ಗುರುವಾರ, 28 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಡ್ರಾ ಮಾಡಿಕೊಂಡ ಬಾರ್ಸಿಲೋನಾ

ದಿಟ್ಟ ಆಟ ಆಡಿದ ಸೆಲ್ಟಾ ವಿಗೊ
Last Updated 18 ಏಪ್ರಿಲ್ 2018, 19:30 IST
ಅಕ್ಷರ ಗಾತ್ರ

ಮ್ಯಾಡ್ರಿಡ್‌: ಒಸಮಾನೆ ಡೆಂಬೆಲ್‌ ಮತ್ತು ಪ್ಯಾಕೊ ಅಲಕ್ಯಾಸೆರ್‌ ಗಳಿಸಿದ ತಲಾ ಒಂದು ಗೋಲುಗಳ ನೆರವಿನಿಂದ ಎಫ್‌ಸಿ ಬಾರ್ಸಿಲೋನಾ ತಂಡ ಲಾ ಲಿಗಾ ಫುಟ್‌ಬಾಲ್‌ ಟೂರ್ನಿಯ ಪಂದ್ಯದಲ್ಲಿ ಸೋಲಿನಿಂದ ಪಾರಾಯಿತು.

ಬುಧವಾರ ನಡೆದ ಹಣಾಹಣಿಯಲ್ಲಿ ಬಾರ್ಸಿಲೋನಾ 2–2 ಗೋಲುಗಳಿಂದ ಸೆಲ್ಟಾ ವಿಗೊ ವಿರುದ್ಧ ಡ್ರಾ ಸಾಧಿಸಿತು.

ಇದರೊಂದಿಗೆ ಬಾರ್ಸಿಲೋನಾ ತಂಡ ಪಾಯಿಂಟ್ಸ್‌ ಪಟ್ಟಿಯಲ್ಲಿ ಅಗ್ರಸ್ಥಾನ ಕಾಪಾಡಿಕೊಂಡಿದೆ. 33 ಪಂದ್ಯಗಳನ್ನು ಆಡಿರುವ ಈ ತಂಡದ ಖಾತೆಯಲ್ಲಿ 83 ಪಾಯಿಂಟ್ಸ್ ಇವೆ.

ಆರಂಭದಿಂದಲೇ ಆಕ್ರಮಣಕಾರಿ ಆಟ ಆಡಿದ ಬಾರ್ಸಿಲೋನಾ 36ನೇ ನಿಮಿಷದಲ್ಲಿ ಖಾತೆ ತೆರೆಯಿತು. ಒಸಮಾನೆ ಡೆಂಬೆಲ್‌ ಚುರುಕಾಗಿ ಚೆಂಡನ್ನು ಗುರಿ ಸೇರಿಸಿದರು.

45ನೇ ನಿಮಿಷದಲ್ಲಿ ಸೆಲ್ಟಾ ವಿಗೊ ತಂಡದ ಜೊನಾಥನ್‌ ಕ್ಯಾಸ್ಟ್ರೊ ಒಟ್ಟೊ ಗೋಲು ಬಾರಿಸಿ 1–1ರ ಸಮಬಲಕ್ಕೆ ಕಾರಣರಾದರು.

ದ್ವಿತೀಯಾರ್ಧದಲ್ಲಿ ಬಾರ್ಸಿಲೋನಾ ತಂಡ ಪರಿಣಾಮಕಾರಿ ಆಟ ಆಡಿತು. 64ನೇ ನಿಮಿಷದಲ್ಲಿ ಪ್ಯಾಕೊ ಅಲಕ್ಯಾಸೆರ್‌ ಗೋಲು ದಾಖಲಿಸಿದರು. ಹೀಗಾಗಿ ಈ ತಂಡ 2–1ರ ಮುನ್ನಡೆ ತನ್ನದಾಗಿಸಿಕೊಂಡಿತು.

71ನೇ ನಿಮಿಷದಲ್ಲಿ ಬಾರ್ಸಿಲೋನಾ ತಂಡದ ಸರ್ಜಿ ರಾಬರ್ಟೊ, ಎದುರಾಳಿ ತಂಡದ ಆಟಗಾರನನ್ನು ತಳ್ಳಿ ನೆಲಕ್ಕೆ ಬೀಳಿಸಿದ್ದರಿಂದ ಸರ್ಜಿಗೆ ಪಂದ್ಯದ ರೆಫರಿ ಕೆಂಪು ಕಾರ್ಡ್‌ ತೋರಿಸಿ ಅಂಗಳದಿಂದ ಹೊರಗೆ ಕಳುಹಿಸಿದರು. ಹೀಗಾಗಿ ನಂತರದ ಅವಧಿಯಲ್ಲಿ ಬಾರ್ಸಿಲೋನಾ 10 ಮಂದಿಯೊಂದಿಗೆ ಆಡಬೇಕಾಯಿತು.

82ನೇ ನಿಮಿಷದಲ್ಲಿ ಸೆಲ್ಟಾ ತಂಡದ ಇಯಾಗೊ ಆ್ಯಸ್‌ಪಸ್‌ ಗೋಲು ಗಳಿಸಿ 2–2ರ ಸಮಬಲಕ್ಕೆ ಕಾರಣರಾದರು.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT