ವಾಷಿಂಗ್ಟನ್: ಮಾಲ್ಡೀವ್ಸ್ನಲ್ಲಿ ತಲೆದೋರಿರುವ ರಾಜಕೀಯ ಬಿಕ್ಕಟ್ಟಿನ ಕುರಿತು ಅಮೆರಿಕ ಕಳವಳ ವ್ಯಕ್ತಪಡಿಸಿದೆ.
‘ಅಧ್ಯಕ್ಷ ಅಬ್ದುಲ್ ಯಮೀನ್ ಅವರು ಅಲ್ಲಿ ಇನ್ನೂ 30 ದಿನಗಳ ಕಾಲ ತುರ್ತು ಪರಿಸ್ಥಿತಿ ವಿಸ್ತರಿಸಿರುವುದು ನಿಜಕ್ಕೂ ಆತಂಕಕಾರಿ’ ಎಂದು ಅಮೆರಿಕದ ವಿದೇಶಾಂಗ ಇಲಾಖೆಯ ವಕ್ತಾರ ಹೀದರ್ ನೌರೆಟ್ ಹೇಳಿದ್ದಾರೆ.
‘ಯಮೀನ್ ಅವರು ಕೂಡಲೇ ತುರ್ತು ಪರಿಸ್ಥಿತಿಯನ್ನು ಹಿಂಪಡೆಯಬೇಕು. ಪ್ರಜಾಸತ್ತಾತ್ಮಕ ಸಂಸ್ಥೆಗಳು ಮತ್ತು ಕಾನೂನನ್ನು ಅಲ್ಲಿನ ಸರ್ಕಾರ ಗೌರವಿಸಬೇಕು. ರಾಷ್ಟ್ರದ ಜನರ ಸಾಂವಿಧಾನಿಕ ಹಕ್ಕುಗಳನ್ನು ಅವರಿಗೆ ಮರಳಿಸಬೇಕು’ ಎಂದು ನೌರೆಟ್ ಒತ್ತಾಯಿಸಿದ್ದಾರೆ.