಿ ತಜ್ಞರು ಮತ್ತು ವಿಜ್ಞಾನಿಗಳು ಭೇಟಿ ನೀಡಿ ಪರಿಶೀಲಿಸಲಿದ್ದಾರೆ’ ಎಂದು ಉಪಅರಣ್ಯ ಸಂರಕ್ಷಣಾಧಿಕಾರಿ ಏಡುಕೊಂಡಲು ತಿಳಿಸಿದರು.

‘ದೆಹಲಿಯ ಡಾ.ಸಾಕೇತ್‌ ಬಡೋಲ, ಬಾಂಬೆ ನ್ಯಾಚುರಲ್‌ ಹಿಸ್ಟರಿ ಸೊಸೈಟಿಯ ಡಾ.ಬ್ರಿಜ್ ಗೋಪಾಲ್‌, ಡಾ.ಅಸಾದ್ ರೆಹಮಾನಿ, ಇಂಡಿಯನ್‌ ಇನ್‌ಸ್ಟಿಟ್ಯೂಟ್‌ ಆಫ್‌ ಸೈನ್ಸ್‌ನ ಟಿ.ವಿ.ರಾಮಚಂದ್ರ, ಇಂಡಿಯನ್‌ ವೆಟರ್ನರಿ ರಿಸರ್ಚ್‌ ಇನ್‌ಸ್ಟಿಟ್ಯೂಟ್‌ನ ಡಾ.ಮುರಳೀಧರ್, ಕೊಯಮತ್ತೂರಿನ ಸಲೀಂ ಅಲಿ ಸೆಂಟರ್ ಫಾರ್ ದಿ ಆರ್ನಥಾಲಜಿಯ ತಜ್ಞರು ಸೇರಿ ಒಟ್ಟು 8 ಮಂದಿಯ ತಂಡ ಬರಲಿದೆ’ ಎಂದು ಅವರು ಹೇಳಿದರು.

‘ನೀರಿನ ಮೂಲಗಳಿಂದ ಕೊಕ್ಕರೆಗಳ ಸಾವು ಸಂಭವಿಸುತ್ತಿದೆ ಎಂದು ಈಗಾಗಲೇ ದೃಢಪಟ್ಟಿದೆ. ಹಲವು ತಜ್ಞರು ಈಗಾಗಲೇ ಗ್ರಾಮಕ್ಕೆ ಭೇಟಿ ನೀಡಿ ಕೊಕ್ಕರೆಗಳ ಕಳೇಬರಗಳನ್ನು ಪರಿಶೀಲಿಸಿ ಹೋಗಿದ್ದಾರೆ. ಆದರೂ ತೆಗೆದುಕೊಳ್ಳಬೇಕಾದ ಮುನ್ನೆಚ್ಚರಿಕೆ ಕ್ರಮಗಳೇನು ಎಂಬುದು ಅವರಿಂದ ತಿಳಿಯಬೇಕಿದೆ’ ಎಂದರು.

ಪಶುಪಾಲನೆ ಮತ್ತು ಪಶುವೈದ್ಯಕೀಯ ಸೇವಾ ಇಲಾಖೆಯ ಸಹಾಯಕ ನಿರ್ದೇಶಕ ಡಾ.ಎಲ್.ಹನುಮೇಗೌಡ ಮಾತನಾಡಿ, ‘ಬೆಂಗಳೂರು ಹೆಬ್ಬಾಳದ ಪಶು ಆರೋಗ್ಯ ಮತ್ತು ಜೈವಿಕ ಸಂಸ್ಥೆಯ ವಿಜ್ಞಾನಿಗಳು ಕೊಕ್ಕರೆಗಳ ಸಾವಿನ ಸಂಬಂಧ ಜ. 28ರಂದು 2ನೇ ವೈದ್ಯಕೀಯ ವರದಿ ನೀಡಿದ್ದಾರೆ. ಅದರಲ್ಲೂ ಜಂತುಹುಳುಗಳ ಬಾಧೆಯಿಂದ ಕೊಕ್ಕರೆಗಳ ಸಾವು ಸಂಭವಿಸಿರುವುದಾಗಿ ವರದಿಯಲ್ಲಿ ತಿಳಿಸಿದ್ದಾರೆ’ ಎಂದರು.

4 ಕೊಕ್ಕರೆಗಳ ಸಾವು: ಈ ಮಧ್ಯೆ ಕೊಕ್ಕರೆಬೆಳ್ಳೂರಿನಲ್ಲಿ ಕೊಕ್ಕರೆಗಳ ಸಾವಿನ ಸರಣಿ ಮುಂದುವರಿದಿದೆ. ಭಾನುವಾರ ಒಂದೇ ದಿನ 5 ಕೊಕ್ಕರೆಗಳು ಅಸ್ವಸ್ಥಗೊಂಡು ಮರದಿಂದ ಕೆಳಕ್ಕುರುಳಿವೆ. ಅವುಗಳಲ್ಲಿ 4 ಸ್ಥಳದಲ್ಲೇ ಮೃತಪಟ್ಟಿವೆ. ಇದರಿಂದ ಕೊಕ್ಕರೆಗಳ ಸಾವಿನ ಸಂಖ್ಯೆ 32ಕ್ಕೆ ಏರಿಕೆಯಾಗಿದೆ.

Comments
ಈ ವಿಭಾಗದಿಂದ ಇನ್ನಷ್ಟು
‘ಮೋದಿ ಸರ್ಕಾರವನ್ನು ಕಿತ್ತೊಗೆಯಿರಿ’

ಬೆಂಗಳೂರು
‘ಮೋದಿ ಸರ್ಕಾರವನ್ನು ಕಿತ್ತೊಗೆಯಿರಿ’

26 May, 2018

ಬೆಂಗಳೂರು
ಶಾಸಕರಿಗೆ ಕೊನೆಗೂ ತವರು ಸೇರುವ ಭಾಗ್ಯ!

ವಿಧಾನಸಭಾ ಚುನಾವಣಾ ಫಲಿತಾಂಶ ಬಂದು 10 ದಿನಗಳ ಬಳಿಕ ಕಾಂಗ್ರೆಸ್‌ ಹಾಗೂ ಜೆಡಿಎಸ್‌ ಶಾಸಕರಿಗೆ ಕೊನೆಗೂ ತವರಿಗೆ ಮರಳುವ ಭಾಗ್ಯ ಒದಗಿಬಂತು. ಹೋಟೆಲ್‌ಗಳಲ್ಲಿ ವಾಸ್ತವ್ಯ...

26 May, 2018

ಬೆಂಗಳೂರು
‘ಸಚಿವ ಸ್ಥಾನಕ್ಕೆ ಮನವಿ’

ವಿಧಾನಪರಿಷತ್ ಸದಸ್ಯರಾದ, ಗೊಲ್ಲ ಸಮುದಾಯದ ಜಯಮ್ಮ ಬಾಲರಾಜ್ ಅವರಿಗೆ ಜೆಡಿಎಸ್‌– ಕಾಂಗ್ರೆಸ್‌ ಸರ್ಕಾರದಲ್ಲಿ ಸಚಿವ ಸ್ಥಾನ ನೀಡಬೇಕು ಎಂದು ಕರ್ನಾಟಕ ಯಾದವ ಯುವ ಸೇನೆ...

26 May, 2018

ಬೆಂಗಳೂರು
ದಾಖಲೆಗಳಿಲ್ಲದ ನಗದು ವಶ

ಸೂಕ್ತ ದಾಖಲೆಗಳಿಲ್ಲದೆ ಸಾಗಿಸುತ್ತಿದ್ದ ₹3 ಲಕ್ಷ ನಗದನ್ನು ರಾಜರಾಜೇಶ್ವರಿ ವಿಧಾನಸಭಾ ಕ್ಷೇತ್ರದ ಚುನಾವಣಾ ಸಿಬ್ಬಂದಿ ವಶಕ್ಕೆ ಪಡೆದಿದ್ದಾರೆ.

26 May, 2018
ವಿಧಾನಸೌಧಕ್ಕೆ ಬಾರದ ದೇವೇಗೌಡ

ಬೆಂಗಳೂರು
ವಿಧಾನಸೌಧಕ್ಕೆ ಬಾರದ ದೇವೇಗೌಡ

26 May, 2018