7 ವಾಣಿಜ್ಯ ಸಂಕೀರ್ಣ ಮರುನಿರ್ಮಾಣಕ್ಕೆ ಮುಂದಾದ ಬಿಡಿಎ

ಬಿಡಿಎ ಎಂಜಿನಿಯರಿಂಗ್ ಸದಸ್ಯ ರವೀಂದ್ರ ಬಾಬು, ‘ಬಿಡಿಎ ಅಧೀನದ ಏಳು ವಾಣಿಜ್ಯ ಸಂಕೀರ್ಣಗಳನ್ನು ನೆಲಸಮಗೊಳಿಸಿ, ಆ ಸ್ಥಳದಲ್ಲಿ ಹೊಸದಾಗಿ ಕಟ್ಟಡ ನಿರ್ಮಾಣ ಮಾಡಲಾಗುತ್ತದೆ. ಈ ಸಂಬಂಧ ಒಂದು ವಾರದೊಳಗೆ ಆದೇಶ ಹೊರಡಿಸಲಾಗುತ್ತದೆ’ ಎಂದರು.

ಕಾಮಗಾರಿಗೆ ಅವಕಾಶ ಮಾಡಿಕೊಡುವಂತೆ ವಾಣಿಜ್ಯ ಸಂಕೀರ್ಣಗಳಲ್ಲಿನ ಮಳಿಗೆಗಳ ಬಾಡಿಗೆದಾರರಿಗೆ ಸೂಚಿಸಲಾಗಿದೆ. ಅವರಿಗೆ ಬೇರೆ ಕಡೆ ವ್ಯಾಪಾರ ನಡೆಸಲು ಅವಕಾಶ ಕಲ್ಪಿಸಿಕೊಡಲಾಗುತ್ತದೆ ಎಂದು ಹೇಳಿದರು.

ಕಾಮಗಾರಿ ಪೂರ್ಣಗೊಳಿಸಲು ಎರಡು ವರ್ಷ ಗಡುವು ನೀಡಲಾಗಿದೆ. ಮೇವರಿಕ್ ಹೋಲ್ಡಿಂಗ್ಸ್ ಆ್ಯಂಡ್ ಇನ್‌ವೆಸ್ಟ್‌ಮೆಂಟ್ಸ್‌ ಕಂಪನಿ ಹಾಗೂ ಎಂಬಸಿ ಗ್ರೂಪ್ ಕಂಪನಿಗಳು ಇಂದಿರಾನಗರ ವಾಣಿಜ್ಯ ಸಂಕೀರ್ಣ ನಿರ್ಮಾಣದ ಗುತ್ತಿಗೆ ಪಡೆದಿದೆ. ಉಳಿದ ವಾಣಿಜ್ಯ ಸಂಕೀರ್ಣಗಳ ಗುತ್ತಿಗೆಯನ್ನು ಎಂ–ಫಾರ್ ಡೆವಲಪರ್ಸ್‌ ಕಂಪನಿ ಹಾಗೂ ರಿಯಾಲ್ಟಿ ಕಂಪನಿಗಳು ಪಡೆದಿವೆ.

ಬಾಡಿಗೆದಾರರ ಅನುಕೂಲಕ್ಕೆ ಎರಡು ವರ್ಷಗಳ ಅವಧಿಗೆ ತಾತ್ಕಾಲಿಕ ಮಳಿಗೆಗಳನ್ನು ನಿರ್ಮಿಸಲಾಗುತ್ತದೆ. ಕಾಮಗಾರಿಯ ಗುತ್ತಿಗೆ ಪಡೆಯುವ ಕಂಪನಿಗಳೇ ಇವುಗಳನ್ನು ನಿರ್ಮಿಸಿಕೊಡಲಿವೆ. ಈಗಿನ ವಾಣಿಜ್ಯ ಸಂಕೀರ್ಣಗಳಲ್ಲಿನ ವ್ಯಾಪಾರಿಗಳು ಕಾಮಗಾರಿ ಪೂರ್ಣಗೊಳ್ಳುವವರೆಗೆ ಅವುಗಳಲ್ಲಿ ವ್ಯಾಪಾರ ನಡೆಸಬಹುದು. ಎಚ್ಎಸ್‌ಆರ್  ಬಡಾವಣೆಯ ವಾಣಿಜ್ಯ ಸಂಕೀರ್ಣ 13 ವರ್ಷಗಳಷ್ಟು ಹಳೆಯದು. ಉಳಿದವುಗಳನ್ನು ನಿರ್ಮಿಸಿ 30 ವರ್ಷಗಳು ಆಗಿವೆ.

**

ವಾಣಿಜ್ಯ ಸಂಕೀರ್ಣ––ಸದ್ಯದ ವಿಸ್ತೀರ್ಣ (ಚದರ ಮೀ.) – ಮಳಿಗೆಗಳ ಸಂಖ್ಯೆ– ಸದ್ಯದ ವರಮಾನ (₹ಗಳಲ್ಲಿ) –ಹೊಸದಾಗಿ ನಿರ್ಮಿಸುವ ಕಟ್ಟಡದ ವಿಸ್ತೀರ್ಣ (ಚದರ ಮೀ.)

ಇಂದಿರಾನಗರ             ----   24,400 ---- 165 --- 200 – 97,600

ಎಚ್‌ಎಸ್‌ಆರ್ ಲೇಔಟ್‌   –– 19,720 ---   107 --- 230 --- 49,300

ಆರ್‌ಟಿನಗರ                --- 3,467 ---- 60 ---- 20 ---- 7,800

ಆಸ್ಟಿನ್ ಟೌನ್              --- 8,213 --- 85 ---- 12 ---- 20,530

ಕೋರಮಂಗಲ             --- 6,755 --- 112 --- 86 --- 16,900

ವಿಜಯನಗರ                --- 5,162 --- 14 --- 4 ---- 11,614

ಸದಾಶಿವನಗರ               --- 969 --- 21 --- 5 --- 2,181