ಸಮಾಜಮುಖಿ ವಸ್ತುವೇ ‘ಲವ್‌ ಸೋನಿಯಾ’ ತಿರುಳು

ಬಡ ಕುಟುಂಬದ ಇಬ್ಬರು ಹೆಣ್ಣು ಮಕ್ಕಳಲ್ಲಿ ಒಬ್ಬಳನ್ನು ತಂದೆ ತಾಯಿಯೇ ವೇಶ್ಯಾವಾಟಿಕೆ ದಂಧೆಯವರಿಗೆ ಮಾರಾಟ ಮಾಡುವುದು, ಸಹೋದರಿಯನ್ನು ಕಳಕೊಂಡು ಇನ್ನೊಬ್ಬಳು ಅನುಭವಿಸುವ ತೊಳಲಾಟ ಇಡೀ ಚಿತ್ರದ ಮುಖ್ಯ ಭೂಮಿಕೆ. ಅಕ್ಕ–ತಂಗಿ ಪಾತ್ರಗಳಲ್ಲಿ ಮೃಣಾಲ್‌ ಠಾಕೂರ್‌ ಮತ್ತು ರಿಯಾ ಸಿಸೋಡಿಯಾ ಚೆನ್ನಾಗಿಯೇ ನಟಿಸಿದ್ದಾರೆ.

ಅಕ್ಕನನ್ನು ಹುಡುಕುತ್ತಾ ಮುಂಬೈಗೆ ಬರುವ ತಂಗಿಗೆ ಕೆಂಪುದೀಪ ಪ್ರದೇಶ ಮತ್ತು ಎಲ್ಲಿ ಹೋದರೂ ವೇಶ್ಯಾವಾಟಿಕೆ ಜಾಲದ ನಾನಾ ಮುಖಗಳ ಪರಿಚಯವಾಗುತ್ತದೆ. ರಾಜ್‌ಕುಮಾರ್‌ ರಾವ್‌, ಮನೋಜ್‌ ಬಾಜಪೇಯಿ, ರಿಚಾ ಚಡ್ಡಾ, ಫ್ರೀಡಾ ಪಿಂಟೊ, ಡೆಮಿ ಮೂರೆ ಪ್ರಮುಖ ಪಾತ್ರವರ್ಗದಲ್ಲಿದ್ದಾರೆ. ಟ್ರೇಲರ್‌ ಸಿನಿಪ್ರಿಯರ ತುಂಬು ಮೆಚ್ಚುಗೆಗೆ ಪಾತ್ರವಾಗಿದೆ.