ದೇವಸ್ಥಾನದ ಬಳಿ ಎದುರಾದ ಲೋಬೊ– ಕಾಮತ್

ಯಾರಿಗೆ ಕೃಷ್ಣನ ಆಶೀರ್ವಾದ...!

ಚುನಾವಣಾ ಕುರುಕ್ಷೇತ್ರಕ್ಕೆ ಧುಮುಕಿರುವ ಮಂಗಳೂರು ದಕ್ಷಿಣ ಕ್ಷೇತ್ರದ ಅಭ್ಯರ್ಥಿಗಳಿಬ್ಬರು ಭಾನುವಾರ ಪರಸ್ಪರ ಎದುರಾಗಿದ್ದು, ಶ್ರೀಕೃಷ್ಣ ಆಶೀರ್ವಾದಕ್ಕೆ ಮುಗಿಬಿದ್ದರು.

ಮಂಗಳೂರು: ಚುನಾವಣಾ ಕುರುಕ್ಷೇತ್ರಕ್ಕೆ ಧುಮುಕಿರುವ ಮಂಗಳೂರು ದಕ್ಷಿಣ ಕ್ಷೇತ್ರದ ಅಭ್ಯರ್ಥಿಗಳಿಬ್ಬರು ಭಾನುವಾರ ಪರಸ್ಪರ ಎದುರಾಗಿದ್ದು, ಶ್ರೀಕೃಷ್ಣ ಆಶೀರ್ವಾದಕ್ಕೆ ಮುಗಿಬಿದ್ದರು.

ಸೋಮವಾರ ನಾಮಪತ್ರ ಸಲ್ಲಿಸಲು ನಿರ್ಧರಿಸಿರುವ ದಕ್ಷಿಣ ಕ್ಷೇತ್ರದ ಕಾಂಗ್ರೆಸ್‌ ಅಭ್ಯರ್ಥಿ ಜೆ.ಆರ್‌. ಲೋಬೊ, ಬಿಜೆಪಿ ಅಭ್ಯರ್ಥಿ ಡಿ. ವೇದವ್ಯಾಸ್‌ ಕಾಮತ್‌, ಭಾನುವಾರ ನಗರದ ವಿವಿಧ ದೇವಸ್ಥಾನಗಳನ್ನು ಸುತ್ತಿದರು.

ಮಧ್ಯಾಹ್ನದ ವೇಳೆಗೆ ಜೆ.ಆರ್. ಲೋಬೊ ಅವರು ಮರೋಳಿ ಸೂರ್ಯ ನಾರಾಯಣ ದೇವಸ್ಥಾನಕ್ಕೆ ಭೇಟಿ ನೀಡಿ, ವಾಪಸಾಗಬೇಕು ಎನ್ನುವಷ್ಟರಲ್ಲಿಯೇ ವೇದವ್ಯಾಸ ಕಾಮತ್‌ ಅವರ ವಾಹನ ದೇವಸ್ಥಾನಕ್ಕೆ ಬಂತು. ಕಾಮತ್‌ರನ್ನು ಎದುರುಗೊಂಡ ಲೋಬೊ, ನಗುತ್ತಲೇ ಬರಮಾಡಿಕೊಂಡರು.

ಕಾಮತ್ ಕಾರು ಇಳಿಯುತ್ತಿದ್ದಂತೆಯೇ ಮಾತನಾಡಿದ ಜೆ.ಆರ್. ಲೋಬೊ, ‘ಅರ್ಜುನ ಕೃಷ್ಣನ ಬಳಿ ಹೋಗಿ ಆಶೀರ್ವಾದ ಪಡೆದಂತೆ, ನಾನು ಮೊದಲೇ ಕೃಷ್ಣನ ಪಾದಕ್ಕೆ ಎರಗಿ ಆಶೀರ್ವಾದ ಪಡೆದಿದ್ದೇನೆ. ಇನ್ನು ನೀವು ಕೃಷ್ಣನ ತಲೆಯ ಬಳಿಯೇ ಕೂರಬೇಕು’ ಎಂದು ಹೇಳಿದರು.

ಇದಕ್ಕೆ ಅಷ್ಟೇ ಸಮಾಧಾನದಿಂದ ಉತ್ತರಿಸಿದ ವೇದವ್ಯಾಸ ಕಾಮತ್‌, ‘ಯಾರಿಗೆ ಆಶೀರ್ವಾದ ನೀಡಬೇಕು ಎನ್ನುವುದು ಶ್ರೀಕೃಷ್ಣ ಪರಮಾತ್ಮನಿಗೆ ಚೆನ್ನಾಗಿ ಗೊತ್ತಿದೆ’ ಎಂದರು.

‘ಏನು ನೀವು ಯುವಕರಂತೆ ಇನ್‌ಶರ್ಟ್‌ ಮಾಡಿಕೊಂಡು ಟ್ರಿಮ್ಮಾಗಿ ಬಂದ್ದಿದ್ದೀರಿ’ ಎಂಬ ಕಾಮತ್‌ರ ಮಾತಿಗೆ ಉತ್ತರಿಸಿದ ಲೋಬೊ, ‘ನಿಮ್ಮಂತಹ ಯುವಕರು ಇರುವಾಗ ನಾವು ಇಷ್ಟು ಮಾಡದಿದ್ದರೆ ಹೇಗೆ’ ಎಂದರು.

ಇದಾದ ನಂತರ ಮಾತನಾಡಿದ ವೇದವ್ಯಾಸ ಕಾಮತ್‌, ‘ಸೈದ್ಧಾಂತಿಕವಾಗಿ ನಾವು ಬೇರೆ ಬೇರೆ ಪಕ್ಷದಲ್ಲಿದ್ದರೂ, ಇಬ್ಬರೂ ಮಂಗಳೂರಿನವರು. ಮಂಗಳೂರಿನ ಅಭಿವೃದ್ಧಿಗಾಗಿ ಒಳ್ಳೆಯ ರೀತಿಯಲ್ಲಿ ಚುನಾವಣೆ ಎದುರಿಸೋಣ’ ಎಂದು ಹೇಳಿದರು.

ನಂತರ ಅಷ್ಟಿಷ್ಟು ಉಭಯಕುಶಲೋಪರಿ ವಿಚಾರಿಸಿದ ಉಭಯ ನಾಯಕರು, ಕೈಕುಲುಕಿದರು. ಬಳಿಕ ಲೋಬೊ ಕಾರನ್ನೇರಿ ಮುಂದಿನ ಪ್ರಯಾಣ ಬೆಳೆಸಿದರೆ, ಕಾಮತ್‌ ದೇವಸ್ಥಾನಕ್ಕೆ ಭೇಟಿ ನೀಡಿ ಪೂಜೆ ಸಲ್ಲಿಸಿದರು.

 

Comments
ಈ ವಿಭಾಗದಿಂದ ಇನ್ನಷ್ಟು

ಮಂಗಳೂರು
ಗರ್ಭಿಣಿಯರ ಆರೋಗ್ಯ---– ನಿಗಾ ವಹಿಸಿ

ಗರ್ಭಿಣಿಯರ ಗರ್ಭವು ಅಪಾಯಕಾರಿ ಹಂತದಲ್ಲಿದ್ದರೆ, ಅಂತಹ ಗರ್ಭಿಣಿಯರ ಆರೋಗ್ಯದ ಮೇಲೆ ತೀವ್ರ ನಿಗಾ ಇರಿಸುವಂತೆ ಜಿಲ್ಲಾಧಿಕಾರಿ ಸಸಿಕಾಂತ್ ಸೆಂಥಿಲ್ ಸೂಚನೆ ನೀಡಿದರು.

26 May, 2018

ಮಂಗಳೂರು
6 ಗ್ರಾ.ಪಂ.ಗಳ ವಿರುದ್ಧ ಪ್ರಕರಣ ದಾಖಲು

ಕಾಂಪೋಸ್ಟ್ ಘಟಕಕ್ಕೆ ಪೈಪ್ ಖರೀದಿಯಲ್ಲಿ ಹಣ ದುರುಪಯೋಗದ ಸಂಬಂಧ ದಕ್ಷಿಣ ಕನ್ನಡ ಜಿಲ್ಲೆಯ 6 ಗ್ರಾಮ ಪಂಚಾಯಿತಿಗಳ ಅಧ್ಯಕ್ಷರು, ಪಂಚಾಯಿತಿ ಅಭಿವೃದ್ಧಿ ಅಧಿಕಾರಿ ಹಾಗೂ...

26 May, 2018
ಕಟೀಲು ಮೇಳದ ಆಟಕ್ಕೆ ತೆರೆ

ಮೂಲ್ಕಿ
ಕಟೀಲು ಮೇಳದ ಆಟಕ್ಕೆ ತೆರೆ

26 May, 2018

ಮಂಗಳೂರು
ನಿಫಾ ವೈರಸ್‌ ಭೀತಿ–ಆತಂಕ ಬೇಡ

ಕೇರಳದ ಕೋಯಿಕ್ಕೋಡ್ ಜಿಲ್ಲೆಯಲ್ಲಿ ಕಂಡುಬಂದಿರುವ ನಿಫಾ ವೈರಾಣು ಸೋಂಕಿನ ವಿಚಾರದಲ್ಲಿ ದಕ್ಷಿಣ ಕನ್ನಡ ಜಿಲ್ಲೆಯ ಜನರು ಆತಂಕಪಡುವ ಅಗತ್ಯವಿಲ್ಲ. ಈ ವಿಚಾರದಲ್ಲಿ ಸಾಮಾಜಿಕ ಜಾಲತಾಣಗಳಲ್ಲಿ...

25 May, 2018

ಪುತ್ತೂರು
ಆವರಣ ಗೋಡೆ ಎತ್ತರಕ್ಕೆ ಕ್ರಮ

ಉಪವಿಭಾಗಾಧಿಕಾರಿ ನೇತೃತ್ವದ ಸಮಿತಿಯಲ್ಲಿ ₹ 11.35 ಲಕ್ಷ ನಿಧಿ ಇದೆ. ಅದನ್ನು ಬಳಸಿ ಡಂಪಿಂಗ್ ಯಾರ್ಡ್‌ ಸುತ್ತಲಿನ ಆವರಣ ಗೋಡೆ ಎತ್ತರಿಸಲಾಗುವುದು. ಯಾರ್ಡ್‌ ಒಳಗೆ...

25 May, 2018