ಐದು ಸಹವರ್ತಿ ಬ್ಯಾಂಕ್ಗಳು ಮತ್ತು ಭಾರತೀಯ ಮಹಿಳಾ ಬ್ಯಾಂಕ್ (ಬಿಎಂಬಿ) ಕಳೆದ ವರ್ಷ ಎಸ್ಬಿಐನಲ್ಲಿ ವಿಲೀನಗೊಂಡಿದ್ದವು. ಈ ಬ್ಯಾಂಕ್ಗಳ ಗ್ರಾಹಕರು ಹೊಸ ಚೆಕ್ ಬುಕ್ ಪಡೆದುಕೊಳ್ಳಲು ಎಸ್ಬಿಐ ಈಗಾಗಲೇ ಎರಡು ಬಾರಿ ಗಡುವು ವಿಸ್ತರಿಸಿತ್ತು. ಈ ವಿಲೀನಗೊಂಡ ಬ್ಯಾಂಕ್ಗಳ ಚೆಕ್ ಬುಕ್ಗಳು ಮಾರ್ಚ್ 31ರ ನಂತರ ಬಳಕೆಗೆ ಮಾನ್ಯವಾಗಿರುವುದಿಲ್ಲ. ಈ ಗಡುವಿನ ಒಳಗೆ ಹೊಸ ಚೆಕ್ಬುಕ್ಗೆ ಮನವಿ ಸಲ್ಲಿಸಬೇಕು ಎಂದು ತಿಳಿಸಲಾಗಿದೆ. ಸ್ಟೇಟ್ ಬ್ಯಾಂಕ್ ಆಫ್ ಮೈಸೂರು, ಸ್ಟೇಟ್ ಬ್ಯಾಂಕ್ ಆಫ್ ಹೈದರಾಬಾದ್, ಸ್ಟೇಟ್ ಬ್ಯಾಂಕ್ ಆಫ್ ಪಟಿಯಾಲಾ, ಸ್ಟೇಟ್ ಬ್ಯಾಂಕ್ ಆಫ್ ಟ್ರವಾಂಕೂರ್ ಹಾಗೂ ಸ್ಟೇಟ್ ಬ್ಯಾಂಕ್ ಆಫ್ ಬಿಕಾನೇರ್ ಆ್ಯಂಡ್ ಜೈಪುರ, ಎಸ್ಬಿಐನಲ್ಲಿ ವಿಲೀನಗೊಂಡಿದ್ದವು.