ಫೋರ್ಟಿಸ್‌: 3 ನಿರ್ದೇಶಕರ ರಾಜೀನಾಮೆ

ಹರ್ಪಾಲ್‌ ಸಿಂಗ್‌, ಸಬೀನಾ ವೈಸೋಹಾ,  ತೇಜೇಂದರ್‌ ಸಿಂಗ್‌ ಶೆರ್ಗಿಲ್‌ ಮತ್ತು  ಬ್ರಿಯಾನ್ ಟೆಂಪೆಸ್ಟ್‌ ಅವರನ್ನು ಆಡಳಿತ ಮಂಡಳಿಯಿಂದ ಕೈಬಿಡುವಂತೆ ಪಾಲುದಾರರು ಬೇಡಿಕೆ ಇಟ್ಟಿದ್ದರು.

ಅವರಲ್ಲಿ ಮೂವರು ನಿರ್ದೇಶಕರಾದ ಹರ್ಪಾಲ್‌ ಸಿಂಗ್‌,  ಸಬೀನಾ ವೈಸೋಹಾ ಮತ್ತು ತೇಜೇಂದರ್‌ ಸಿಂಗ್‌ ಶೆರ್ಗಿಲ್‌ ಅವರು ರಾಜೀನಾಮೆ ನೀಡಿದ್ದಾರೆ.

ಮಂಗಳವಾರ ಸಂಸ್ಥೆಯ ವಿಶೇಷ ಮಹಾ ಸಭೆ ನಡೆಯಲಿದ್ದು, ನಾಲ್ವರು ನಿರ್ದೇಶಕರನ್ನು ಕೈಬಿಡುವ ಬಗ್ಗೆ ಸಂಸ್ಥೆಯ ಪಾಲುದಾರರು ಮತ ಚಲಾಯಿಸಲು ನಿರ್ಧರಿಸಲಾಗಿತ್ತು.