ಹಣ ಎಂದಿಗೂ ಸಂತೋಷಕ್ಕೆ ಸರಿಸಮಾನವಲ್ಲ ಎಂಬುದು ಜನಜನಿತ ಮಾತು. ಆದರೆ ಹೊಸ ಅಧ್ಯಯನವೊಂದರ ಪ್ರಕಾರ, ಸಂಬಳವೂ ಸೌಹಾರ್ದಯುತ ಸಂಬಂಧದಲ್ಲಿ ಬಹುಮುಖ್ಯ ಪಾತ್ರ ವಹಿಸುತ್ತದೆ. ಸಮಾನ ಗಳಿಕೆಯ ದಂಪತಿ ಹೆಚ್ಚು ಕಾಲ ಖುಷಿಯಿಂದಿರುತ್ತಾರಂತೆ. ನ್ಯೂಯಾರ್ಕಿನ ಕಾರ್ನೆಲ್ ವಿಶ್ವವಿದ್ಯಾಲಯದ ಮಾನವ– ಪರಿಸರ ವಿಜ್ಞಾನದಲ್ಲಿ ಸಂಶೋಧನೆ ಮಾಡುತ್ತಿರುವ ಪ್ಯಾಟ್ರಿಕ್ ಇಶಿಝುಕ ಅವರು ಈ ಅಧ್ಯಯನವನ್ನು ನಡೆಸಿದ್ದು, ಸಮಾನ ಸಂಬಳ ಪಡೆಯುತ್ತಿರುವ ದಂಪತಿಗಳಲ್ಲಿ ವಿರಸ, ಕಲಹ ಕಡಿಮೆ ಎಂದು ಹೇಳಿದ್ದಾರೆ.