ಲಕ್ಷ್ಮೇಶ್ವರ ಸುತ್ತಮುತ್ತ ಭಾರಿ ಮಳೆ– ಗಾಳಿ: ಅಪಾರ ನಷ್ಟ

ಅಲ್ಲದೇ ಇದೇ ಗ್ರಾಮದಲ್ಲಿ ಐದಾರು ವಿದ್ಯುತ್‌ ಕಂಬಗಳು ನೆಲಕ್ಕೆ ಬಿದ್ದಿವೆ ಅಲ್ಲದೆ ಅಡರಕಟ್ಟಿ–ಪುಟಗಾಂವ್‌ಬಡ್ನಿ ನಡುವೆ ಹೊಲ ಹಾಗೂ ರಸ್ತೆ ಬಳಿ ಬೆಳೆದಿದ್ದ ಹತ್ತಾರು ಮರಗಳು ನೆಲಕ್ಕುರುಳಿವೆ.

ಹಿರೇಮಲ್ಲಾಪುರದಲ್ಲಿ ನೀಲಪ್ಪ ಕರಿಯಪ್ಪ ರೇವಡಿ ಎಂಬುವವರ ಮನೆಯ ತಗಡುಗಳು ಕಿತ್ತು ಹೋಗಿ ಹಾನಿ ಸಂಭವಿಸಿದೆ. ಅಲ್ಲದೆ ಮನೆಯ ಕೊಠಡಿಯೊಂದರಲ್ಲಿ ಸಂಗ್ರಹಿಸಿದ್ದ ಹತ್ತಿ ಸಹ ಮಳೆಯಲ್ಲಿ ನೆನೆದಿದೆ.

ಅದರಂತೆ ಹುಲ್ಲೂರು ಗ್ರಾಮದಲ್ಲಿ ಬಸವಣ್ಣೆವ್ವ ಡೊಳ್ಳಿನ ಅವರ ಜಾನುವಾರು ಕಟ್ಟುವ ಶೆಡ್‌ನ ಚಾವಣಿಗೆ ಹಾಕಿದ್ದ ತಗಡುಗಳು ಕಿತ್ತು ಹೋಗಿವೆ.

‘ಇಂಥ ಅನಾಹುತ ಗಾಳೀನ ನಾ ಎಂದೂ ನೋಡಿಲ್ರೀ’ ಎಂದು ಪುಟಗಾಂವ್‌ಬಡ್ನಿ ಗ್ರಾಮದ ಶಿವಪುತ್ರಪ್ಪ ಜಿಡ್ಡಿ ಹೇಳಿದರು.