ಇಂದೋರ್‌: ಶನಿವಾರ ರಾತ್ರಿ ನಾಲ್ಕು ಅಂತಸ್ತಿನ ಕಟ್ಟಡ ಕುಸಿದು ಕನಿಷ್ಠ 10 ಮಂದಿ ಸಾವಿಗೀಡಾಗಿದ್ದು, ಆರು ಜನ ಗಾಯಗೊಂಡಿದ್ದಾರೆ.
ಇಲ್ಲಿನ ಸರ್ವೇಟ್‌ ಬಸ್‌ ನಿಲ್ದಾಣದ ಸಮೀಪದ ಎಂಎಸ್‌ ಹೋಟೆಲ್‌ ಕಟ್ಟಡ ಕುಸಿದಿದೆ. ಊಟದ ಹೋಟೆಲ್‌, ಲಾಡ್ಜ್‌ ಹಾಗೂ ಹಲವು ಅಂಗಡಿಗಳು ಈ ಕಟ್ಟಡದಲ್ಲಿದ್ದವು. ಇದು 60 ವರ್ಷ ಹಳೆಯದಾದ ಈ ಕಟ್ಟಡ ಎಂದು ಸ್ಥಳೀಯ ಪೊಲೀಸರು ಮಾಹಿತಿ ನೀಡಿದ್ದಾರೆ.
ಇಬ್ಬರು ಮಹಿಳೆಯರು ಸೇರಿ ಒಟ್ಟು 10 ಜನ ಮೃತಪಟ್ಟಿದ್ದಾರೆ. ಗಾಯಗೊಂಡವರಿಗೆ ಸರ್ಕಾರಿ ಎಂವೈ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ.
