ನೆನಪಿನ‌ ಕೊಡೆ ಹಿಡಿದ ‘ಕಾವೇರಿ’

ಮಳೆ ಅಂದ್ರೆ ಕೊಡಗಿನ ನೆನಪು, ಕಾವೇರಿಯ ಒನಪು. ನನ್ನ ಶಾಲಾ ದಿನಗಳ ಕೊಡಗು ಜಿಲ್ಲೆಯ ಕುಂಭದ್ರೋಣ ಮಳೆಯ ಸವಿ ಅನುಭವ ಕಣ್ಮುಂದೆ ಬಂತು. ಎಂದೂ ಮರೆಯಲಾರದ ಮಳೆ ಅದು. ಕೊಡೆ ಹೆಸರಿಗಷ್ಟೆ. ಹಳ್ಳ ತುಂಬಿ ಅಕ್ಕ-ಪಕ್ಕದ ಗದ್ದೆಯನ್ನೆಲ್ಲಾ ನೀರು  ಆವರಿಸಿಕೊಂಡಾಗ ಎಲ್ಲೆಲ್ಲೂ ನೀರೇ ನೀರು. ರಜೆ ಕೊಟ್ಟರೆ ಮನೆಯಲ್ಲೇ ಕೂತು ಮಳೆ ನೋಡೋ ಸಂಭ್ರಮ. ಹಿರಿಯರೊಂದಿಗೆ ಹೋಗಿ ತುಂಬಿ ಉಕ್ಕುತ್ತಿರುವ ಕಾವೇರಿಯನ್ನು ನೋಡುವ ತವಕ. ಮರಳಿ ಬಾರದ ಆ ಮಳೆಯ ನೆನಪೇ ಮಧುರ. ಹೀಗೆ ನೆನಪಿನ ಕೊಡೆ ಹಿಡಿದು ಬರುತ್ತಾಳೆ ಕೊಡಗಿನ ಕಾವೇರಿ.

–ಸುವರ್ಚಲಾ ಅಂಬೇಕರ್ ಬಿ.ಎಸ್.,ಬಲ್ಲಾಳ್ ಬಾಗ್, ಮಂಗಳೂರು