‘ಪುರುಷನಾಮ ಏಕೆ?’, ‘ಗಂಡು ಕಟ್ಟಿದ ನುಡಿ’ (ವಾ.ವಾ., ಮಾ. 6, 7).ಈ ದಿಶೆಯಲ್ಲಿ ಇನ್ನೊಂದು ವಿಚಿತ್ರ: ಹಿಂದೆ ಅನೇಕ ರಾಜಪುತ್ರಿಯರನ್ನು ಅವರ ತಂದೆಯ ಅಥವಾ ರಾಜ್ಯದ ಹೆಸರಿನಲ್ಲಿ ಗುರುತಿಸಲಾಗುತ್ತಿತ್ತು, ಅವರಿಗೆ ಸ್ವತಂತ್ರ ಅಸ್ತಿತ್ವವಿಲ್ಲ ಎನ್ನುವಂತೆ; ಅವರ ಹುಟ್ಟುಹೆಸರೇ ಮರೆತುಹೋಗುವಂತೆ! ನಿದರ್ಶನಗಳು: ‘ಜಾನಕಿ’: ಜನಕನ ಮಗಳು, ಸೀತೆ; ‘ಕೌಶಲ್ಯೆ’: ಕೋಸಲ ರಾಜ್ಯದವಳು; ‘ಭೈಮಿ’: ಭೀಮರಾಜನ ಮಗಳು, ದಮಯಂತಿ (ತುಸು ಭಯಂಕರ!); ಔಶೀನರಿ: ಉಶೀನರನ ಮಗಳು (ತುಸು ವಿಲಕ್ಷಣ!); ವೈದೇಹಿ, ಮೈಥಿಲಿ, ಕುಂತಿ ಇತ್ಯಾದಿ ಇತ್ಯಾದಿ. ಈ ‘ಹಣೆಬರಹ’ ದೇವತೆಗಳಿಗೂ ತಪ್ಪಿದ್ದಲ್ಲ; ಉದಾಹರಣೆಗೆ, ‘ದಾಕ್ಷಾಯಿನಿ: ದಕ್ಷನ ಮಗಳು, ಉಮೆ.
