ನೆಲಕ್ಕುರುಳಿದ ಅರಳೀಮರ, ತೆಂಗಿನ ಮರಗಳು; ಮುರಿದು ಬಿದ್ದ ವಿದ್ಯುತ್‌ ಕಂಬಗಳು

ಮಳೆಗಾಳಿಗೆ ತುರುವೇಕೆರೆ ತತ್ತರ

ತುರುವೇಕೆರೆ ತಾಲ್ಲೂಕಿನ ವಿವಿಧ ಕಡೆ ಮಂಗಳವಾರ ಸಂಜೆ ಮಳೆ ಗಾಳಿ ಬೀಸಿ ಮರ ಮತ್ತು ವಿದ್ಯುತ್ ಕಂಬಗಳು ಮುರಿದು ವಿದ್ಯುತ್ ವ್ಯತ್ಯಯ ಉಂಟಾಗಿದೆ.

ತುರುವೇಕೆರೆ ಪಟ್ಟಣದ ಬ್ರಾಹ್ಮಣರ ಬೀದಿಯಲ್ಲಿ ಮಳೆಗಾಳಿಗೆ ಟ್ರಾನ್ಸ್‌ಫಾರ್ಮರ್‌ ಮುರಿದು ಬಿದ್ದಿದೆ

ತುರುವೇಕೆರೆ: ತಾಲ್ಲೂಕಿನ ವಿವಿಧ ಕಡೆ ಮಂಗಳವಾರ ಸಂಜೆ ಮಳೆ ಗಾಳಿ ಬೀಸಿ ಮರ ಮತ್ತು ವಿದ್ಯುತ್ ಕಂಬಗಳು ಮುರಿದು ವಿದ್ಯುತ್ ವ್ಯತ್ಯಯ ಉಂಟಾಗಿದೆ.

ಪಟ್ಟಣದ ಮಡಿವಾಳರ ಬೀದಿಯಲ್ಲಿ ಅರಳೀಮರ ಬಿದ್ದು, 2 ವಿದ್ಯುತ್ ಕಂಬಗಳು ಮುರಿದಿವೆ. ಬಾವಿಕೆರೆ ಏರಿ ಮತ್ತು ಬ್ರಾಹ್ಮಣರ ಬೀದಿಯಲ್ಲಿ ತೆಂಗಿನ ಮರ ಬಿದ್ದು 3 ಕಂಬಗಳು ಮತ್ತು ಟ್ರಾನ್ಸ್ ಫಾರ್ಮರ್‌ ನೆಲಕ್ಕೆ ಉರುಳಿದೆ.

ಸರ್ಕಾರಿ ಆಸ್ಪತ್ರೆಯ ಮುಂಭಾಗದಲ್ಲಿ ಮರದ ಕೊಂಬೆ ಬಿದ್ದು, ವಿದ್ಯುತ್ ಲೈನ್ ಮುರಿದಿದೆ. ಬಸವೇಶ್ವರ ನಗರದ ವಿವೇಕಾನಂದ ಪ್ರಥಮ ದರ್ಜೆ ಕಾಲೇಜಿನ ಮುಂಭಾಗ ತೆಂಗಿನ ಮರ ಬಿದ್ದು, ಟ್ರಾನ್ಸ್‌ ಫಾರ್ಮರ್‌ ಜಖಂಗೊಂಡಿದೆ. ಆರ್.ಎಂ.ಸಿ ಹಿಂಭಾಗದ ತೆಂಗಿನ ಮರ ಮುರಿದು ಬಿದ್ದು 2 ವಿದ್ಯುತ್ ಕಂಬಗಳು ಧರೆಗುರುಳಿವೆ.

ಮಾಯಸಂದ್ರ ಹೋಬಳಿಯ ಕಾಮನಹಳ್ಳಿಯಲ್ಲಿ 4 ವಿದ್ಯುತ್ ಕಂಬಗಳು ಮುರಿದಿವೆ. ಹಾಗೆಯೇ ಕಸಬಾದ ಬೇವಿನಹಳ್ಳಿ 1 ಮರ, ಪಟ್ಟಣದ ಅನುಕಾರ್ ಸೆಂಟರ್ ಮುಂಭಾಗದ ಮರ ಬುಡ ಮೇಲಾಗಿದೆ. ಕಾಮನಹಳ್ಳಿ, ಲಿಂಬೇನಹಳ್ಳಿ, ಭೈತರಹೊಸಹಳ್ಳಿ, ಯರದೇಹಳ್ಳಿ, ಸೀಗೆಹಳ್ಳಿ, ಅಂಚೀಹಳ್ಳಿ, ಮಲ್ಲೇನಹಳ್ಳಿ ಮತ್ತು ದಬ್ಬೇಘಟ್ಟ ಹೋಬಳಿಯ ಕೆಲ ಕಡೆ ಉತ್ತಮ ಮಳೆಯಾಗಿದ್ದು, ಯಾವುದೇ ಪ್ರಾಣಹಾನಿಯಾಗಿರುವ ಬಗ್ಗೆ ವರದಿಯಾಗಿಲ್ಲ.

ಈಗಾಗಲೆ ಎಲ್ಲ ಸಿಬ್ಬಂದಿ ಮತ್ತು ನಾವು ಮಳೆಯಿಂದ ಹಾನಿಯಾದ ಸ್ಥಳಕ್ಕೆ ಭೇಟಿ ನೀಡಿ, ಮರ ಮತ್ತು ಕಂಬಗಳನ್ನು ತೆರವುಗೊಳಿಸಿ, ವಿದ್ಯುತ್ ವ್ಯತ್ಯಯವಾಗದಂತೆ ವ್ಯವಸ್ಥೆ ಮಾಡಿದ್ದೇವೆ ಎಂದು ಪ್ರಭಾರ ಸಹಾಯಕ ಎಂಜಿನಿಯರ್ ಸಿ.ಎಸ್.ಧರಣೀಶ ‘ಪ್ರಜಾವಾಣಿ’ಗೆ ತಿಳಿಸಿದರು.

ಗುಡುಗು ಸಮೇತ ಮಳೆ

ಮಧುಗಿರಿ: ಪಟ್ಟಣ ಹಾಗೂ ತಾಲ್ಲೂಕು ವಿವಿಧ ಗ್ರಾಮಗಳಲ್ಲಿ ಮಂಗಳವಾರ ಗುಡುಗು ಸಮೇತ ಮಳೆಯಾಗಿದೆ. ಮಧ್ಯಾಹ್ನ 2.30ರ ಸಮಯದಲ್ಲಿ ಸಾಧಾರಣವಾಗಿ ಮಳೆಯಾಗಿದೆ. ಬಿಸಿಲಿನ ತಾಪಕ್ಕೆ ಕೆಂಗಟ್ಟಿದ್ದ ಜನರಿಗೆ ಹಾಗೂ ಭೂಮಿ ಸ್ವಲ್ಪ ಮಟ್ಟಿಗೆ ತಂಪು ಕಂಡಂತಾಗಿದೆ. ಶಾಸಕ ಕೆ.ಎನ್.ರಾಜಣ್ಣ ನಾಮ ಪತ್ರ ಸಲ್ಲಿಸಿ, ಮೆರವಣಿಗೆ ಮುಗಿಯುವ ಸಮಯದಲ್ಲಿ ಮಳೆ ಬಂದ ಕಾರಣ ಕಾರ್ಯಕರ್ತರು ತಮ್ಮ ಊರುಗಳಿಗೆ ತೆರಳಲು ಸ್ವಲ್ಪ ಮಟ್ಟಿಗೆ ಅಡಚಣೆಯಾಯಿತು.

Comments
ಈ ವಿಭಾಗದಿಂದ ಇನ್ನಷ್ಟು

ತುಮಕೂರು
ಸಂಜೆ ವೇಳೆ ಜಿಲ್ಲಾ ಕೇಂದ್ರದಿಂದ ಬಸ್ಸಿಲ್ಲ!

ಜಿಲ್ಲಾ ಕೇಂದ್ರವಾದ ತುಮಕೂರಿನಿಂದ ಕೊರಟಗೆರೆ, ಮಧುಗಿರಿ ಮತ್ತು ಪಾವಗಡಕ್ಕೆ ಹೋಗಲು ಸಂಜೆ 6.30ರ ನಂತರ ಬಸ್ಸುಗಳಿಲ್ಲ! ಅಷ್ಟೇ ಅಲ್ಲ. ಆ ಸಮಯದಲ್ಲಿ ಆ ತಾಲ್ಲೂಕು...

26 May, 2018

ತುಮಕೂರು
ಪಾಲಿಕೆ ಸ್ಥಾಯಿ ಸಮಿತಿಗಳಿಗೆ ಆಯ್ಕೆ

ಮಹಾನಗರ ಪಾಲಿಕೆಯ ಮೂರು ಸ್ಥಾಯಿ ಸಮಿತಿಗಳಿಗೆ ಶುಕ್ರವಾರ ಅಧ್ಯಕ್ಷರನ್ನು ಅವಿರೋಧವಾಗಿ ಆಯ್ಕೆ ಮಾಡಲಾಯಿತು. ಪಾಲಿಕೆ ಸಭಾಂಗಣದಲ್ಲಿ ಮೇಯರ್ ಸುಧೀಶ್ವರ್ ಅಧ್ಯಕ್ಷತೆಯಲ್ಲಿ ನಡೆದ ಸಭೆಯಲ್ಲಿ ಆಯ್ಕೆ...

26 May, 2018
ತಡ ಪೂರ್ವ ಮುಂಗಾರು: ಆತಂಕದಲ್ಲಿ ರೈತ

ಚಿಕ್ಕನಾಯಕನಹಳ್ಳಿ
ತಡ ಪೂರ್ವ ಮುಂಗಾರು: ಆತಂಕದಲ್ಲಿ ರೈತ

26 May, 2018

ಕುಣಿಗಲ್
ತೆಂಗು ಅಭಿವೃದ್ಧಿಗೆ ಹಣ ಬಿಡುಗಡೆ

ರಾಜ್ಯದ ತೆಂಗು ಬೆಳೆಗಾರರಿಗೆ ಅರಿವು ಮೂಡಿಸಿ, ಆರ್ಥಿಕ ಪ್ರಗತಿಗಾಗಿ ತೆಂಗು ಅಭಿವೃದ್ಧಿ ಮಂಡಳಿ ಹಣ ಬಿಡುಗಡೆ ಮಾಡಿದೆ ಎಂದು ತೆಂಗು ಅಭಿವೃದ್ಧಿ ಮಂಡಳಿ ನಿರ್ದೇಶಕ...

25 May, 2018
ಕಪಾಳ ಮೋಕ್ಷ: ಕ್ಷಮೆ ಕೋರಿದ ಸಿಪಿಐ

ತಿಪಟೂರು
ಕಪಾಳ ಮೋಕ್ಷ: ಕ್ಷಮೆ ಕೋರಿದ ಸಿಪಿಐ

25 May, 2018