ಒಳಗಣ್ಣು ತೆರೆದುಕೊಂಡವರು ನಾವುಗಳು. ಕಣ್ಣಿದ್ದೂ ಕುರುಡು ನೀವುಗಳು. ನಮ್ಮ ಕಣ್ಣನಲ್ಲಿ ದೇವರಿದ್ದಾನೆ ಅದಕ್ಕೆ ನಾವು ಹಾಕಿಕೊಂಡೆವು ಬಾಗಿಲು. ದಂ ಇದ್ದರೆ ನೀವು ಹತ್ತು ನಿಮಿಷ ನಮ್ಮ ಥರಾ ಇರಿ ಅಂತ ಸವಾಲೆಸೆಯುವ ಸಾಲುಗಳು ದೃಷ್ಟಿ ಇದ್ದವರನ್ನು ಕೆಣಕುವಂತಿವೆ. ಯಾರ ಸಹಾಯವೂ ಪಡೆಯದೇ ತಮ್ಮ ಕೆಲಸಗಳನ್ನು ಅಚ್ಚುಕಟ್ಟಾಗಿ ಮಾಡಿಕೊಳ್ಳುವ ಅಂಧರು, ಎಲ್ಲವನ್ನೂ ಸ್ಪರ್ಶದ ಮೂಲಕವೇ ಅನುಭೂತಿ ಪಡೆಯುವ ಅನನ್ಯ ಲೋಕವೂ ಇಲ್ಲಿ ಕಾಣಸಿಗುತ್ತದೆ. ಗಿಲೀಟಿನ ಲೋಕದ ಮಂದಿಯನ್ನು ಲೇವಡಿ ಮಾಡುವ ಅಂಧರು ನೀವೆಲ್ಲಾ ನಕಲಿ, ನಾವೇ ಅಸಲಿ ಎನ್ನುತ್ತಾರೆ. ಜಾಲಿಯಾಗಿ ಸಾಗುವ ಹಾಡು, ಹಿತವಾಗಿ ಕಾಲೆಳೆಯುತ್ತಲೇ ನೋಡುಗರನ್ನು ಆವರಿಸುತ್ತದೆ.