ಭೂಮಿಯೆಂಬ ಗಗನನೌಕೆ

ನಡೆದಾಡುವ ನೆಲವೇ ಗಗನನೌಕೆ


ಲೇಖಕ : ನಾಗೇಶ ಹೆಗಡೆ
ಪ್ರಕಾಶಕರು : ಭೂಮಿ ಬುಕ್ಸ್‌, 150, ಮೊದಲ ಮುಖ್ಯರಸ್ತೆ, ಶೇಷಾದ್ರಿಪುರಂ ಬೆಂಗಳೂರು– 560020
ಪ್ರಕಟವಾದ ವರ್ಷ : ..
ಪುಟ : 198
ರೂ : ₹ 180

ಎರಡುಮೂರು ವರ್ಷಗಳಲ್ಲಿ ನಾಗೇಶ ಹೆಗಡೆ ಅವರು ಉಪನ್ಯಾಸಗಳಿಗಾಗಿ ಮತ್ತು ವಿವಿಧ ಪತ್ರಿಕೆಗಳ ವಿಶೇಷಾಂಕಗಳಿಗೆ ಬರೆದ ಲೇಖನಗಳ ಗುಚ್ಛವೇಭೂಮಿಯೆಂಬ ಗಗನನೌಕೆ. ಅವರಇರುವುದೊಂದೇ ಭೂಮಿಕೃತಿಯ ಮುಂದುವರಿದ ಆಖ್ಯಾಯಿಕೆ.

 

ಇದು ಕೇವಲ ಉಪನ್ಯಾಸಗಳ ಸಂಗ್ರಹವಷ್ಟೇ ಅಲ್ಲ. ಭೂಮಿ ಮತ್ತು ಪರಿಸರ ಸಂರಕ್ಷಣೆ ಬಗ್ಗೆ ಜನರಲ್ಲಿ ಜಾಗೃತಿ ಮೂಡಿಸುವ ಅತ್ಯುತ್ತಮ ಕೃತಿಗಳಲ್ಲಿ ಒಂದಾಗಿದೆ. ಮುಖಪುಟದಲ್ಲಿರುವಇಲ್ಲಿ ನಾವು ಯಾರೂ ಪ್ರಯಾಣಿಕರಲ್ಲ. ಎಲ್ಲರೂ ಪೈಲಟ್‌ಗಳೇ...’ ಎನ್ನುವ ಸಾಲುಗಳು ನೈಸರ್ಗಿಕ ಸಂಪತ್ತನ್ನು ದೋಚಿ ಗುಡ್ಡೆ ಹಾಕಿಕೊಂಡರೆ ಭವಿಷ್ಯದಲ್ಲಿ ಎದುರಾಗುವ ತೊಂದರೆಗಳ ಬಗ್ಗೆ ಮಾರ್ಮಿಕವಾಗಿ ಎಚ್ಚರಿಸುತ್ತವೆ.

 

ಸಾಮಾಜಿಕ ಜಾಲತಾಣವಾದ ಫೇಸ್‌ಬುಕ್‌ನಲ್ಲಿನೀವು ನಿಮ್ಮ ಜೀವನದಲ್ಲಿ ಯಾರಿಗೆ ಕೃತಜ್ಞತೆ ಹೇಳಲು ಬಯಸುತ್ತೀರಿಎಂದು ಯಾರೋ ಹಾಕಿದ ಸವಾಲಿನಿಂದ ರೂಪುಗೊಂಡ ಲೇಖನವೇಅವನಿಗೆ, ಅವರೆಲ್ಲರಿಗೂ ನಮನ. ಲೇಖನದಲ್ಲಿ ನಮ್ಮನ್ನು ನಿತ್ಯ ಪೊರೆಯುತ್ತಿರುವ ಪೃಥ್ವಿ, ವರ್ಣತಂತುಗಳು, ಸೂರ್ಯ, ಶತಶತಕೋಟಿ ಪರಮಾಣುಗಳು, ಭಾರತಾಂಬೆಗೆ ಕೃತಜ್ಞತೆ ಸಲ್ಲಿಸಿದ್ದಾರೆ.

 

ಒಳಮನೆಯ ಕನ್ನಡಕ್ಕೆ ಪ್ರಾಣವಾಯು ಬೇಕುಲೇಖನದಲ್ಲಿ ವಿಶ್ವವಿದ್ಯಾನಿಲಯಗಳು ಅಸಾಂಪ್ರದಾಯಿಕ ವಿಜ್ಞಾನವನ್ನು ಪೋಷಿಸುವ, ದೇಸಿ ವಿಜ್ಞಾನವನ್ನು ಸೃಷ್ಟಿಸುವ ಸಂಸ್ಥೆಗಳಾಗಿ, ಆಧುನಿಕ ವಿಜ್ಞಾನಕ್ಕೆ ಹೊಸ ಪಾಠ ಹೇಳಬೇಕು ಎಂಬ ಆಶಯ ಅಡಗಿದೆ.

 

ಪ್ರಸ್ತುತ ಮಾದಕ ವಸ್ತುಗಳು ಹಾಗೂ ಶಸ್ತ್ರಾಸ್ತ್ರಗಳ ಕಳ್ಳಸಾಗಾಣಿಕೆಯ ನಂತರ ವಿಶ್ವದಲ್ಲಿ ಕುಖ್ಯಾತಿ ಪಡೆದಿರುವ ಮೂರನೇ ದಂಧೆ ವನ್ಯಜೀವಿ ಕಳ್ಳವ್ಯಾಪಾರದ್ದು. ವಿಶ್ವದಾದ್ಯಂತ ಉಂಟಾಗಿರುವ ವಿಷವರ್ತುಲಕ್ಕೆ ಅಮಾಯಕ ಕಾಡುಪ್ರಾಣಿಗಳು ಜೀವ ಕಳೆದುಕೊಳ್ಳುತ್ತಿವೆ. ಅದರಲ್ಲೂ ಹುಲಿ, ಚಿರತೆ, ಆನೆ ಅಳಿವಿನಂಚಿಗೆ ತಲುಪಿವೆ. ‘ನೀವೇ ಹುಲಿಯಾಗಿ, ನವಿಲಾಗಿ ನಿಲ್ಲಿ ಬನ್ನಿಲೇಖನದಲ್ಲಿ ವನ್ಯಜೀವಿಗಳ ಸಂಕಷ್ಟ ಅನಾವರಣಗೊಂಡಿದೆ. ವನ್ಯಜೀವಿಗಳ ಸಂರಕ್ಷಣೆ ಪ್ರತಿಯೊಬ್ಬರ ಹೊಣೆಯಾಗಬೇಕಿದೆ ಎನ್ನುವ ಆಶಯ ಲೇಖನದಲ್ಲಿ ಪಡಿಮೂಡಿದೆ.

 

ಕೊನೆಯಲ್ಲಿರುವಭೂಮಿಯೆಂಬ ಗಗನನೌಕೆಲೇಖನವು ಭೂಮಿಯು ಸಮತೋಲನ ತಪ್ಪಿದರೆ ಆಗುವ ಅನಾಹುತಗಳ ಬಗ್ಗೆ ಬೆಳಕು ಚೆಲ್ಲುತ್ತವೆ. 21 ಲೇಖನಗಳು ಕೃತಿಯಲ್ಲಿವೆ. ಕೃತಿ ಇದೇ 4ರಂದು 'ಸಿದ್ದವನಹಳ್ಳಿ ಕೃಷ್ಣಶರ್ಮ ಪ್ರಶಸ್ತಿ'ಗೆ ಭಾಜನವಾಗಲಿದೆ. ಶಿಕ್ಷಕರು, ವಿದ್ಯಾರ್ಥಿಗಳ ಅರಿವಿನ ಜ್ಞಾನವನ್ನು ಮತ್ತಷ್ಟು ವಿಸ್ತರಿಸಲು ಕೃತಿ ಸಹಕಾರಿಯಾಗಿದೆ.

Comments (Click here to Expand)
ವಿಷಮ ಭಿನ್ನರಾಶಿ
ವಿಷಮ ಭಿನ್ನರಾಶಿ
ವಸುಧೇಂದ್ರ
ಮಹಿಳೆ– ಕಾನೂನು– ಪರಿಹಾರ
ಮಹಿಳೆ– ಕಾನೂನು– ಪರಿಹಾರ
ಪೊ.ಆರ್‌. ಸುನಂದಮ್ಮ
ನಾಳೆಯನ್ನು ಕಂಡವರು
ನಾಳೆಯನ್ನು ಕಂಡವರು
.
ಲಲಿತ ವಿಸ್ತರ
ಲಲಿತ ವಿಸ್ತರ
.
KAVIRAJAMARGAM
KAVIRAJAMARGAM
.
ಸದಭಿರುಚಿಯ ತಲ್ಲೀನತೆ
ಸದಭಿರುಚಿಯ ತಲ್ಲೀನತೆ
ಎಸ್‌.ಬಿ.ಶಾಪೇಟಿ
ಸ್ತ್ರೀ ದೇಹ
ಸ್ತ್ರೀ ದೇಹ
ಡಾ.ಎಚ್‌.ಗಿರಿಜಮ್ಮ
ಸಿಲೋನ್‌ ಸೈಕಲ್‌
ಸಿಲೋನ್‌ ಸೈಕಲ್‌
ಕನಕರಾಜ್‌ ಆರನಕಟ್ಟೆ
ವಚನಗಳಲ್ಲಿ ಧರ್ಮ ಮತ್ತು ನೀತಿ
ವಚನಗಳಲ್ಲಿ ಧರ್ಮ ಮತ್ತು ನೀತಿ
.
ಮಿಸ್ಡ್‌ ಕಾಲ
ಮಿಸ್ಡ್‌ ಕಾಲ
ಗೋಪಾಲ್ ಯಡಗೆರೆ
ಸೋಲನ್ನು ಸೋಲಿಸಿ
ಸೋಲನ್ನು ಸೋಲಿಸಿ
ಗೋಪಾಲ್‌ ಯಡಗೆರೆ
ವಿಜ್ಞಾನದ ನೂರೆಂಟು ಪ್ರಶ್ನೆಗಳು
ವಿಜ್ಞಾನದ ನೂರೆಂಟು ಪ್ರಶ್ನೆಗಳು
ಮನೋಜ್‌ ಪಾಟೀಲ
ವಿಶ್ವಕ್ಕೆ ಬೆಳಕು ತೋರಿದವರು
ವಿಶ್ವಕ್ಕೆ ಬೆಳಕು ತೋರಿದವರು
ಮನೋಜ ಪಾಟೀಲ
ಯುಗಪುರುಷ ಮಹಾವೀರ ಮಹಾರಾಣಾ ಪ್ರತಾಪ್‌
ಯುಗಪುರುಷ ಮಹಾವೀರ ಮಹಾರಾಣಾ ಪ್ರತಾಪ್‌
ಡಾ. ಎಸ್‌. ಗುರುಮೂರ್ತಿ
ರಾಜಸ್ಥಾನವೆಂಬ ಸ್ವರ್ಗದ ತುಣುಕು
ರಾಜಸ್ಥಾನವೆಂಬ ಸ್ವರ್ಗದ ತುಣುಕು
ಲಕ್ಷ್ಮೀಕಾಂತ ಇಟ್ನಾಳ
ವಚನ ವರ್ಷ
ವಚನ ವರ್ಷ
ಸಂ: ಡಾ. ಬಸವರಾಜ ಸಾದರ