ಚಿಕ್ಕಜಾಜೂರು: ಹಲವೆಡೆ ಉತ್ತಮ ಮಳೆ, ರೈತರಲ್ಲಿ ಹರ್ಷ

ಗರಿಗೆದರಿದ ಕೃಷಿ ಚಟುವಟಿಕೆ

ಮಳೆ ಸುರಿಯುತ್ತಿರುವುದರಿಂದ ರೈತರಲ್ಲಿ ಹರ್ಷ ಮನೆ ಮಾಡಿದೆ. ಕೃಷಿ ಚಟುವಟಿಕೆಗಳಿಗೆ ಮುಂದಾಗಿದ್ದಾರೆ.

ಚಿಕ್ಕಜಾಜೂರಿನ ಜಮೀನೊಂದರಲ್ಲಿ ಭಾನುವಾರ ಉಳುಮೆ ಮಾಡುತ್ತಿರುವುದು

ಚಿಕ್ಕಜಾಜೂರು: ಮಳೆ ಸುರಿಯುತ್ತಿರುವುದರಿಂದ ರೈತರಲ್ಲಿ ಹರ್ಷ ಮನೆ ಮಾಡಿದೆ. ಕೃಷಿ ಚಟುವಟಿಕೆಗಳಿಗೆ ಮುಂದಾಗಿದ್ದಾರೆ.

ಗುರುವಾರ ರಾತ್ರಿ ಸುರಿದ ಉತ್ತಮ ಮಳೆಯಿಂದಾಗಿ ಬಹುತೇಕ ಜಮೀನು ಹದವಾಗಿವೆ. ಆದರೆ ಚುನಾವಣೆ ಇದ್ದ ಕಾರಣ ರೈತರು ಜಮೀನಿಗೆ ಇಳಿದಿರಲಿಲ್ಲ. ಶನಿವಾರ ಮತದಾನ ಮುಗಿದಿದೆ. ಹಾಗಾಗಿ ಭಾನುವಾರ ಬೆಳಿಗ್ಗೆಯೇ ರೈತರು ಕೃಷಿಗೆ ಮುಂದಾಗಿದ್ದಾರೆ. ಕೆಲ ರೈತರು ಟ್ರ್ಯಾಕ್ಟರ್‌ಗಳ ಮೂಲಕ ಜಮೀನಿನಲ್ಲಿ ಉಳುಮೆ ಮಾಡುತ್ತಿದ್ದಾರೆ.

ಮುಂಗಾರು ಬಿತ್ತನೆಗೆ ಸಿದ್ಧತೆ: ‘ಸೆಪ್ಟಂಬರ್‌ನಿಂದ ಮಳೆ ಇಲ್ಲದ ಕಾರಣ ಜಮೀನುಗಳು ಒಣಗಿದ್ದವು. ಈಗ ಹದವಾದ ಮಳೆಯಾಗಿದೆ. ಈಗ ಹಸನು ಮಾಡಿಕೊಳ್ಳದಿದ್ದರೆ, ಜೋರು ಮಳೆಯಾದ ಬಳಿಕ ಹಸನು ಮಾಡುವುದು ಕಷ್ಟವಾಗುತ್ತದೆ.
ಮತ್ತೆ ಮಳೆ ಬಂದರೆ ಜಮೀನುಗಳನ್ನು ಹಸನು ಮಾಡಿಕೊಳ್ಳಲು ಬರುವುದಿಲ್ಲ. ಈಗ ಒಮ್ಮೆ ಬಲರಾಮ ನೇಗಿಲನ್ನು ಹೊಡೆಸಿದರೆ, ಮತ್ತೆ ಮಳೆ ಬಂದಾಗ ಭೂಮಿ ನೀರನ್ನು ಹೀರಿಕೊಳ್ಳುತ್ತದೆ. ಮಳೆ ಬಿಡುವು ನೀಡಿರುವ ಈ ಸಮಯದಲ್ಲಿ ಉಳುಮೆ ಮಾಡಿಸುತ್ತಿದ್ದೇವೆ’ ಎಂದು ರೈತ ಚಿಕ್ಕಪ್ಪ ತಿಳಿಸಿದರು.

ಮತ್ತೆ ಮಳೆ: ಭಾನುವಾರ ಮಧ್ಯಾಹ್ನ 3.45ರಿಂದ 4 ಗಂಟೆಯವರೆಗೆ ಪಟ್ಟಣದಲ್ಲಿ ಸಾಧಾರಣ ಮಳೆಯಾಯಿತು. ಚರಂಡಿಗಳಲ್ಲಿ ನೀರು ತುಂಬಿ ಹರಿದವು. ಸಮೀಪದ ಆಡನೂರು, ಪಾಡಿಗಟ್ಟೆ, ಅಪ್ಪರಸನಹಳ್ಳಿ, ಬಾಣಗೆರೆ, ಕೋಟೆಹಾಳ್‌ ಮೊದಲಾದ ಕಡೆಗಳಲ್ಲಿ ಸುಮಾರು ಅರ್ಧ ಗಂಟೆ ಮಳೆಯಾಗಿದೆ.

Comments
ಈ ವಿಭಾಗದಿಂದ ಇನ್ನಷ್ಟು
ಒಆರ್‌ಎಸ್, ಜಿಂಕ್ ಮಾತ್ರೆ ವಿತರಣೆಗೆ ಕ್ರಮ

ಚಿತ್ರದುರ್ಗ
ಒಆರ್‌ಎಸ್, ಜಿಂಕ್ ಮಾತ್ರೆ ವಿತರಣೆಗೆ ಕ್ರಮ

26 May, 2018

ಚಿತ್ರದುರ್ಗ
ನಿಫಾ ವೈರಸ್: ಮುಂಜಾಗ್ರತೆ ವಹಿಸಿ

ನಿಫಾ ವೈರಾಣು ಕೇರಳದಲ್ಲಿ ವ್ಯಾಪಕವಾಗಿ ಹರಡಿದ್ದು, 12 ಮಂದಿ ಈ ಕಾಯಿಲೆಯಿಂದ ಮೃತಪಟ್ಟಿರುವ ಕಾರಣ ಜಿಲ್ಲೆಯಲ್ಲಿ ರೋಗ ಹರಡದಂತೆ ಮುಂಜಾಗ್ರತಾ ಕ್ರಮ ವಹಿಸಬೇಕು ಎಂದು...

26 May, 2018
 ಜಾರಿಯಾಗುವುದೇ ಕೃಷಿ, ಕುಡಿವ ನೀರಿನ ಯೋಜನೆಗಳು

ಮೊಳಕಾಲ್ಮುರು
ಜಾರಿಯಾಗುವುದೇ ಕೃಷಿ, ಕುಡಿವ ನೀರಿನ ಯೋಜನೆಗಳು

25 May, 2018
 ಹೊಸದುರ್ಗ: ಕುರಿ ಖರೀದಿಯ ಭರಾಟೆ

ಹೊಸದುರ್ಗ
ಹೊಸದುರ್ಗ: ಕುರಿ ಖರೀದಿಯ ಭರಾಟೆ

25 May, 2018
ಆಡು ಮಲ್ಲೇಶ್ವರ ದರ್ಶನಕ್ಕೆ ಪ್ರತ್ಯೇಕ ಮಾರ್ಗ

ಚಿತ್ರದುರ್ಗ
ಆಡು ಮಲ್ಲೇಶ್ವರ ದರ್ಶನಕ್ಕೆ ಪ್ರತ್ಯೇಕ ಮಾರ್ಗ

25 May, 2018