ಎಸ್‌–ಬ್ಯಾಂಡ್ ತರಂಗಾಂತರದ ಉಪಗ್ರಹ

‘ಜಿಸ್ಯಾಟ್‌–6ಎ’ ಉಪಗ್ರಹ ಸಂಪರ್ಕ ಕಳೆದುಕೊಂಡ ಇಸ್ರೊ

₹260 ಕೋಟಿ ವೆಚ್ಚ, 2140 ಕೆ.ಜಿ. ತೂಕದ ಸ್ವದೇಶಿ ನಿರ್ಮಿತ ಉಪಗ್ರಹ ಜಿಸ್ಯಾಟ್‌–6ಎ ಶನಿವಾರ ಬೆಳಗಿನವರೆಗೂ ಕಾರ್ಯನಿರ್ವಹಣೆ ಸರಿಯಾಗಿರುವುದನ್ನು ಗಮನಿಸಲಾಗಿತ್ತು.

‘ಜಿಸ್ಯಾಟ್‌–6ಎ’ ಉಪಗ್ರಹ ಸಂಪರ್ಕ ಕಳೆದುಕೊಂಡ ಇಸ್ರೊ

ಬೆಂಗಳೂರು: ಮಾ.29ರಂದು ಉಡಾವಣೆ ಮಾಡಿದ್ದ 'ಜಿಸ್ಯಾಟ್–6ಎ’ ಉಪಗ್ರಹ ಸಂಪರ್ಕ ಕಳೆದುಕೊಂಡಿರುವುದಾಗಿ ಇಸ್ರೊ ಭಾನುವಾರ ಹೇಳಿದೆ.

₹260 ಕೋಟಿ ವೆಚ್ಚ, 2140 ಕೆ.ಜಿ. ತೂಕದ ಸ್ವದೇಶಿ ನಿರ್ಮಿತ ಉಪಗ್ರಹ ಜಿಸ್ಯಾಟ್‌–6ಎ ಶನಿವಾರ ಬೆಳಗಿನವರೆಗೂ ಕಾರ್ಯನಿರ್ವಹಣೆ ಸರಿಯಾಗಿರುವುದನ್ನು ಗಮನಿಸಲಾಗಿತ್ತು. ಅದೇ ದಿನ(ಮಾ.31) ಉಪಗ್ರಹವನ್ನು ಮುಂದಿನ ಕಕ್ಷೆಗೆ ಏರಿಸುವ ಪ್ರಕ್ರಿಯೆಯ ಭಾಗವಾಗಿ ಲಿಕ್ವಿಡ್‌ ಅಪೋಜಿ ಮೋಟಾರ್(ಲ್ಯಾಮ್‌) ಇಂಜಿನ್ ಅನ್ನು 53 ನಿಮಿಷ ಉರಿಸಲಾಗಿತ್ತು.

ಉಪಗ್ರಹ ಮುನ್ನುಗಿಸುವ ಮೂರನೇ ಹಾಗೂ ಅಂತಿಮ ಹಂತ ಭಾನುವಾರ ನಿಗದಿಯಾಗಿತ್ತು. ಆದರೆ, ಉಪಗ್ರಹ ಸಂಪರ್ಕಕ್ಕೆ ಸಿಗುತ್ತಿಲ್ಲ ಎಂದು ಇಸ್ರೊ ತನ್ನ ವೆಬ್‌ಸೈಟ್‌ನಲ್ಲಿ ಪ್ರಕಟಿಸಿದೆ.

ಜಿಸ್ಯಾಟ್‌–6ಎ ಅನ್ನು ಹೊತ್ತಿದ್ದ ಭೂಸ್ಥಾಯಿ ಉಪಗ್ರಹ ಉಡಾವಣಾ ವಾಹನ (ಜಿಎಸ್‌ಎಲ್‌ವಿ)– ಎಫ್08  ಸತೀಶ್ ಧವನ್ ಬಾಹ್ಯಾಕಾಶ ಕೇಂದ್ರದಿಂದ ಗುರುವಾರ ನಭಕ್ಕೆ ಚಿಮ್ಮಿತು. ಪೂರ್ವನಿಗದಿಯಂತೆ ಮುಂದಿನ 18 ನಿಮಿಷಗಳಲ್ಲಿ ಉಪಗ್ರಹವನ್ನು ಕಕ್ಷೆಗೆ ಸೇರಿಸುವ ಮೂಲಕ ಕಾರ್ಯಾಚರಣೆ ಯಶಸ್ವಿಯಾಗಿತ್ತು.

ವೇಗವಾಗಿ ಮತ್ತು ಪರಿಣಾಮಕಾರಿಯಾಗಿ ದತ್ತಾಂಶ ರವಾನೆ ಸಾಧ್ಯವಾಗಿಸುವ ಎಸ್‌–ಬ್ಯಾಂಡ್ ತರಂಗಾಂತರದ ಉಪಗ್ರಹ ಜಿಸ್ಯಾಟ್‌–6ಎ. ಭಾರತದಲ್ಲಿ ಮೊಬೈಲ್ ಸೇವೆಯನ್ನು ಮತ್ತಷ್ಟು ಪರಿಣಾಮಕಾರಿಯಾಗಿಸುವ ನಿಟ್ಟಿನಲ್ಲಿ ಉಪಗ್ರಹ ಉಡಾವಣೆಯಾಗಿತ್ತು.

ಮತ್ತೆ ಉಪಗ್ರಹದೊಂದಿಗೆ ಸಂಪರ್ಕ ಸಾಧಿಸಲು ಇಸ್ರೊ ನಿರಂತರ ಪ್ರಯತ್ನದಲ್ಲಿದೆ.

ಇನ್ನಷ್ಟು: ಯಶಸ್ವಿಯಾಗಿ ಕಕ್ಷೆ ಸೇರಿದ ಜಿಸ್ಯಾಟ್–6ಎ

Comments
ಈ ವಿಭಾಗದಿಂದ ಇನ್ನಷ್ಟು
ಚೀನಾದ ವುಹಾನ್‌ಗೆ ಬಂದಿಳಿದ ಪ್ರಧಾನಿ ಮೋದಿ

ಅನೌಪಚಾರಿಕ ಶೃಂಗಸಭೆ
ಚೀನಾದ ವುಹಾನ್‌ಗೆ ಬಂದಿಳಿದ ಪ್ರಧಾನಿ ಮೋದಿ

27 Apr, 2018
ಸುಪ್ರೀಂ ಶಿಫಾರಸು ವಾಪಸ್‌ ಕಳುಹಿಸಿದ ಕೇಂದ್ರ:  ಜೋಸೆಫ್‌ ಬಡ್ತಿಗೆ ಸರ್ಕಾರದ ಅಡ್ಡಿ

ಕೊಲಿಜಿಯಂ
ಸುಪ್ರೀಂ ಶಿಫಾರಸು ವಾಪಸ್‌ ಕಳುಹಿಸಿದ ಕೇಂದ್ರ: ಜೋಸೆಫ್‌ ಬಡ್ತಿಗೆ ಸರ್ಕಾರದ ಅಡ್ಡಿ

27 Apr, 2018
ಐಡಿಬಿಐಗೆ ₹600 ಕೋಟಿ ಸಾಲ ವಂಚನೆ

38 ಮಂದಿಯ ವಿರುದ್ಧ ಪ್ರಕರಣ
ಐಡಿಬಿಐಗೆ ₹600 ಕೋಟಿ ಸಾಲ ವಂಚನೆ

27 Apr, 2018

ಚೆನ್ನೈ
ಜಯಾ ಜೈವಿಕ ಮಾದರಿ ಇಲ್ಲ: ಅಪೋಲೋ ಆಸ್ಪತ್ರೆ ಹೇಳಿಕೆ

‘ತಮಿಳುನಾಡು ಮಾಜಿ ಮುಖ್ಯಮಂತ್ರಿ ಜೆ. ಜಯಲಲಿತಾ ಅವರ ಯಾವುದೇ ಜೈವಿಕ ಮಾದರಿಗಳು ನಮ್ಮ ಬಳಿ ಇಲ್ಲ’ ಎಂದು ಮದ್ರಾಸ್ ಹೈಕೋರ್ಟ್‌ಗೆ ಅಪೋಲೋ ಆಸ್ಪತ್ರೆ ಗುರುವಾರ...

27 Apr, 2018

ನವದೆಹಲಿ
ಪ್ರವಾಸೋದ್ಯಮ ಅಭಿವೃದ್ಧಿಗೆ ಸ್ವಚ್ಛ ಭಾರತ ಅಭಿಯಾನ ಸಹಕಾರಿ

ಆರೋಗ್ಯ ಸಂಬಂಧಿ ವಿಷಯಗಳ ಬಗ್ಗೆ ಜಾಗೃತಿ ಮೂಡಿಸಲು ಹಾಗೂ ದೇಶದಲ್ಲಿ ಪ್ರವಾಸೋದ್ಯಮವನ್ನು ಅಭಿವೃದ್ಧಿಪಡಿಸಲು ‘ಸ್ವಚ್ಛ ಭಾರತ ಅಭಿಯಾನ’ ಸಹಕಾರಿಯಾಗಿದೆ ಎಂದು ಸಚಿವ ಸುರೇಶ್‌ ಪ್ರಭು...

27 Apr, 2018