ಅನುಚಿತವಾಗಿ ವರ್ತಿಸಿದ ಓಲಾ ಚಾಲಕ

ಬಂಧಿತ ಆರೋಪಿ, ಓಲಾ ಕಂಪನಿ ಕ್ಯಾಬ್ ಚಾಲಕ. ವೈದ್ಯೆ ನೀಡಿದ್ದ ದೂರಿನನ್ವಯ ಪ್ರಕರಣ ದಾಖಲಿಸಿಕೊಂಡು ಆತನನ್ನು ಬಂಧಿಸಿದ್ದೇವೆ ಎಂದು ಪೊಲೀಸರು ಹೇಳಿದರು.

‘ವೈದ್ಯೆಯು ಬುಧವಾರ ಬೆಳಿಗ್ಗೆ ಕ್ಯಾಬ್‌ನಲ್ಲಿ (ಕೆಎ 03 ಎಇ 1396) ಬಿಎಎಲ್‌ ರಸ್ತೆ ಮೂಲಕ ಪ್ರಯಾಣಿಸುತ್ತಿದ್ದರು. ಅವರು ಕುಳಿತಿದ್ದ ಹಿಂಬದಿ ಸೀಟಿನಲ್ಲಿ ಬೆಲ್ಟ್‌ ಇರಲಿಲ್ಲ. ಆ ಬಗ್ಗೆ ಚಾಲಕನನ್ನು ಪ್ರಶ್ನಿಸಿದ್ದರು’

‘ಚಾಲಕನಿಗಷ್ಟೇ ಸೀಟ್‌ ಬೆಲ್ಟ್‌ ಇದೆ. ಪ್ರಯಾಣಿಕರಿಗೆ ಇಲ್ಲ’ ಎಂದು ಆತ ವಾದಿಸಿದ್ದ. ಆಗ ವೈದ್ಯ, ಸೀಟ್ ಬೆಲ್ಟ್‌ ಧರಿಸದಿದ್ದರೆ ಆಗುವ ಅನಾಹುತಗಳ ಬಗ್ಗೆ ಚಾಲಕನಿಗೆ ತಿಳಿಸಿ ಹೇಳಿದ್ದರು. ಅಷ್ಟಕ್ಕೆ ಕೋಪಗೊಂಡ ಸುಂದರ್, ಜಗಳ ತೆಗೆದಿದ್ದ. ಅವಾಚ್ಯ ಶಬ್ದಗಳಿಂದ ನಿಂದಿಸಿದ್ದ. ಅನುಚಿತವಾಗಿ ವರ್ತಿಸಿ ಅವರ ಗೌರವಕ್ಕೆ ಧಕ್ಕೆ ತಂದಿದ್ದ’ ಎಂದು ಪೊಲೀಸರು ತಿಳಿಸಿದರು.