‘ಭಾರತೀಯ ಸಂಸ್ಕೃತಿ, ಹಳ್ಳಿ ಸೊಬಗು ನನ್ನನ್ನು ಯಾವಾಗಲೂ ಕಾಡುವ ಅಂಶಗಳು. ಚಿಕ್ಕಂದಿನಿಂದಲೂ ಹಳ್ಳಿಯಲ್ಲೇ ಇರುವುದರಿಂದ, ಅಲ್ಲಿನ ರೈತಾಪಿ ಜನ, ಕೂಲಿಕಾರ್ಮಿಕರು, ಅಲ್ಲಿನ ಪರಿಸರ, ಸೂರ್ಯನ ಬೆಳಕು, ರಂಗೋಳಿ ಹಾಕುವುದು, ಹುಡುಗರು ಗಾಲಿ ಆಡುವ ಸಂಗತಿಗಳು ನನ್ನನ್ನು ಬಹುವಾಗಿ ಆವರಿಸಿವೆ. ಆದ್ದರಿಂದ ಇವೇ ನನ್ನ ಕಲಾಕೃತಿಗಳ ಮೂಲ ವಿಷಯ ವಸ್ತು. ಜತೆಗೆ ಐತಿಹಾಸಿಕ ಸ್ಥಳಗಳು, ಹಂಪಿ, ಬಾದಾಮಿಯ ದೇವಸ್ಥಾನಗಳು ಇವುಗಳನ್ನು ನನ್ನ ಕಲಾಕೃತಿಗಳಲ್ಲಿ ನೋಡಬಹುದು. ನನ್ನ ಕಲಾಕೃತಿಗಳ ಜೀವಂತಿಕೆ ಇರುವುದು ಹಳ್ಳಿ ಸೊಬಗಿನಲ್ಲಿ ಎಂದು ನನ್ನ ನಂಬುಗೆ.