‘2013ರಿಂದ 2016ರ ವರೆಗೆ ನಾಲ್ಕು ಸಲ ಮಾರ್ಗಸೂಚಿ ದರ ಪರಿಷ್ಕರಣೆ ಮಾಡಲಾಗಿತ್ತು. ರಾಜಸ್ವ ಸಂಗ್ರಹದಲ್ಲಿ ಗುರಿ ತಲುಪಿದ್ದೆವು. ನೋಟು ರದ್ದತಿಯಿಂದಾಗಿ ಆದಾಯದಲ್ಲಿ ಖೋತಾ ಉಂಟಾಗಿತ್ತು. ಮತ್ತೆ ಸಹಜ ಸ್ಥಿತಿಗೆ ಮರಳಿದೆ. ಈ ವರ್ಷ ಮೂರು ತಿಂಗಳಲ್ಲೇ ರಾಜಧಾನಿಯಲ್ಲಿ ₹2,071 ಕೋಟಿ ರಾಜಸ್ವ ಇಲಾಖೆಗೆ ಜಮೆಯಾಗಿದೆ. ಆ ಆರ್ಥಿಕ ವರ್ಷದಲ್ಲಿ ₹10,500 ಕೋಟಿಯ ನಿರೀಕ್ಷೆಯಲ್ಲಿ ದ್ದೇವೆ. ಅದಕ್ಕಿಂತ ಹೆಚ್ಚು ಸಂಗ್ರಹವಾಗುವ ನಿರೀಕ್ಷೆ ಇದೆ’ ಎಂದು ನೋಂದಣಿ ಮತ್ತು ಮುದ್ರಾಂಕ ಇಲಾಖೆ ಅಧಿಕಾರಿಯೊಬ್ಬರು ತಿಳಿಸಿದರು.