ನವದೆಹಲಿ : ಫಿಸಿಯೊಥೆರಪಿ ಪದವಿ ಕೋರ್ಸ್‌ಗೆ ಪ್ರವೇಶ ನೀಡುವಾಗ ಯೋಗ ಡಿಪ್ಲೊಮ ಪಡೆದವರಿಗೂ ಆದ್ಯತೆ ನೀಡಲು ವಿಶ್ವವಿದ್ಯಾಲಯಗಳ ಧನಸಹಾಯ ಆಯೋಗ (ಯುಜಿಸಿ) ನಿರ್ಧರಿಸಿದೆ.
ತಜ್ಞರ ಸಮಿತಿ ಮಾಡಿದ ಶಿಫಾರಸುಗಳನ್ನು ಆಧರಿಸಿ ಈ ನಿರ್ಧಾರ ತೆಗೆದುಕೊಳ್ಳಲಾಗಿದೆ. ಒಂದು ವರ್ಷದ ಯೋಗ ಡಿಪ್ಲೊಮ ಪಡೆದವರೂ ಪ್ರವೇಶಕ್ಕೆ ಅರ್ಹರಾಗುತ್ತಾರೆ. ಪ್ರವೇಶ ಪರೀಕ್ಷೆಯ ಅಂಕಗಳು ಹಾಗೂ ಅರ್ಹತೆ ಮಾನದಂಡಗಳು ಎಲ್ಲ ವಿದ್ಯಾರ್ಥಿಗಳ ರೀತಿ ಇವರಿಗೂ ಅನ್ವಯವಾಗಲಿವೆ.
ಸಮಿತಿಯ ಶಿಫಾರಸುಗಳಿಗೆ ಮಾನವ ಸಂಪನ್ಮೂಲ ಸಚಿವಾಲಯ ಒಪ್ಪಿಗೆ ನೀಡಿದ್ದು, ಈ ಬಗ್ಗೆ ತನ್ನ ಅಧೀನ ಕಾಲೇಜುಗಳಿಗೆ ಮಾಹಿತಿ ನೀಡುವಂತೆ ವಿಶ್ವವಿದ್ಯಾಲಯಗಳಿಗೆ ಸೂಚಿಸಿದೆ.
