‘ಬಿಡಿಎ ಅಭಿವೃದ್ಧಿಪಡಿಸಿರುವ ವೆಬ್ಸೈಟ್ ಮುಖಾಂತರ ಸುಲಭವಾಗಿ ಹಣ ಕಟ್ಟಬಹುದು. ಈ ಮೊದಲು ಆಸ್ತಿ ಮೌಲ್ಯವನ್ನು ಲೆಕ್ಕಹಾಕಿ ಚಲನ್ ಕಳಿಸುವ ವ್ಯವಸ್ಥೆ ಇತ್ತು. ಗ್ರಾಹಕರು ಅದನ್ನು ಪಡೆದುಕೊಂಡು ಸರತಿ ಸಾಲಿನಲ್ಲಿ ನಿಂತು ಹಣ ಕಟ್ಟಬೇಕಿತ್ತು. ಕೆಲವೊಮ್ಮೆ ಪೋಸ್ಟ್ ಮಾಡಿದ್ದ ಚಲನ್ ಅವರನ್ನು ತಲುಪುತ್ತಿರಲಿಲ್ಲ. ಆದರೆ, ಈಗ ಆನ್ಲೈನ್ನಲ್ಲಿಯೇ ತೆರಿಗೆ ಬಾಕಿ ಮೊತ್ತದ ಮಾಹಿತಿಯನ್ನು ಪಡೆದುಕೊಂಡು ಹಣ ಕಟ್ಟಬಹುದು’ ಎಂದು ಬಿಡಿಎ ಇಡಿಪಿ ವಿಭಾಗದ ಸಿಸ್ಟಮ್ಸ್ ಮ್ಯಾನೇಜರ್ ಚೇತನ್ ಅವರು ಮಾಹಿತಿ ನೀಡಿದ್ದಾರೆ.