ಮಾತೆ ಮಹಾದೇವಿ ಹೇಳಿಕೆ ಖಂಡನೀಯ

ಮಾತೆ ಮಹಾದೇವಿ ತಂಡವು ಈಗಾಗಲೇ ವೀರಶೈವ ಲಿಂಗಾಯತ ಸಮುದಾಯವನ್ನು ಇಬ್ಭಾಗ ಮಾಡುವಲ್ಲಿ ಪ್ರಮುಖ ಪಾತ್ರ ವಹಿಸಿದೆ. ಮಾತೆ ಮಹಾದೇವಿ  ಸುದ್ದಿವಾಹಿನಿಯೊಂದಿಗೆ ದೂರವಾಣಿಯಲ್ಲಿ ಮಾತನಾಡುತ್ತಾ ಮೂವರು ಜನಪ್ರತಿನಿಧಿಗಳಿಗೆ ಮತ ನೀಡದಂತೆ ಬಹಿರಂಗವಾಗಿ ಹೇಳಿಕೆ ನೀಡಿರುವುದು ಖಂಡನೀಯ ಎಂದರು.

ಅಖಿಲ ಭಾರತ ವೀರಶೈವ ಮಹಾಸಭಾ ಅಧ್ಯಕ್ಷ, ಶಾಸಕ ಶಾಮನೂರು ಶಿವಶಂಕರಪ್ಪ ಅವರ ಬಗ್ಗೆ ಮಾತನಾಡುವಾಗ ಎಚ್ಚರಿಕೆ ವಹಿಸಬೇಕು. ವೀರಶೈವ ಲಿಂಗಾಯತ ಸಮುದಾಯದ ಜನಪ್ರತಿನಿಧಿಗಳನ್ನು ಟೀಕಿಸುವ ಮನೋಭಾವನೆ ಬಿಡಬೇಕು. ಹೀಗೆ ಮುಂದುವರೆದಲ್ಲಿ ತಮ್ಮ ವಿರುದ್ಧ ರಾಜ್ಯದಾದ್ಯಂತ ಪ್ರತಿಭಟನೆ ಹಮ್ಮಿಕೊಳ್ಳಲಾಗುವುದು ಎಂದು ಘಟಕದ ಎಂ.ಎನ್‌.ಹರೀಶ್‌, ಬಸವರಾಜ್‌ ಶಿವಗಂಗಾ, ಆರ್‌.ಟಿ.ಪ್ರಶಾಂತ್‌, ರಾಘವೇಂದ್ರ ಗೌಡ ಅವರೂ ಪ್ರಕಟಣೆಯಲ್ಲಿ ಎಚ್ಚರಿಕೆ ನೀಡಿದ್ದಾರೆ.