ಶ್ರೀನಗರ : ಜಮ್ಮು ಮತ್ತು ಕಾಶ್ಮೀರದ ಪುಲ್ವಾಮಾ ಜಿಲ್ಲೆಯಲ್ಲಿ ನಡೆದ ಎನ್ಕೌಂಟರ್ನಲ್ಲಿ ಜೈಷೆ ಮೊಹಮ್ಮದ್ನ (ಜೆಇಎಂ) ನಾಲ್ವರು ಉಗ್ರರನ್ನು ಹತ್ಯೆ ಮಾಡಲಾಗಿದ್ದು, ಕಾರ್ಯಾಚರಣೆಯಲ್ಲಿ ಇಬ್ಬರು ಯೋಧರು ಹುತಾತ್ಮರಾಗಿದ್ದಾರೆ.
ಖಚಿತ ಮಾಹಿತಿ ಮೇರೆಗೆ ತ್ರಾಲ್ ಪ್ರದೇಶದ ಲಾಮ್ ಅರಣ್ಯದಲ್ಲಿ ಸೇನೆ ದಾಳಿ ನಡೆಸಿತು. ಈ ವೇಳೆ ಒಬ್ಬ ಯೋಧ ಮತ್ತು ಪೊಲೀಸ್ ತೀವ್ರವಾಗಿ ಗಾಯಗೊಂಡರು. ತಕ್ಷಣ ಆಸ್ಪತ್ರೆಗೆ ಸಾಗಿಸಲಾಯಿತಾದರೂ, ಇಬ್ಬರೂ ಸಾವನ್ನಪ್ಪಿದರು. ಮೃತರನ್ನು ಯೋಧ ಅಜಯ್, ಕಾನ್ಸ್ಟೆಬಲ್ ಲತೀದ್ ಗುಜ್ರಿ ಎಂದು ಗುರುತಿಸಲಾಗಿದೆ.