ಭಾರತ ಮಹಿಳಾ ತಂಡಕ್ಕೆ ಜಯ

ಸೋಮವಾರ ನಡೆದ ಪಂದ್ಯದಲ್ಲಿ ಸೈನಾ ನೆಹ್ವಾಲ್‌ ನೇತೃತ್ವದ ತಂಡವು ಆಸ್ಟ್ರೇಲಿಯಾ ತಂಡವನ್ನು 4–1ರಿಂದ ಸೋಲಿಸಿತು.

ಸಿಂಗಲ್ಸ್‌ ವಿಭಾಗದ ಮೊದಲ ಪಂದ್ಯದಲ್ಲಿ ಸೈನಾ ಅವರು ಸುವಾನ್‌ ಯು ವೆಂಡಿ ಅವರನ್ನು 21–14, 21–19ರಿಂದ ಮಣಿಸಿ ಭಾರತಕ್ಕೆ ಮುನ್ನಡೆ ಗಳಿಸಿಕೊಟ್ಟರು.

ಡಬಲ್ಸ್‌ ವಿಭಾಗದ ಪಂದ್ಯದಲ್ಲಿ ಮೇಘನಾ ಜಕ್ಕಂಪುಡಿ ಹಾಗೂ ಪೂರ್ವಿಶಾ ಎಸ್‌. ರಾಮ್‌ ಜೋಡಿಯು 13–21, 16–21ರಿಂದ ಆಸ್ಟ್ರೇಲಿಯಾದ ಗ್ರೋನ್ಯಾ ಸೊಮರ್‌ವಿಲ್ಲೆ ಹಾಗೂ ರೆನುಗಾ ವೀರನ್‌ ಜೋಡಿಗೆ ಶರಣಾಯಿತು.

ಮುಂದಿನ ಪಂದ್ಯದಲ್ಲಿ ವೈಷ್ಣವಿ ಜಕ್ಕಾರೆಡ್ಡಿ ಅವರು ಜೆನಿಫರ್‌ ಟ್ಯಾಮ್‌ ಅವರನ್ನು 21–17, 21–13ರಿಂದ ಸೋಲಿಸಿದರು. ಇದರೊಂದಿಗೆ ಭಾರತವು 2–1ರ ಮುನ್ನಡೆ ಸಾಧಿಸಿತು.

ಡಬಲ್ಸ್‌ ವಿಭಾಗದ ಎರಡನೇ ಪಂದ್ಯದಲ್ಲಿ ಭಾರತದ ಸನ್ಯೋಗಿತಾ ಘೋರ್ಪಡೆ ಹಾಗೂ ಪ್ರಜಕ್ತಾ ಸಾವಂತ್‌ ಜೋಡಿಯು ಆಸ್ಟ್ರೇಲಿಯಾದ ಲೂಯಿಸಾ ಮಾ ಹಾಗೂ ಆ್ಯನ್‌ ಲೂಯಿಸ್‌ ಸ್ಲೀ ಜೋಡಿಯನ್ನು 21–19, 21–11ರಿಂದ ಸೋಲಿಸಿತು.

ಕೊನೆಯ ಪಂದ್ಯದಲ್ಲಿ ಅನುರಾ ಪ್ರಭುದೇಸಾಯಿ ಅವರು ಜೆಸಿಲಿ ಫಂಗ್‌ ಅವರನ್ನು 21–6, 21–7ರಿಂದ ಮಣಿಸಿದರು.

ಭಾರತದ ಮಹಿಳಾ ತಂಡವು ಬುಧವಾರ ಜಪಾನ್‌ ವಿರುದ್ಧ ಸೆಣಸಲಿದೆ.