ಪ್ರಕೃತಿ ನಿರ್ಮಿಸಿದ ಸೇತುವೆಗಳು

ಫೇರಿ ಬ್ರಿಡ್ಜ್‌
ಇದು ಚೀನಾದ ಗುಂವಾಂಗ್ಷಿ ಪ್ರಾಂತ್ಯದಿಂದ ಸುಮಾರು 40 ಕಿ.ಮೀ ದೂರದಲ್ಲಿ, ಫೆಂಗ್‌ಷಾನ್ ಪ್ರದೇಶದ ವಾಯವ್ಯ ದಿಕ್ಕಿನಲ್ಲಿ ಹರಿಯುವ ಬುಲಿಲು ನದಿಗೆ ಅಡ್ಡಲಾಗಿ ಈ ಸೇತುವೆ ನಿರ್ಮಾಣವಾಗಿದೆ. 2010ರಲ್ಲಿ ಈ ಸೇತೆವುಯನ್ನು ಮೊದಲ ಬಾರಿಗೆ ಅಳತೆ ಮಾಡಲಾಯಿತು. ಇದು ಒಟ್ಟು 415 ಅಡಿ ಉದ್ದ ಇದೆ.

*

ಜಿಯಾಂಗ್‌ಚೌ ಇಮ್ಮೊರ್ಟಲ್ ಬ್ರಿಡ್ಜ್‌ 
ಇದು ಕೂಡ ಚೀನಾದ ಗುಂವಾಗ್ಷಿ ಪ್ರಾಂತ್ಯದ ಜಿಯಾಂಗ್‌ಚೌ ಗ್ರಾಮದಿಂದ 2 ಕಿ.ಮೀ ದೂರದಲ್ಲಿದೆ. ಫೆಂಗ್ಷಾನ್ ಪ್ರದೇಶದಿಂದ 30 ಕಿ.ಮೀ ದೂರದಲ್ಲಿದೆ. 340 ಅಡಿ ಉದ್ದ ಇರುವ ಈ ಸೇತುವೆ ಇಲ್ಲಿನ ಪ್ರಮುಖ ಪ್ರವಾಸಿ ತಾಣಗಳಲ್ಲಿ ಒಂದು. ಪ್ರಕೃತಿ ಸಹಜವಾಗಿ ನಿರ್ಮಾಣವಾಗಿರುವ ಈ ಸೇತುವೆ ಅಂದ ಕಣ್ತುಂಬಿಕೊಳ್ಳಲು ಪ್ರವಾಸಿಗರು ಇಲ್ಲಿಗೆ ಭೇಟಿ ನೀಡುತ್ತಾರೆ.

*

ಲ್ಯಾಂಡ್‌ ಸ್ಕೇಪ್ ಆರ್ಚ್‌
ಅಮೆರಿಕ ಸಂಯುಕ್ತ ಸಂಸ್ಥಾನಗಳಲ್ಲಿ ಒಂದಾದ ಯುಟಾ ರಾಜ್ಯದಲ್ಲಿ ಈ ಸೇತುವೆ ನಿರ್ಮಾಣವಾಗಿದೆ. ದೊಡ್ಡ ಬಂಡೆಗಲ್ಲಿನ ನಡುವಿನ ಭಾಗ ಸವೆದು ಈ ಸೇತುವೆ ನಿರ್ಮಾಣವಾಗಿದೆ ಎಂದು ಸಂಶೋಧಕರು ಅಭಿಪ್ರಾಯಪಟ್ಟಿದ್ದಾರೆ. ಒಟ್ಟು 290 ಅಡಿ ಉದ್ದ ಇರುವೆ ಈ ಸೇತುವೆಯ ಕಲ್ಲುಬಂಡೆ ಕೇವಲ 6 ಅಡಿ ದಪ್ಪ ಇದೆ. ಆಶ್ಚರ್ಯಕ್ಕೆ ಗುರಿ ಮಾಡುವ ಹಲವು ಪ್ರಕೃತಿ ಸಹಜ ನಿರ್ಮಾಣಗಳು ಇಲ್ಲಿ ಇರುವುದರಿಂದ ಈ ಪ್ರದೇಶಕ್ಕೆ ಡೇವಿಲ್ಸ್‌ ಗಾರ್ಡನ್‌ ಎಂತಲೂ ಕರೆಯುತ್ತಾರೆ. ಈ ನಿರ್ಮಾಣಗಲನ್ನು ವೀಕ್ಷಿಸಲು ಹಲವು ಪ್ರವಾಸಿಗರು ಇಲ್ಲಿಗೆ ಭೇಟಿ ನೀಡುತ್ತಾರೆ.

*

ಕಾಮನಬಿಲ್ಲು ಸೇತುವೆ (ರೇನ್‌ಬೊ ಬ್ರಿಡ್ಜ್)
ನದಿಯ ತೊರೆಯೊಂದಕ್ಕೆ ಅಡ್ಡಲಾಗಿ ನಿರ್ಮಾಣವಾಗಿರುವ ಈ ಸೇತುವೆ ನೆಲಮಟ್ಟದಿಂದ 1,200 ಅಡಿ ಎತ್ತರದಲ್ಲಿದೆ. ಆಕಾಶದಲ್ಲಿ ಕಾಮನಬಿಲ್ಲು ಮೂಡಿದಂತೆ ಕಾಣುವುದರಿಂದ ಇದಕ್ಕೆ ರೇನ್‌ಬೊ ಬ್ರಿಡ್ಚ್‌ ಎಂದು ಕರೆಯುತ್ತಾರೆ. ಇದು ಕೂಡ ಅಮೆರಿಕದ ಯುಟಾ ಪ್ರದೇಶದ ಪೌವೆಲ್ ಸರೋವರಕ್ಕೆ ಸನಿಹದಲ್ಲಿದೆ. ಈ ಸೇತುವೆ 234 ಅಡಿ ಉದ್ದವಿದ್ದು, 245 ಅಡಿ ಎತ್ತರವಿದೆ.