ಇಲ್ಲಿನ ಮನೆಗಳಿಗೆ ನಳ ಅಳವಡಿಸಿಲ್ಲ. ಸಾರ್ವಜನಿಕ ನಳದಲ್ಲಿಯೇ ನೀರು ಹಿಡಿಯಬೇಕಿದೆ. ಕಾಲೊನಿಯಲ್ಲಿ ಸುಮಾರು ನೂರಕ್ಕೂ ಹೆಚ್ಚು ಮನೆಗಳಿವೆ. 700 ಜನ ವಾಸವಾಗಿದ್ದಾರೆ. ಮೂರು ದಿನಗಳಿಗೊಮ್ಮೆ ನೀರು ಪೂರೈಕೆ ಮಾಡಲಾಗುತ್ತಿದೆ. ನಳಗಳ ಸಂಖ್ಯೆ ಕಡಿಮೆ ಇದ್ದು, ನೀರು ಬರುವ ಅವಧಿಯೂ ಕಡಿಮೆ. ಹಾಗಾಗಿ ನೀರಿಗಾಗಿ ಇಲ್ಲಿ ನಿತ್ಯ ಕೊಡಗಳ ಸಾಲು. ನಿವಾಸಿಗಳ ಹೋರಾಟ ಸಾಮಾನ್ಯ. ಈ ಬಗ್ಗೆ ಇಲ್ಲಿನ ಅಧಿಕಾರಿಗಳು ಹಾಗೂ ಜನಪ್ರತಿನಿಧಿಗಳು ನೋಡಿಯೂ ನೋಡದಂತೆ ನಿರ್ಲಕ್ಷ್ಯ ವಹಿಸುತ್ತಿದ್ದಾರೆ ಎಂದು ಕಾಲೊನಿ ನಿವಾಸಿ ರಾಜು ಶ್ರೀರಾಮ್ ದೂರುತ್ತಾರೆ.