ವಿಶೇಷ
ತೆಚ್ಚಿಕೊಟ್ಟುಕಾವು ರಾಮಚಂದ್ರನ್ ಎಂಬ ಹೆಸರಿನ ಆನೆಯು ಕೇರಳದ ವಡಕ್ಕುಂನಾಥನ್ ದೇವಸ್ಥಾನದ ದ್ವಾರವನ್ನು ತೆರೆಯುವ ಮೂಲಕ ತ್ರಿಶೂರ್ ಪೂರಂ ಹಬ್ಬಕ್ಕೆ ಮಂಗಳವಾರ ವಿಧ್ಯುಕ್ತವಾಗಿ ಚಾಲನೆ ದೊರೆಯಿತು - ಪಿಟಿಐ ಚಿತ್ರ

ತ್ರಿಶೂರ್ ಪೂರಂ ಸಡಗರ

ವರ್ಜಿನಿಯಾದ ರಿಚ್‌ಮಂಡ್‌ ರೇಸ್‌ವೇನಲ್ಲಿ ಶುಕ್ರವಾರ ನಡೆದ ನ್ಯಾಸ್ಕರ್‌ ಫಿನಿಟಿ ಸಿರೀಸ್‌ನ ಟೊಯೊಟಾ 250 ಕಾರು ರ‍್ಯಾಲಿಯಲ್ಲಿ ಪ್ರಶಸ್ತಿ ಗೆದ್ದ ಕ್ರಿಸ್ಟೋಫರ್‌ ಬೆಲ್‌.

ಪ್ರಶಸ್ತಿ ಗೆದ್ದ ಸಂಭ್ರಮ

ಕಾಮನ್‌ವೆಲ್ತ್‌ ಕ್ರೀಡಾಕೂಟದಲ್ಲಿ ಭಾರತಕ್ಕೆ ಮೊದಲ ಪದಕ ತಂದಿತ್ತ ಕುಂದಾಪುರದ ವೇಟ್‌ಲಿಫ್ಟರ್‌ ಗುರುರಾಜ್‌ ಪೂಜಾರಿ ಅವರು ಗುರುವಾರ ಮಂಗಳೂರು ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ಬಂದಾಗ ಅವರನ್ನು ಸ್ನೇಹಿತರು ಸ್ವಾಗತಿಸಿದರು. –ಪ್ರಜಾವಾಣಿ ಚಿತ್ರ

ಭವ್ಯ ಸ್ವಾಗತ...

ತಿಕೋಟಾದ ಸುರೇಶ ಕಡಿಬಾಗಿಲ ಅವರ ಮೊಮ್ಮಗಳು ಆದ್ಯಾ ವೀರೇಶ ಅರಬಳ್ಳಿ, ಮಹಾ ಮಾನವತಾವಾದಿ ಬಾಲ ಬಸವಣ್ಣನ ವೇಷದಲ್ಲಿ ಬುಧವಾರ ಕಂಡದ್ದು ಹೀಗೆ... ಪ್ರಜಾವಾಣಿ ಚಿತ್ರ

ಬಾಲ ಬಸವ...

ಫ್ರಾನ್ಸ್‌ ನಂಟೇಸ್‌ನಲ್ಲಿ ಸರ್ಕಾರದ ಕಾರ್ಮಿಕ ವಿರೋಧಿ ನೀತಿ ಖಂಡಿಸಿ ರೈಲ್ವೆ ಉದ್ಯೋಗಿಗಳು ಪ್ರತಿಭಟಿಸಿದರು. –ರಾಯಿಟರ್ಸ್‌ ಚಿತ್ರ.

ಪ್ರತಿಭಟನೆ

ನಗರದಲ್ಲಿ ಶನಿವಾರ ಸಂಜಲಿ ಸೆಂಟರ್‌ ಫಾರ್‌ ಒಡಿಸ್ಸಿ ಡಾನ್ಸ್‌ ಶಾಲೆಯ ಕಲಾವಿದರು ಹಿರಿಯ ನೃತ್ಯ ಕಲಾವಿದೆ ಶರ್ಮಿಳಾ ಮುಖರ್ಜಿ ನೇತೃತ್ವದಲ್ಲಿ ರೋಟರಿ ಬೆಂಗಳೂರು ಆಂಗ್ಲ ಮಾಧ್ಯಮ ಶಾಲೆಯ ಸಹಾಯಾರ್ಥ ರಷ್ಯಾದ ಸುಪ್ರಸಿದ್ಧ ಬ್ಯಾಲೆ ‘ಸ್ವಾನ್‌ ಲೇಕ್‌’ ಅನ್ನು ‘ಹನ್ಸಿಕಾ’ ನೃತ್ಯ ಶೈಲಿಯಲ್ಲಿ ಪ್ರದರ್ಶಿಸಿದರು. – ಪ್ರಜಾವಾಣಿ ಚಿತ್ರ

ಹನ್ಸಿಕಾ ನೃತ್ಯ

ನಗರದ ನ್ಯೂ ಬಿಇಎಲ್‌ ರಸ್ತೆಯಲ್ಲಿ ಶುಕ್ರವಾರ ಮಹಿಳೆಯೊಬ್ಬರು ಮಣ್ಣಿನ ಮಡಿಕೆಗಳಿಗೆ ನಲ್ಲಿಗಳನ್ನು ಅಳವಡಿಸುವುದರಲ್ಲಿ ತಲ್ಲೀನರಾಗಿದ್ದರು. ಬೇಸಿಗೆಯ ತಾಪ ಹೆಚ್ಚಾಗಿರುವುದರಿಂದ ಮಣ್ಣಿನ ಮಡಿಕೆಗಳಿಗೆ ಬೇಡಿಕೆ ಹೆಚ್ಚಾಗಿದೆ. –ಪ್ರಜಾವಾಣಿ ಚಿತ್ರ

ಬೇಸಿಗೆಗೆ ಸಿದ್ಧತೆ

‘ಶುಭ ಶುಕ್ರವಾರ’ದ ಅಂಗವಾಗಿ ಪೋಲೆಂಡ್‌ನ ಕಲ್ವಾರಿಯಾ ಪ್ರದೇಶದಲ್ಲಿ ನಟನಟಿಯರು ಮೆರವಣಿಗೆ ನಡೆಸಿದರು. –ರಾಯಿಟರ್ಸ್‌ ಚಿತ್ರ.

ಶುಭ ಶುಕ್ರವಾರದ ಮೆರವಣಿಗೆ

ರಥೋತ್ಸವ

ಹಾವೇರಿ ಸಮೀಪದ ಚಿಕ್ಕಲಿಂಗದಹಳ್ಳಿ ಗ್ರಾಮದ ಕೆರೆಯಲ್ಲಿ ಮೀನು ಹಿಡಿಯುತ್ತಿರುವ ಟಿಟಿಂಬಾ ಹಕ್ಕಿ  ಪ್ರಜಾವಾಣಿ ಚಿತ್ರ–ನಾಗೇಶ ಬಾರ್ಕಿ

ಮೀನು ಸಿಕ್ಕಿತೇ?

ಬಳ್ಳಾರಿ ಜಿಲ್ಲೆ ಮರಿಯಮ್ಮನಹಳ್ಳಿಯಲ್ಲಿ ಭಾನುವಾರ ಸಂಜೆ ವಿಜೃಂಭಣೆಯಿಂದ ನೆರವೇರಿದ ಲಕ್ಷ್ಮೀನಾರಾಯಣ ಸ್ವಾಮಿ ಮತ್ತು ಆಂಜನೇಯಸ್ವಾಮಿ ಜೋಡಿ ರಥೋತ್ಸವ. –ಪ್ರಜಾವಾಣಿ ಚಿತ್ರ

ವೈಭವದ ಜೋಡಿ ರಥೋತ್ಸವ....

‘ವಿಶ್ವ ಕ್ಷಯ ರೋಗ ದಿನ’ ಅಂಗವಾಗಿ ಬಿಬಿಎಂಪಿ ಮತ್ತು ‘ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ’ ಜಂಟಿಯಾಗಿ ಪುರಭವನ ಎದುರು ಶನಿವಾರ ಆಯೋಜಿಸಿದ್ದ ಕಾರ್ಯಕ್ರಮದಲ್ಲಿ ಸೇಂಟ್ ಮಾರ್ಥಾಸ್ ಆಸ್ಪತ್ರೆಯ ವಿದ್ಯಾರ್ಥಿಗಳು, ಮೇಣದ ಬತ್ತಿ ಬೆಳಗಿಸಿ ರೋಗದ ಬಗ್ಗೆ ಜಾಗೃತಿ ಮೂಡಿಸಿದರು. –ಪ್ರಜಾವಾಣಿ ಚಿತ್ರ

ಕ್ಷಯ ರೋಗ ಜಾಗೃತಿ

ಹವಾಮಾನ ಬದಲಾವಣೆಯಿಂದ ಆಗುವ ಪರಿಣಾಮಗಳ ಕುರಿತು ಜಾಗತಿಕ ಮಟ್ಟದಲ್ಲಿ ಜಾಗೃತಿ ಮೂಡಿಸಲು ಹಲವು ದೇಶಗಳಲ್ಲಿ ಸ್ಥಳೀಯ ಕಾಲಮಾನದ ಅನ್ವಯ ಶನಿವಾರ ರಾತ್ರಿ 8.30ರಿಂದ 9.30ರವರೆಗೆ ದೀಪಗಳನ್ನು ಆರಿಸುವ ಮೂಲಕ ‘ಅರ್ಥ್‌ ಅವರ್‌’ ಆಚರಿಸಲಾಯಿತು. ಆಸ್ಟ್ರೇಲಿಯಾದಲ್ಲಿ 2007ರಲ್ಲಿ ಮೊದಲ ಸಲ ಆರಂಭವಾದ ‘ಅರ್ಥ್‌ ಅವರ್’ ಅನ್ನು 187 ದೇಶಗಳಲ್ಲಿ ಲಕ್ಷಾಂತರ ಜನರು ಆಚರಿಸುತ್ತಿದ್ದಾರೆ. ಟೋಕಿಯೊದ ಪ್ರಮುಖ ಸ್ಥಳವಾದ ‘ಸ್ಕೈಟ್ರಿ’ನಲ್ಲಿನ ವಿದ್ಯುತ್‌ ದೀಪಗಳನ್ನು ಆರಿಸಲಾಗಿತ್ತು   -ಎಎಫ್‌ಪಿ ಚಿತ್ರ

ಪರಿಸರ ಸಂರಕ್ಷಣೆಗಾಗಿ

ಶುದ್ಧ ನೀರಿಗಾಗಿ ಶೋಧ: ವಿಶ್ವ ಜಲದಿನವಾದ ಗುರುವಾರ (ಮಾರ್ಚ್ 22) ಕೋಲ್ಕತ್ತದ ಕಾಳಿಘಾಟ್‌ನಲ್ಲಿ ಕಂಡುಬಂದ ದೃಶ್ಯವಿದು. ತ್ಯಾಜ್ಯ ತುಂಬಿ ಕೊಳಚೆಯಾಗಿರುವ ಆದಿ ಗಂಗಾ ನದಿಯಿಂದ ಮಹಿಳೆಯರು ಪಾತ್ರೆಯಲ್ಲಿ ನೀರು ತುಂಬಿಕೊಂಡರು. ವಿಶ್ವಸಂಸ್ಥೆಯು ಈ ವರ್ಷದ ವಿಶ್ವ ಜಲದಿನದವನ್ನು ‘ನೀರಿಗಾಗಿ ಪ್ರಕೃತಿ’ ಎಂದು ಘೋಷಿಸಿದೆ. 21ನೇ ಶತಮಾನದಲ್ಲಿ ಜಗತ್ತು ಎದುರಿಸುತ್ತಿರುವ ನೀರಿನ ಸಮಸ್ಯೆಯನ್ನು ನಿಸರ್ಗದ ಸಹಾಯದಿಂದ ನೀಗಿಸುವುದು ಇದರ ಧ್ಯೇಯ   –ಪಿಟಿಐ ಚಿತ್ರ

ಕಪ್ಪು ನೀರು!

ಹುಬ್ಬಳ್ಳಿಯ ಗಿರಿಣಿಚಾಳ ರಸ್ತೆಯ ಮುಂಭಾಗದಲ್ಲಿರುವ ಮೈದಾನದಲ್ಲಿ ಲೋಹಾರ ಸಮುದಾಯದ ಮಹಿಳೆಯೊಬ್ಬರು, ಬಯಲಲ್ಲೇ ಒಲೆ ಹೂಡಿ ಜೋಳದ ರೊಟ್ಟಿ ತಯಾರಿಸಿದರು. ಕಮ್ಮಾರಿಕೆಯ ಕೆಲಸ ಮಾಡುವ ಈ ಸಮುದಾಯದವರು ಮುಂಗಾರು ಆರಂಭಕ್ಕೂ ಮುನ್ನ ರೈತರಿಗೆ ಅಗತ್ಯವಾದ ಕೃಷಿಪರಿಕರಗಳನ್ನು ತಯಾರಿಸಿ ಕೊಡಲು ಅಲ್ಲಲ್ಲಿ ಬೀಡುಬಿಡುತ್ತಾರೆ   –ಪ್ರಜಾವಾಣಿ ಚಿತ್ರ/ಈರಪ್ಪ ನಾಯ್ಕರ್‌

ಬಯಲಲ್ಲೇ ಬಿಸಿ ರೊಟ್ಟಿ

ಉಡುಪಿ ತಾಲ್ಲೂಕಿನ ಪೆರ್ಡೂರು ಶ್ರೀ ಅನಂತಪದ್ಮನಾಭ ದೇವಸ್ಥಾನದ ವಾರ್ಷಿಕ ಜಾತ್ರೋತ್ಸವದ‌ ಅಂಗವಾಗಿ ದೇವರ ರಥೋತ್ಸವ ಶುಕ್ರವಾರ ವಿಜೃಂಭಣೆಯಿಂದ ನಡೆಯಿತು. -ಪ್ರಜಾವಾಣಿ ಚಿತ್ರ

ಸಂಭ್ರಮದ ರಥೋತ್ಸವ

ಬೆಂಗಳೂರಿನ ಬನ್ನೇರುಘಟ್ಟ ರಸ್ತೆಯ ಕಲ್ಯಾಣಿ ಕಲಾಮಂದಿರದಲ್ಲಿ ಶನಿವಾರ ಆಯೋಜಿಸಿದ್ದ 'ಕ್ರೆಡಾಯ್‌' ‘ರಿಯಾಲ್ಟಿ ಎಕ್ಸ್‌ಪೋ 2018’ ನಲ್ಲಿ ಸಾರ್ವಜನಿಕರು ಕಂಪನಿಯೊಂದರ ಮಳಿಗೆಯಲ್ಲಿ ಕಟ್ಟಡಗಳ ಬಗ್ಗೆ ಮಾಹಿತಿ ಪಡೆದುಕೊಂಡರು. –ಪ್ರಜಾವಾಣಿ ಚಿತ್ರ

'ಕ್ರೆಡಾಯ್‌' ‘ರಿಯಾಲ್ಟಿ ಎಕ್ಸ್‌ಪೋ 2018’

ರಿಪ್ಪನ್‌ಪೇಟೆ ಸಮೀಪದ ಹೊಂಬುಜ ಜೈನ ಕ್ಷೇತ್ರದಲ್ಲಿ ಪದ್ಮಾವತಿ ದೇವಿ ವಾರ್ಷಿಕ ಜಾತ್ರೆಯ ಅಂಗವಾಗಿ ಶನಿವಾರ ಮಹಾ ರಥೋತ್ಸವ ನಡೆಯಿತು. –ಪ್ರಜಾವಾಣಿ ಚಿತ್ರ

ಮಹಾ ರಥೋತ್ಸವ

ಹೊಳಲ್ಕೆರೆಯಲ್ಲಿ ಶುಕ್ರವಾರ ಬೆಳಿಗ್ಗೆ 8ಗಂಟೆಯವರೆಗೂ ಮಂಜು ಕವಿದಿದ್ದರಿಂದ ವಾಹನಗಳು ಹೆಡ್ ಲೈಟ್ ಹಾಕಿ ಸಂಚರಿಸಿದವು.

ಹೊಳಲ್ಕೆರೆಯಲ್ಲಿ ಮಂಜು..!

ಸುರಕ್ಷತೆ ಒದಗಿಸುವಂತೆ ಮಹಿಳೆಯರು ಅಂತರರಾಷ್ಟ್ರೀಯ ಮಹಿಳಾ ದಿನದಂದು ಠಾಣೆನಗರದಲ್ಲಿ ಫಲಕಗಳನ್ನು ಹಿಡಿದು ಪ್ರತಿಭಟನೆ ನಡೆಸಿದರು.

ಸುರಕ್ಷತೆಗಾಗಿ...

ಅಂತರರಾಷ್ಟ್ರೀಯ ಮಹಿಳಾ ದಿನದ ಅಂಗವಾಗಿ ಕೀನ್ಯಾದ ನೈರೋಬಿಯಲ್ಲಿ ಗುರುವಾರ ನಡೆದ ಕಾರ್ಯಕ್ರಮದಲ್ಲಿ ಸ್ಕೌಟ್‌ ಅಂಡ್‌ ಗೈಡ್ಸ್‌ ವಿದ್ಯಾರ್ಥಿನಿಯರು ಭಾಗವಹಿಸಿದ್ದರು. –ಎಎಫ್‌ಪಿ ಚಿತ್ರ

ಬಾಲಕಿಯರ ಸಂಭ್ರಮ

ತಾಯಿಯೊಬ್ಬರು ಇಟ್ಟಿಗೆ ರಾಶಿಯ ಮಧ್ಯೆ ಕೆಲಸದಲ್ಲಿ ಮಗ್ನವಾಗಿದ್ದನ್ನು ಮಗಳು ಚಕಿತಳಾಗಿ ನೋಡುತ್ತಿದ್ದ ದೃಶ್ಯ ಹುಬ್ಬಳ್ಳಿಯ ಹೊರವಲಯದ ಕಲಘಟಗಿ ರಸ್ತೆಯ ಇಟ್ಟಿಗೆ ಕಾರ್ಖಾನೆಯಲ್ಲಿ ಬುಧವಾರ ಕಂಡುಬಂತು  ಪ್ರಜಾವಾಣಿ ಚಿತ್ರ: ತಾಜುದ್ದೀನ್ ಆಜಾದ್

ಇಟ್ಟಿಗೆ ನಡುವೆ ಬದುಕಿನ ತುತ್ತು...

ಶಿವಮೊಗ್ಗದ ತುಂಗಾ ನದಿಯ ಬಂಡೆಯ ಮೇಲೆ ರಿವರ್‌ ಟರ್ನ್‌ ಪಕ್ಷಿಯು ತನ್ನ ಸಂಗಾತಿಗೆ ಆಹಾರದ ತುಣುಕನ್ನು ನೀಡುತ್ತಿರುವ ದೃಶ್ಯ ಕ್ಯಾಮೆರಾ ಕಣ್ಣಿಗೆ ಸೆರೆಯಾದದ್ದು ಹೀಗೆ...  ಚಿತ್ರ: ಶಿವಮೊಗ್ಗ ನಾಗರಾಜ್

ಸಂಗಾತಿ ಪ್ರೀತಿ

ಪಟಿಯಾಲದಲ್ಲಿ ನಡೆಯುತ್ತಿರುವ ಫೆಡರೇಷನ್‌ ಕಪ್‌ ಆಥ್ಲೆಟಿಕ್ಸ್‌ನಲ್ಲಿ ಮಹಿಳೆಯರ 1500 ಮೀಟರ್ಸ್‌ ಓಟದಲ್ಲಿ ಚಿನ್ನ ಗೆದ್ದ ಎಲ್‌. ಸುರಯ್ಯಾ. –ಪಿಟಿಐ ಚಿತ್ರ.

ಚಿನ್ನ ಗೆದ್ದ ಸಂಭ್ರಮ

ಕೆರೆಯ ನೀರಿನಲ್ಲಿ ಆಟವಾಡುತ್ತ ದಡಕ್ಕೆ ಬಂದ ಕೆಂಗಂದುಬೆನ್ನಿನ ಕಳಿಂಗ ಪ್ರಭೇದದ ಜೋಡಿ ಪಕ್ಷಿಗಳು ಉತ್ತರಕನ್ನಡ ಜಿಲ್ಲೆಯ ಕೈಗಾ ಸಮೀಪ ಕಂಡುಬಂದಿದ್ದು ಹೀಗೆ  ಚಿತ್ರ: ಬೈಯಣ್ಣ

ಆಟದ ಸಮಯ!

ಮಾಗಡಿಯ ಗೌರಮ್ಮನಕೆರೆಯ ದಡದಲ್ಲಿ ಇರುವ ಬೋಧಿವೃಕ್ಷ, ಮಸೀದಿ, ಪ್ರಸನ್ನರುದ್ರೇಶ್ವರ, ವೆಂಕಟರಮಣಸ್ವಾಮಿ ಗುಡಿಗಳ ಮೇಲೆ ಬಂಗಾರದ ಕಿರಣ ಸೂಸಿದ ಬೆಳಕಿನ ಭಾಸ್ಕರ ದೇವನೊಬ್ಬ ನಾಮ ಹಲವು ಎಂದು ಸಾರಿ ಹೇಳುವಂತೆ ಬಾನಿನಲ್ಲಿ ಬಂಗಾರದ ಬಣ್ಣ ಮೂಡಿಸಿ, ಪಶ್ಚಿಮದಲ್ಲಿ ಮರೆಯಾಗುತ್ತಿರುವುದು ಮನ ಮೋಹಕವಾಗಿ ಕಂಡುಬಂದಿತು  ಚಿತ್ರ– ದೊಡ್ಡಬಾಣಗೆರೆ ಮಾರಣ್ಣ

ಬಂಗಾರದ ಕಿರಣ

ಚಿಕ್ಕಮಗಳೂರು ತಾಲ್ಲೂಕಿನ ಸೀತಾಳಯ್ಯನ ಗಿರಿಯಲ್ಲಿ ಮಂಗಳವಾರ ಸೀತಾಳ ಮಲ್ಲಿಕಾರ್ಜುನ ಸ್ವಾಮಿ ತೇರು ವಿಜೃಂಭಣೆಯಿಂದ ನೆರವೇರಿತು.

ಸೀತಾಳ ಮಲ್ಲಿಕಾರ್ಜುನ ಸ್ವಾಮಿ ತೇರು

‘ಶೀಡಿ ಮೇಳ’ದ (ಮೊಸಳೆ ಹಬ್ಬ) ಅಂಗವಾಗಿ ಪಾಕಿಸ್ತಾನ ಶೀಡಿ ಜನಾಂಗದ ಮಹಿಳೆಯರು ಸಾಂಪ್ರದಾಯಿಕ ಸಂಗೀತ ಕಾರ್ಯಕ್ರಮ ನಡೆಸಿಕೊಟ್ಟರು. –ಎಎಫ್‌ಪಿ ಚಿತ್ರ

ಸೀಡಿ ಮೇಳ

ಜರ್ಮನಿಯ ಓಕೆರ್ಮ್ ಪರ್ವತದಲ್ಲಿರುವ ರಾಂಕೇರ್‌ಹಾಲ್ಲರ್‌ ಜಲಪಾತದ ನೀರು ಅತ್ಯಂತ ಕನಿಷ್ಠ ಉಷ್ಣಾಂಶದಿಂದಾಗಿ ಮಂಜುಗಡ್ಡೆಯಾಗಿ ಪರಿವರ್ತನೆಯಾಗಿದ್ದು, ಸಾಹಸಿಯೊಬ್ಬರು ಅದನ್ನು ಏರಿದರು. –ಪಿಟಿಐ ಚಿತ್ರ

ಮಂಜುಗಡ್ಡೆ– ಸಾಹಸ

ದಾವಣಗೆರೆಯ ಶಿವಯೋಗಾಶ್ರಮದಲ್ಲಿ ಹಮ್ಮಿಕೊಂಡಿರುವ ಜಯದೇವ ಮುರುಘರಾಜೇಂದ್ರ ಸ್ವಾಮೀಜಿಯ 61ನೇ ಸ್ಮರಣೋತ್ಸವದಲ್ಲಿ ‘ಶೂನ್ಯಪೀಠ ಅಕ್ಕನಾಗಮ್ಮ’ ಪ್ರಶಸ್ತಿಯನ್ನು ಪ್ರಮೀಳಾ ನೇಸರ್ಗಿ, ‘ಜಯದೇವ ಶ್ರೀ’ ಪ್ರಶಸ್ತಿಯನ್ನು ಸಂಸದ ಮಲ್ಲಿಕಾರ್ಜುನ ಖರ್ಗೆ, ‘ಶೂನ್ಯಪೀಠ ಅಲ್ಲಮ’ ಪ್ರಶಸ್ತಿಯನ್ನು ಹಂಪ ನಾಗರಾಜಯ್ಯ ಹಾಗೂ 'ಶೂನ್ಯಪೀಠ ಚನ್ನಬಸವ’ ಪ್ರಶಸ್ತಿಯನ್ನು ಸಮಾಜಸೇವಕ ಡಾ.ಸಿ.ಆರ್.ನಸೀರ್ ಅಹಮದ್‌ ಅವರಿಗೆ ಶನಿವಾರ ಪ್ರದಾನ ಮಾಡಲಾಯಿತು. ಸಂಸದ ಜಿ.ಎಂ.ಸಿದ್ದೇಶ್ವರ, ಡಾ.ಸಾರಂಗಧರ ದೇಶಿಕೇಂದ್ರ ಸ್ವಾಮೀಜಿ, ಶಿವಮೂರ್ತಿ ಮುರುಘಾ ಶರಣರು, ಶಾಸಕ ಶಾಮನೂರು ಶಿವಶಂಕರಪ್ಪ, ಬಸವಪ್ರಭು ಸ್ವಾಮೀಜಿ ಅವರೂ ಚಿತ್ರದಲ್ಲಿದ್ದಾರೆ.

ಪ್ರಶಸ್ತಿ ಪ್ರದಾನ

ಪಾದಯಾತ್ರೆ ವೇಳೆ ಬಳಸಿದ್ದ ಧ್ವಜಗಳನ್ನು ಅನಿಲ್ ಕುಂಬ್ಳೆ ವೃತ್ತದಲ್ಲಿ ಎಸೆಯಲಾಗಿದೆ

ಬೀದಿಗೆ ಬಾವುಟ

2012ರ ಪ್ಯಾರಾಲಿಂಪಿಕ್ಸ್‌ನ ಹೈಜಂಪ್‌ ಸ್ಪರ್ಧೆಯಲ್ಲಿ ಬೆಳ್ಳಿ ಪದಕ ಗೆದ್ದಿದ್ದ ಎಚ್‌.ಎನ್‌. ಗಿರೀಶ್‌ ಹಾಗೂ ಸಹನಾ ಅವರ ಆರತಕ್ಷತೆ ಶನಿವಾರ ಹಾಸನದಲ್ಲಿ ನಡೆಯಿತು.

ಆರತಕ್ಷತೆ

ಬಳ್ಳಾರಿ ಜಿಲ್ಲೆಯ ಹೊಸಪೇಟೆಯ ತಾಲ್ಲೂಕು ಕ್ರೀಡಾಂಗಣದಲ್ಲಿ ಆಯೋಜಿಸಿದ್ದ ಸಾಮೂಹಿಕ ರಂಗಿನಾಟದಲ್ಲಿ ಪಾಲ್ಗೊಂಡಿದ್ದ ಜನ –ಪ್ರಜಾವಾಣಿ ಚಿತ್ರ: ಬಿ. ಬಾಬುಕುಮಾರ

ರಂಗಿನಾಟ...

ಮಾಘಿಯ ಚಳಿ ಮುಗಿದು, ಬೇಸಗೆ ಆರಂಭವಾಗುತ್ತಿರುವ ಈ ಹೊತ್ತಿನಲ್ಲಿ ಮರಗಳು ಎಲೆಗಳನ್ನು ಉದುರಿಸುತ್ತಿವೆ. ನೆಲಕ್ಕೆ ಬಿದ್ದ ತರಗೆಲೆಯ ಮೇಲೆ ಹೆಜ್ಜೆಗಳನ್ನು ಹಾಕುತ್ತಾ ಸಾಗಿದ ರಾಯಲ್‌ ಬಂಗಾಳ ಹುಲಿ ಪಶ್ಚಿಮ ಬಂಗಾಳದ ಮಿಡ್ನಾಪುರ ಅರಣ್ಯ ವಲಯದ ಲಾಲ್ಗರ್‌ ಕಾಡಿನಲ್ಲಿ ಶುಕ್ರವಾರ ರಿಮೋಟ್‌ ಕಂಟ್ರೋಲ್‌ ಕ್ಯಾಮೆರಾ ಕಣ್ಣಿಗೆ ಸೆರೆಯಾಗಿದೆ. ಚಿತ್ರ: ಎಎನ್‌ಐ

ಕ್ಯಾಮೆರಾ ಕಣ್ಣಿಗೆ ಸರೆಯಾದ ರಾಯಲ್‌ ಬಂಗಾಳ ಹುಲಿ

ಬಳ್ಳಾರಿ ತಾಲ್ಲೂಕಿನ ಕುರುಗೋಡಿನಲ್ಲಿ ಗುರುವಾರ ನಡೆದ ದೊಡ್ಡ ಬಸವೇಶ್ವರ ಸ್ವಾಮಿ ಮಹಾರಥೋತ್ಸವದಲ್ಲಿ ಸಹಸ್ರಾರು ಭಕ್ತರು ಭಾಗವಹಿಸಿದ್ದರು- ಪ್ರಜಾವಾಣಿ ಚಿತ್ರ

ಮಹಾರಥೋತ್ಸವ

ದಾವಣಗೆರೆಯಲ್ಲಿ ದುರ್ಗಾಂಬಿಕಾ ಜಾತ್ರೆ ಪ್ರಯುಕ್ತ ಬೀರಲಿಂಗೇಶ್ವರ ದೇಗುಲ ಬಳಿಯ ಅಖಾಡದಲ್ಲಿ ಗುರುವಾರ ಬಯಲು ಕುಸ್ತಿ ಸ್ಪರ್ಧೆ ಆರಂಭವಾಯಿತು. ಸೈಯ್ಯದ್‌ (ಬಗಲಡೆ) ಮತ್ತು ಸಚಿನ್‌ (ಎಡಗಡೆ) ನಡುವಣ ಸೆಣಸಾಟ ನಡೆಯಿತು.

ಸೆಣಸಾಟ..

ವನ್ಯಜೀವಿಗಳನ್ನು ಪ್ರಾಣಿ ಸಂಗ್ರಹಾಲಯದಲ್ಲಿ ಇಡ ಬಾರದು ಎಂದು ಜಾಗೃತಿ ಮೂಡಿಸುವ ಫಲಕಗಳನ್ನು ಹಿಡಿದ ಪೆಟಾ ಸಂಸ್ಥೆಯ ಕಾರ್ಯಕರ್ತರು ಪ್ರಾಣಿಗಳ  ವೇಷ ಧರಿಸಿ ಕೋಲ್ಕತ್ತದ ಅಲಿ‍ಪೋರ್ ಪ್ರಾಣಿ ಸಂಗ್ರಹಾಲಯದ ಬಳಿ  ಪ್ರದರ್ಶನ ನೀಡಿದರು       –ಪಿಟಿಐ ಚಿತ್ರ

ಪೆಟಾದಿಂದ ಜಾಗೃತಿ

ಬಳ್ಳಾರಿಯ ಕನಕದುರ್ಗಮ್ಮ ಗುಡಿಯ ಆವರಣದಲ್ಲಿ ಮಂಗಳವಾರ ಸಂಜೆ ಸಿಡಿಬಂಡಿ ಉತ್ಸವದ ರಥ ಸಾಗುತ್ತಿದ್ದಂತೆಯೇ ಸಾವಿರಾರು ಭಕ್ತರು ಹಣ್ಣು, ದವನ ಎಸೆದು ಹರಕೆ ತೀರಿಸಿದರು. ಜಿಲ್ಲೆಯಲ್ಲದೇ ಆಂಧ್ರಪ್ರದೇಶ, ತೆಲಂಗಾಣ ಹಾಗೂ ಮಹಾರಾಷ್ಟ್ರದ ವಿವಿಧ ಭಾಗಗಳಿಂದ ಬಂದಿದ್ದ ಭಕ್ತರು ಉತ್ಸವದಲ್ಲಿ ಪಾಲ್ಗೊಂಡಿದ್ದರು   –ಚಿತ್ರ: ಟಿ.ರಾಜನ್

ಸಿಡಿಬಂಡಿ ರಥೋತ್ಸವ

ಕೋಲ್ಕತ್ತದಲ್ಲಿ ಸೋಮವಾರ ನಡೆದ ಛತ್ರಿಗಳ ಮೇಲೆ ಚಿತ್ರ ಬಿಡಿಸುವ ಕಾರ್ಯಾಗಾರದಲ್ಲಿ ಚಿತ್ತಾರವಿಟ್ಟ ವಿದ್ಯಾರ್ಥಿಗಳು  –ಪಿಟಿಐ ಚಿತ್ರ

ಛತ್ರಿ ಮೇಲೆ ಚಿತ್ತಾರ

ಸೇನೆಗೆ ಹೊಸದಾಗಿ ಸೇರ್ಪಡೆ ಯಾದ ಅಭ್ಯರ್ಥಿಗಳು ಸೇನೆಯ ಸಮವಸ್ತ್ರ ತೊಟ್ಟು ಶ್ರೀನಗರದಲ್ಲಿರುವ ಜಮ್ಮು ಮತ್ತು ಕಾಶ್ಮೀರ ಲೈಟ್ ಇನ್ಫೆಂಟ್ರಿ ರೆಜಿಮೆಂಟಲ್ ಸೆಂಟರ್‌ನಲ್ಲಿ ಸೋಮವಾರ ನಿರ್ಗಮನ ಪಥಸಂಚಲನ ನಡೆಸಿದರು. ಯಶಸ್ವಿಯಾಗಿ ತರಬೇತಿ ಪೂರೈಸಿದ ಜಮ್ಮು ಮತ್ತು ಕಾಶ್ಮೀರದ 219 ಅಭ್ಯರ್ಥಿಗಳು ಸೇನೆಗೆ ನಿಯೋಜನೆಗೊಂಡಿದ್ದಾರೆ    – ಪಿಟಿಐ ಚಿತ್ರ

ಸಮವಸ್ತ್ರದ ಸಂಭ್ರಮ

ರಾಜಸ್ಥಾನದ ಬಿಕಾನೆರ್‌ನಲ್ಲಿ ಬಿಜೆಪಿ ಮಹಿಳಾ ಮೋರ್ಚ ಸದಸ್ಯೆಯರು ಹೋಳಿ ಹಬ್ಬದಂದು ಪರಸ್ಪರ ಬಣ್ಣ ಹಚ್ಚಿ ಸಂಭ್ರಮಿಸಿದರು– ಚಿತ್ರ ಪಿಟಿಐ

ಸಂಭ್ರಮ

ಬೆಳಗಾವಿ ಜಿಲ್ಲೆ ಚಿಕ್ಕೋಡಿ ತಾಲ್ಲೂಕಿನ ಕೇರೂರಿನ ಅರಣ್ಯಸಿದ್ಧೇಶ್ವರ ಜಾತ್ರಾ ಮಹೋತ್ಸವದ ಅಂಗವಾಗಿ ಸೋಮವಾರ ನಡೆದ ನಿವ್ವಾಳಕಿಯಲ್ಲಿ (ಜಾತ್ರೆಯ ಕೊನೆಯ ದಿನದ ಆಚರಣೆ) ಭಂಡಾರ ತೂರಿ ಸಂಭ್ರಮಿಸಿದ ಭಕ್ತ ಸಮೂಹ  ಚಿತ್ರ: ಮಲ್ಲಿಕಾರ್ಜುನ ದಾನನ್ನವರ

ಭಕ್ತಿ ಭಂಡಾರ...!

ಶ್ರವಣಬೆಳಗೊಳದಲ್ಲಿ ಬಾಹುಬಲಿ ಮೂರ್ತಿಗೆ ನಡೆಯುತ್ತಿರುವ ಮಹಾಮಸ್ತಕಾಭಿಷೇಕಕ್ಕೆ ಭಕ್ತರ ಸಂಖ್ಯೆ ದಿನೇ ದಿನೇ ಹೆಚ್ಚುತ್ತಿದ್ದು, ಶುಕ್ರವಾರ ಅಭಿಷೇಕ ಸಂದರ್ಭದಲ್ಲಿ ಕಂಡುಬಂದ ದೃಶ್ಯ.  ಚಿತ್ರ– ಅತೀಖುರ್‌ ರೆಹಮಾನ್‌

ಗೊಮ್ಮಟಗೆ ಅಭಿಷೇಕ

ಬೆಂಗಳೂರು ನಗರದ ರಂಗೋಲಿ ಕಲಾ ಗ್ಯಾಲರಿಯಲ್ಲಿ ಶನಿವಾರ ಕಲಾವಿದ ಪ್ರೊ. ಜೆ. ಎ. ಕೆ. ತರೀನ್‌ ಅವರು ತಮ್ಮ ಕಲಾಕೃತಿಗಳ ಬಗ್ಗೆ ವಿವರಿಸಿದರು –ಪ್ರಜಾವಾಣಿ ಚಿತ್ರ

ಕಲಾಕೃತಿ ಪ್ರದರ್ಶನ

ಬೆಂಗಳೂರಿನಲ್ಲಿ ಗುರುವಾರ ನಡೆದ ಸಮಾರಂಭದಲ್ಲಿ ಫ್ರೀಡಂ ಸನ್‌ಫ್ಲವರ್‌ ಆಯಿಲ್‌ ಸಂಸ್ಥೆಯು ಅದೃಷ್ಟಶಾಲಿ ವಿಜೇತರಿಗೆ ಬಹುಮಾನ ವಿತರಿಸಿತು. ‘ಫ್ರೀಡಂ ಜಾರ್‌ಕಾರ್‌ ಕೊಡುಗೆ’ಯ ವಿಜೇತರಾದ ಹಾನಗಲ್‌ನ ದೇವರಾಜ್‌ ಅವರಿಗೆ ನಟಿ ಶರ್ಮಿಳಾ ಮಾಂಡ್ರೆ ಅವರು ಕಾರ್‌ ಕೀಲಿಕೈ ಹಸ್ತಾಂತರಿಸಿದರು. ಸಂಸ್ಥೆಯ ಮಾರುಕಟ್ಟೆ ವಿಭಾಗದ ಉಪಾಧ್ಯಕ್ಷ ಪಿ. ಚಂದ್ರಶೇಖರ ರೆಡ್ಡಿ ಉಪಸ್ಥಿತರಿದ್ದರು. –ಪ್ರಜಾವಾಣಿ ಚಿತ್ರ

‘ಫ್ರೀಡಂ ಜಾರ್‌ಕಾರ್‌ ಕೊಡುಗೆ’

ಯಲ್ಲಾಪುರ ತಾಲ್ಲೂಕಿನ ಇಡಗುಂದಿಯ ಶ್ರೀರಾಮಲಿಂಗೇಶ್ವರ ದೇವಸ್ಥಾನದ ರಥಬೀದಿಯಲ್ಲಿ ಮಹಾಶಿವರಾತ್ರಿ ಜಾತ್ರೆಯ ಪ್ರಯುಕ್ತ ಬುಧವಾರ ಬೆಳಗ್ಗಿನ ಜಾವ ಮಹಾರಥೋತ್ಸವ ನಡೆಯಿತು. ಮಂಗಳವಾರ ಮಧ್ಯರಾತ್ರಿ ಸಣ್ಣ ರಥೋತ್ಸವ ನಡೆಯಿತು. ಸಾವಿರಾರು ಜನರು ದೇವರಿಗೆ ಪೂಜೆ ಸಲ್ಲಿಸಿದರು.

ಮಧ್ಯರಾತ್ರಿ ರಥೋತ್ಸವ

1947ರಲ್ಲಿ ಪಾಕಿಸ್ತಾನದೊಂದಿಗೆ ನಡೆದ ಕದನದಲ್ಲಿ ಜಮ್ಮು ಕಾಶ್ಮೀರವನ್ನು ಭಾರತದೊಂದಿಗೆ ಉಳಿಯುವಂತೆ ಮಾಡುವಲ್ಲಿ ಪ್ರಮುಖ ಪಾತ್ರ ವಹಿಸಿದ್ದ ಡಿಸಿ3 ಡಕೋಟ ಯುದ್ಧ ವಿಮಾನವನ್ನು ರಾಜ್ಯಸಭಾ ಸದಸ್ಯ ರಾಜೀವ್ ಚಂದ್ರಶೇಖರ್ ಭಾರತೀಯ ವಾಯುಪಡೆಗೆ ಉಡುಗೊರೆಯಾಗಿ ನೀಡಿದರು. ಆ ವಿಮಾನಕ್ಕೆ ‘ಪರುಶುರಾಮ’ ಎಂದು ಹೆಸರಿಟ್ಟರು.   ಏರ್ ಚೀಫ್ ಮಾರ್ಷಲ್ ಬಿರೇಂದ್ರ ಸಿಂಗ್ ಧನೋವಾ ಹಾಗೂ ಆ ಯುದ್ಧ ವಿಮಾನದ ಪೈಲಟ್‌ ಆಗಿದ್ದ ರಾಜೀವ್‌ ಚಂದ್ರಶೇಖರ್‌ ಅವರ ತಂದೆ ಎಂ.ಕೆ. ಚಂದ್ರಶೇಖರ್ ಸಹಿ ಮಾಡಿದ ಉಡುಗೊರೆ ಪತ್ರವನ್ನು ಪ್ರದರ್ಶಿಸಿದರು.

ವಾಯುಪಡೆಗೆ ವಿಮಾನ ಕಾಣಿಕೆ

 ಪ್ರಧಾನಿ ನರೇಂದ್ರ ಮೋದಿ ‘ಎಕ್ಸಾಂ ವಾರಿಯರ್ಸ್‌ ಪುಸ್ತಕವನ್ನು ಮಹಾರಾಷ್ಟ್ರ ಮುಖ್ಯಮಂತ್ರಿ ದೇವೇಂದ್ರ ಫಡಣವೀಸ್‌ ಅವರ ಪತ್ನಿ ಅಮೃತಾ ಫಡಣವೀಸ್‌ ಮುಂಬೈನಲ್ಲಿ ಬುಧವಾರ ವಿದ್ಯಾರ್ಥಿಗಳಿಗೆ ವಿತರಿಸಿದರು. –ಪಿಟಿಐ ಚಿತ್ರ

ಪುಸ್ತಕ ವಿತರಣೆ

ಸಿದ್ಧಾರೂಢಸ್ವಾಮಿ ಮಹಾರಾಜ್‌ ಕಿ ಜೈ...  ಉತ್ತರ ಕರ್ನಾಟಕದ ಆರಾಧ್ಯ ದೈವ ಸದ್ಗುರು ಸಿದ್ಧಾರೂಢಸ್ವಾಮಿ ರಥೋತ್ಸವ ಹುಬ್ಬಳ್ಳಿಯಲ್ಲಿ ಬುಧವಾರ ಲಕ್ಷಾಂತರ ಭಕ್ತರ ಸಮ್ಮುಖದಲ್ಲಿ ವಿಜೃಂಭಣೆಯಿಂದ ನೆರವೇರಿತು  ಪ್ರಜಾವಾಣಿ ಚಿತ್ರ/ ತಾಜುದ್ದೀನ್‌ ಆಜಾದ್‌

ಸಿದ್ಧಾರೂಢಸ್ವಾಮಿ ಮಹಾರಾಜ್‌ ಕಿ ಜೈ...

ಪ್ರೇಮಿಗಳ ದಿನದ ಮುನ್ನಾ ದಿನವಾದ ಮಂಗಳವಾರ ಕೋಲ್ಕತ್ತದ ರಸ್ತೆಯಲ್ಲಿ ಗುಲಾಬಿ ಮಾರುತ್ತಿರುವ ವ್ಯಾಪಾರಿ. –ಪಿಟಿಐ ಚಿತ್ರ

ಓ ಗುಲಾಬಿಯೇ...

ಹುಬ್ಬಳ್ಳಿಯ ಅಜ್ಜ ಎಂದೇ ಪ್ರಸಿದ್ಧರಾದ ಸದ್ಗುರು ಸಿದ್ಧಾರೂಢಸ್ವಾಮಿ ಜಾತ್ರೆಯ ನಿಮಿತ್ತ ವಿದ್ಯುದ್ದೀಪಗಳಿಂದ ಅಲಂಕರಿಸಲಾದ ಶ್ರೀಮಠದ ಆವರಣದಲ್ಲಿ ಭಕ್ತರು ಮಂಗಳವಾರ ಶಿವರಾತ್ರಿ ಜಾಗರಣೆ ಮಾಡಿದರು. ಬುಧವಾರ ಸಿದ್ಧಾರೂಢರ ರಥೋತ್ಸವ ಜರುಗಲಿದೆ

ಸಿದ್ಧಾರೂಢಸ್ವಾಮಿ ಜಾತ್ರೆ

ವಿಜಯಪುರದ ಹೊರವಲಯ ಶಿವಗಿರಿಯಲ್ಲಿ ಮಂಗಳವಾರ ಮಹಾಶಿವರಾತ್ರಿ ಅಂಗವಾಗಿ ಶಿವನ ಬೃಹತ್ ಮೂರ್ತಿಯ ದರ್ಶನಾಶೀರ್ವಾದ ಪಡೆದ ಜನಸ್ತೋಮ  ಪ್ರಜಾವಾಣಿ ಚಿತ್ರ

ಮಹಾಶಿವರಾತ್ರಿ

ಭಾನುವಾರ ಹೃದಯಾಘಾತದಿಂದ ನಿಧನರಾದ ಪಾಕಿಸ್ತಾನದ ಮಾನವ ಹಕ್ಕುಗಳ ಹೋರಾಟಗಾರ್ತಿ ಮತ್ತು ಹಿರಿಯ ವಕೀಲೆ ಅಸ್ಮಾ ಜಹಾಂಗೀರ್‌ ಅವರ ಅಂತ್ಯಕ್ರಿಯೆ ವೇಳೆ ಜನಸ್ತೋಮ –ಎಎಫ್‌ಪಿ ಚಿತ್ರ

ಅಂತಿಮ ವಿದಾಯ

ಮಾರುತಿ ಸುಜುಕಿ ಕಂಪನಿಯು ಪರಿಚಯಿಸಲಿರುವ ಹೊಸ ವಿನ್ಯಾಸದ ಪರಿಕಲ್ಪನೆಯ ಕಾರು, ಗ್ರೇಟರ್‌ ನೊಯಿಡಾದಲ್ಲಿ ನಡೆಯುತ್ತಿರುವ ವಾಹನ ಮೇಳದಲ್ಲಿ ಭಾರಿ ಸಂಖ್ಯೆಯಲ್ಲಿ ಜನರನ್ನು ಆಕರ್ಷಿಸಿತು. –ಪಿಟಿಐ ಚಿತ್ರ

ಮಾರುತಿ ಸುಜುಕಿ

ಮ್ಯಾಕ್ಸ್‌ ಬ್ಯುಪಾ ಆರೋಗ್ಯ ವಿಮಾ ಕಂಪನಿ ಬೆಂಗಳೂರು ನಗರದ ಕಂಠೀರವ ಕ್ರೀಡಾಂಗಣದಲ್ಲಿ ಭಾನುವಾರ ಆಯೋಜಿಸಿದ್ದ ‘ಆರೋಗ್ಯಕ್ಕಾಗಿ ನಡಿಗೆ’ ಕಾರ್ಯಕ್ರಮದಲ್ಲಿ ನಟ ಶಿವರಾಜ್‌ ಕುಮಾರ್‌ ಅವರು ಮಕ್ಕಳ ಜತೆಗೆ ನೃತ್ಯ ಮಾಡಿದರು -ಪ್ರಜಾವಾಣಿ ಚಿತ್ರ

‘ಆರೋಗ್ಯಕ್ಕಾಗಿ ನಡಿಗೆ’

ಬೆಂಗಳೂರು ನಗರದ ಚಿತ್ರಕಲಾ ಪರಿಷತ್‌ನಲ್ಲಿ ಡಾ.ಡಿ.ಕೆ.ಚೌಟ ಅವರ ತುಳು ಕಾದಂಬರಿ ‘ಮಿತ್ತಬೈಲು ಯಮುನಕ್ಕ’ ಕೃತಿಯ ಬಿಡುಗಡೆ ಕಾರ್ಯಕ್ರಮದಲ್ಲಿ ರಂಗ ನಿರಂತರ ತಂಡದ ಕಲಾವಿದರು ಮಿತ್ತಬೈಲು ಯಮುನಕ್ಕ ನಾಟಕವನ್ನು ಪ್ರಸ್ತುತಪಡಿಸಿದರು –ಪ್ರಜಾವಾಣಿ ಚಿತ್ರ      Selected  4/11

ಮಿತ್ತಬೈಲು ಯಮುನಕ್ಕ ನಾಟಕ

ಬಳ್ಳಾರಿ ಜಿಲ್ಲೆಯ ಕೊಟ್ಟೂರಿನಲ್ಲಿ, ಭಾನುವಾರ ಲಕ್ಷಾಂತರ ಭಕ್ತರ ಹರ್ಷೋದ್ಗಾರದ ನಡುವೆ ಶ್ರೀಗುರು ಕೊಟ್ಟೂರೇಶ್ವರರ ವೈಭವದ ರಥೋತ್ಸವ ಜರುಗಿತು. ಕಳೆದ ವರ್ಷ ರಥೋತ್ಸವದ ವೇಳೆ, ಅಚ್ಚು ಮುರಿದು ಕುಸಿದುಬಿದ್ದಿದ್ದ ತೇರು ಹಾನಿಗೀಡಾಗಿತ್ತು. ಈ ಅವಘಡದಲ್ಲಿ ಕೆಲವರು ಗಾಯಗೊಂಡಿದ್ದರು. ಹೊಸ ರಥ ನಿರ್ಮಾಣಕ್ಕಾಗಿ ಸರ್ಕಾರ ₹ 2 ಕೋಟಿ ಬಿಡುಗಡೆ ಮಾಡಿತ್ತು.   ಪ್ರಜಾವಾಣಿ ಚಿತ್ರ/ತಾಜುದ್ದೀನ್‌ ಆಜಾದ್‌

ಶ್ರೀಗುರು ಕೊಟ್ಟೂರೇಶ್ವರರ ವೈಭವದ ರಥೋತ್ಸವ

ಬಾಗಲಕೋಟೆ ಜಿಲ್ಲೆ ಬೀಳಗಿಯಲ್ಲಿ ಭಾನುವಾರ ಆಯೋಜಿಸಿದ್ದ 128 ಜೋಡಿ ಸಾಮೂಹಿಕ ವಿವಾಹ ಸಮಾರಂಭದಲ್ಲಿ, ಬಿಜೆಪಿ ಮುಖಂಡ ಮುರುಗೇಶ ನಿರಾಣಿ ಅವರ ಪುತ್ರ ವಿಜಯ್ ಹಾಗೂ ದಾವಣಗೆರೆ ಸಂಸದ ಜಿ.ಎಂ.ಸಿದ್ದೇಶ್ವರ ಸಹೋದರ ಪ್ರಸನ್ನಕುಮಾರ ಪುತ್ರಿ ಜಿ.ಪಿ.ಸುಷ್ಮಿತಾ ದಾಂಪತ್ಯ ಬದುಕಿಗೆ ಕಾಲಿಟ್ಟರು. ಬಿಜೆಪಿ ರಾಜ್ಯ ಘಟಕದ ಅಧ್ಯಕ್ಷ ಬಿ.ಎಸ್.ಯಡಿಯೂರಪ್ಪ ಪಾಲ್ಗೊಂಡು ನವದಂಪತಿಗೆ ಹರಿಸಿದರು. ಶಾಸಕ ಉಮೇಶ ಕತ್ತಿ, ಸಂಸದ ಪಿ.ಸಿ.ಗದ್ದಿಗೌಡರ, ಮುರುಗೇಶ ನಿರಾಣಿ ದಂಪತಿ, ಸಂಸದ ಜಿ.ಎಂ.ಸಿದ್ದೇಶ್ವರ, ಕೂಡಲಸಂಗಮ ಪಂಚಮಸಾಲಿ ಪೀಠದ ಬಸವಜಯಮೃತ್ಯುಂಜಯ ಸ್ವಾಮೀಜಿ ಹಾಜರಿದ್ದರು

128 ಜೋಡಿ ಸಾಮೂಹಿಕ ವಿವಾಹ

 ಮಂಗಳೂರಿನ ಜಪ್ಪಿನಮೊಗರು ನೇತ್ರಾವತಿ ನದಿ ತೀರದಲ್ಲಿ ಭಾನುವಾರ ನಡೆದ ಜಯ–ವಿಜಯ ಜೋಡುಕರೆ ಕಂಬಳದಲ್ಲಿ ಕಂಡುಬಂದ ರೋಚಕ ಸನ್ನಿವೇಶ –ಪ್ರಜಾವಾಣಿ ಚಿತ್ರ/ಗೋವಿಂದರಾಜ ಜವಳಿ

ಕಂಬಳದ ಗೌಜು

1984ರಲ್ಲಿ ನಡೆದ ಸಿಖ್ಖರ ಹತ್ಯಾಕಾಂಡ ಖಂಡಿಸಿ ಶುಕ್ರವಾರ ನವದೆಹಲಿಯಲ್ಲಿ ಪ್ರತಿಭಟನೆ ನಡೆಸಿದ ಮಹಿಳೆಯರನ್ನು ಪೊಲೀಸರು ವಶಕ್ಕೆ ಪಡೆದರು –ಪಿಟಿಐ ಚಿತ್ರ

ಪ್ರತಿಭಟನೆ

ಭಾರತದಲ್ಲಿ ಅಮೆರಿಕದ ರಾಯಭಾರಿ ಆಗಿರುವ ಕೆನೆಥ್ ಜಸ್ಟರ್ ಅವರು ಮಂಗಳವಾರ ಕೋಲ್ಕತ್ತದಲ್ಲಿ ನಡೆದ ಚಿತ್ರಕಲಾ ಕಾರ್ಯಕ್ರಮವೊಂದರಲ್ಲಿ ಮೀನಿನ ಚಿತ್ರ ರಚಿಸಲು ಪ್ರಯತ್ನಿಸಿದರು  –ಪಿಟಿಐ ಚಿತ್ರ

ಕುಂಚ ಹಿಡಿದ ರಾಯಭಾರಿ

ಟೆಹರಾನ್‌ ಹಾಗೂ ಅದರ ಸುತ್ತಮುತ್ತಲ ಪ್ರದೇಶಗಳಲ್ಲಿ ಮಾಲಿನ್ಯದಿಂದಾಗಿ ದಟ್ಟ ಮಂಜು ಆವರಿಸಿದ್ದು, ಮಂಗಳವಾರ ಶಾಲಾ–ಕಾಲೇಜುಗಳಿಗೆ ರಜೆ ನೀಡಲಾಗಿದೆ. ಮಕ್ಕಳು, ಗರ್ಭಿಣಿಯರು, ಹಿರಿಯ ನಾಗರಿಕರಿಗೆ ಮನೆಯಿಂದ ಹೊರ ಬರದಂತೆ ಮನವಿ ಮಾಡಲಾಗಿದೆ. ಮಾಲಿನ್ಯ ಪ್ರಮಾಣವನ್ನು ಕಡಿಮೆ ಮಾಡುವ ಉದ್ದೇಶದಿಂದ ಸಮ–ಬೆಸ ಸಂಖ್ಯೆ ಆಧರಿಸಿ ವಾಹನಗಳ ಸಂಚಾರಕ್ಕೆ ಅವಕಾಶ ನೀಡಲು ಸರ್ಕಾರ ಮುಂದಾಗಿದೆ.     ರಾಯಿಟರ್ಸ್ ಚಿತ್ರ

ದಟ್ಟ ಮಂಜು

ರಾಜಸ್ಥಾನದ ಬಿಕಾನೇರ್‌ನ ಸರ್ದಾರ್‌ ಪಟೇಲ್‌ ವೈದ್ಯಕೀಯ ಕಾಲೇಜು ಆವರಣದಲ್ಲಿ ಶಾಸಕ ಹನುಮಾನ್‌ ಬೇನಿವಾಲ್‌ ಅವರ ನೇತೃತ್ವದಲ್ಲಿ ಭಾನುವಾರ ಹಮ್ಮಿಕೊಂಡಿದ್ದ ‘ಕಿಸಾನ್‌ ಹುಂಕಾರ್‌ ರ‍್ಯಾಲಿ’ಯಲ್ಲಿ ಜನರು ಮರದ ಟೊಂಗೆಗಳನ್ನು ಏರಿ ಕುಳಿತಿದ್ದರು -ಪಿಟಿಐ ಚಿತ್ರ

ಮರವೇರಿದ ಧೀರರು

ಸಿಂಗಪುರದಲ್ಲಿ ಭಾನುವಾರ ನಡೆದ ವೈಮಾನಿಕ  ಪ್ರದರ್ಶನದಲ್ಲಿ ಇಂಡೊನೇಷ್ಯಾ ವಾಯುಪಡೆಯ ವಿಮಾನಗಳು ಆಗಸದಲ್ಲಿ ಕಸರತ್ತು  ಪ್ರದರ್ಶಿಸಿದವು    ರಾಯಿಟರ್ಸ್‌ ಚಿತ್ರ

ಕಸರತ್ತು

ಬಳ್ಳಾರಿ ಜಿಲ್ಲೆ ಹೂವಿನಹಡಗಲಿ ತಾಲ್ಲೂಕಿನ ಮೈಲಾರದಲ್ಲಿ ಶನಿವಾರ ಮೈಲಾರಲಿಂಗ ಸ್ವಾಮಿಯ ಕಾರಣಿಕ ಉತ್ಸವ ನಡೆಯಿತು. ಲಕ್ಷಾಂತರ ಭಕ್ತರು ಸೇರಿದ್ದ ಡೆಂಕನ ಮರಡಿಯಲ್ಲಿ 15 ಅಡಿಗಳ ಬಿಲ್ಲನ್ನೇರಿದ ಗೊರವಯ್ಯ ರಾಮಪ್ಪ,  ‘ಆಕಾಶಕ್ಕೆ ಸಿಡಿಲು ಬಡಿತಲೇ ಪರಾಕ್’  ಎಂದು ಕಾರಣಿಕ ನುಡಿದರು. ದೇಶದ ಕೃಷಿ, ವಾಣಿಜ್ಯ, ರಾಜಕೀಯ ಕ್ಷೇತ್ರಗಳಿಗೆ ಅಶುಭ ಫಲವಿದ್ದು, ಪ್ರಕೃತಿ ವಿಕೋಪ ಉಂಟಾಗಲಿದೆ ಎಂದು ಕಾರಣಿಕವನ್ನು ಅರ್ಥೈಸಲಾಯಿತು.

ಆಕಾಶಕ್ಕೆ ಸಿಡಿಲು ಬಡಿತಲೇ ಪರಾಕ್...

ದಾಂಡೇಲಿಯ ನಾಟಾ ಸಂಗ್ರಹಾಲಯದ ಎದುರು ಸ್ಥಾಪಿಸಲಾಗಿರುವ ಹಾರ್ನ್ ಬಿಲ್ ಪ್ರತಿಮೆ

ಹಾರ್ನ್‌ಬಿಲ್ ಉತ್ಸವ

ಲಾಲ್‌ಬಾಗ್‌ನಲ್ಲಿ ರಾಷ್ಟ್ರೀಯ ಸಮಕಾಲೀನ ಜನಪರ ಮರಕೆತ್ತನೆ ಶಿಬಿರ ಸಮಾರೋಪ ಸಮಾರಂಭ ಶನಿವಾರ ನಡೆಯಿತು. 70 ಮಂದಿ ಕಲಾವಿದರು ಇದರಲ್ಲಿ ಭಾಗವಹಿಸಿದ್ದರು. ಉರುಳಿದ ಮರದ ಕೊಂಬೆಯಲ್ಲಿ ವಿಭಿನ್ನ ಕಲಾಕೃತಿಗಳು ರೂಪಗೊಂಡಿದ್ದು, ಇವು ಕಲಾಸಕ್ತರ ಮನಸೂರೆಗೊಂಡವು –ಪ್ರಜಾವಾಣಿ ಚಿತ್ರ

ವಿಭಿನ್ನ ಕಲಾಕೃತಿ

 ಗದಗ ತಾಲ್ಲೂಕಿನ ಲಕ್ಕುಂಡಿಯಲ್ಲಿ ಶನಿವಾರ ಸಂಜೆ ಲಕ್ಕುಂಡಿ ಉತ್ಸವಕ್ಕೆ ಚಾಲನೆ ನೀಡಲಾಯಿತು. ಬೆಳಕಿನ ವರ್ಣವೈಭವದಲ್ಲಿ ಕಂಗೊಳಿಸುತ್ತಿರುವ ಐತಿಹಾಸಿಕ ನನ್ನೇಶ್ವರ ದೇವಾಲಯ –ಪ್ರಜಾವಾಣಿ ಚಿತ್ರ, ಬನೇಶ ಕುಲಕರ್ಣಿ

ಲಕ್ಕುಂಡಿ ಉತ್ಸವ

ವೀಣಾವಾಣಿ ಸಂಗೀತ, ನೃತ್ಯ ಮತ್ತು ನಾಟಕ ಶಾಲೆಯ ವತಿಯಿಂದ ಕಿತ್ತೂರು ರಾಣಿ ಚನ್ನಮ್ಮ ಮೈದಾನದಲ್ಲಿ ಶುಕ್ರವಾರ ಹಮ್ಮಿಕೊಂಡಿದ್ದ ಕಾರ್ಯಕ್ರಮದಲ್ಲಿ ಗಿನ್ನೆಸ್‌ ದಾಖಲೆಗಾಗಿ 3,000 ಮಂದಿ ಭಾರತ ನಕ್ಷೆ ರೂಪಿಸಿದರು.–ಪ್ರಜಾವಾಣಿ ಚಿತ್ರ

ಗಿನ್ನಿಸ್ ದಾಖಲೆಯ ಭಾರತ ನಕ್ಷೆ

ಮೂಡುಬಿದಿರೆಯ ಅಳ್ವಾಸ್ ಶಿಕ್ಷಣ ಪ್ರತಿಷ್ಠಾನದ ವತಿಯಿಂದ ಶುಕ್ರವಾರ ಪುತ್ತಿಗೆ ವಿವೇಕಾನಂದ ನಗರದಲ್ಲಿ ನಡೆದ 79 ನೇ ಗಣರಾಜ್ಯೋತ್ಸವ ಸಂಭ್ರಮದಲ್ಲಿ ಪಾಲ್ಗೊಂಡಿದ್ದ ಜನ ಸಮೂಹ.

ಜನಸ್ತೋಮ

ಸೀಮಾ ಭವಾನಿ ತಂಡ ಪ್ರದರ್ಶಿಸಿದ ‘ಧ್ವಜ ಪಥಸಂಚಲನ ಪಿರಮಿಡ್’ –ಪಿಟಿಐ ಚಿತ್ರ

ಅಸೀಮ ಬಲ...

ಸಿಂಗಾರಗೊಂಡ ಚಕ್ಕಡಿಯಲ್ಲಿ ಕುಳಿತ ಭಕ್ತರು ಧಾರವಾಡದ ಮೂಲಕ ಉಳವಿ ಚನ್ನಬಸವೇಶ್ವರರ ಜಾತ್ರೆಗೆ ತೆರಳುತ್ತಿದ್ದ ದೃಶ್ಯ ಗುರುವಾರ ಕಂಡುಬಂದಿತು

ಬದುಕಿನ ಬಂಡಿ

ಒಲಿಂಪಿಯನ್ ಕುಸ್ತಿಪಟು ಯೋಗೇಶ್ವರ್ ದತ್ ಅವರ ಪತ್ನಿ ಶೀತಲ್ ಗುರುವಾರ ಸೋನೆಪತ್‌ನ ಆಸ್ಪತ್ರೆಯಲ್ಲಿ ಗಂಡುಮಗುವಿಗೆ ಜನ್ಮ ನೀಡಿದರು. ನವಜಾತ ಶಿಶುವಿನೊಂದಿಗೆ ತಾವು ಇದ್ದ ಚಿತ್ರವನ್ನು ದತ್ ಟ್ವಿಟರ್‌ ನಲ್ಲಿ ಹಾಕಿದ್ದಾರೆ.

ಯೋಗೇಶ್ವರ್‌ಗೆ ತಂದೆಯಾದ ಸಂಭ್ರಮ...

ರಥ ಸಪ್ತಮಿಯ ನಿಮಿತ್ತ ಬುಧವಾರ ಸಂಜೆ ಮಂಗಳೂರಿನ ರಥಬೀದಿಯಲ್ಲಿ ಶ್ರೀ ವೆಂಕಟರಮಣ ದೇವಸ್ಥಾನದ ಶ್ರೀ ವೀರ ವೆಂಕಟೇಶ ದೇವರ ಬ್ರಹ್ಮರಥೋತ್ಸವ ‘ಕೊಡಿಯಾಲ್ ತೇರು’ ಸಂಭ್ರಮದಿಂದ ನಡೆಯಿತು. ರಥಬೀದಿಯಲ್ಲಿ ಕಿಕ್ಕಿರಿದು ತುಂಬಿದ್ದ ಭಕ್ತರು ವೀರ ವೆಂಕಟೇಶನ ವೈಭವದ ರಥಾರೋಹಣ, ಮಹಾಪೂಜೆ ಸಹಿತ ರಥೋತ್ಸವ ವೈಭವಕ್ಕೆ ಸಾಕ್ಷಿಯಾದರು.

ಬ್ರಹ್ಮರಥೋತ್ಸವ

ಬೆಂಗಳೂರಿನಲ್ಲಿ ಬನಶಂಕರಿ ಸಾಮೂಹಿಕ ವಿವಾಹ ವೇದಿಕೆ ವತಿಯಿಂದ ಬನಶಂಕರಿ ದೇವಸ್ಥಾನದಲ್ಲಿ 19ನೇ ವರ್ಷದ ಉಚಿತ ಸಾಮೂಹಿಕ ವಿವಾಹ ಕಾರ್ಯಕ್ರಮ ಸೋಮವಾರ ನಡೆಯಿತು. 50 ಜೋಡಿಗಳು ವೈವಾಹಿಕ ಜೀವನಕ್ಕೆ ಕಾಲಿಟ್ಟವು      –ಪ್ರಜಾವಾಣಿ ಚಿತ್ರ

ಸಾಮೂಹಿಕ ವಿವಾಹ

ಕೊಡಗು ಜಿಲ್ಲೆಯ ದುಬಾರೆ ಶಿಬಿರದಿಂದ ಛತ್ತೀಸಗಡಕ್ಕೆ ಕಳುಹಿಸುವಾಗ ರಂಪಾಟ ನಡೆಸಿದ ಆನೆಯೊಂದನ್ನು ಇತರೆ ಸಾಕಾನೆಗಳ ಸಹಾಯದಿಂದ ಲಾರಿ ಹತ್ತಿಸುವ ಪ್ರಯತ್ನ ನಡೆಯಿತು. –ಪ್ರಜಾವಾಣಿ ಚಿತ್ರ

ಗಜಪಯಣ ತಯಾರಿ

ಪಟ್ನಾದ ಮಗಧ ಮಹಿಳಾ ಕಾಲೇಜು ವಿದ್ಯಾರ್ಥಿಗಳು ಸೋಮವಾರ ಪರಸ್ಪರ ಬಣ್ಣ ಹಚ್ಚಿಕೊಂಡು ವಸಂತ ಪಂಚಮಿ ಆಚರಿಸಿದರು. –ಪಿಟಿಐ ಚಿತ್ರ.

ಬಣ್ಣದ ಸಂಭ್ರಮ

ಮುರುಘಾಮಠದ ಜಾತ್ರೆ ಅಂಗವಾಗಿ ಧಾರವಾಡದಲ್ಲಿ ಸೋಮವಾರ ಆಯೋಜಿಸಿದ್ದ ಮುರುಘೇಂದ್ರ ಮಹಾಶಿವಯೋಗಿಗಳ ರಥೋತ್ಸವದಲ್ಲಿ ಸಾವಿರಾರು ಭಕ್ತರು ತೇರು ಎಳೆದರು

ಮಹಾಶಿವಯೋಗಿಗಳ ರಥೋತ್ಸವ

ಧಾರವಾಡ ಸಾಹಿತ್ಯ ಸಂಭ್ರಮದಲ್ಲಿ ಪಾಲ್ಗೊಂಡ ಸಾಹಿತಿಗಳು ಹಾಗೂ ಆಯೋಜಕರು ಚಿತ್ರ:ಬಿ.ಎಂ.ಕೇದಾರನಾಥ

ಧಾರವಾಡ ಸಾಹಿತ್ಯ ಸಂಭ್ರಮ

ಹರಿಯಾಣದಲ್ಲಿ ನಡೆಯುತ್ತಿರುವ ಹೆಣ್ಣುಮಕ್ಕಳ ಮೇಲಿನ ದೌರ್ಜನ್ಯವನ್ನು ಖಂಡಿಸಿ ಕುಸ್ತಿಪಟು ಯೋಗೀಶ್ವರ್ ದತ್‌ ಈ ಚಿತ್ರವನ್ನು ಟ್ವೀಟ್‌ ಮಾಡಿದ್ದಾರೆ

ಯೋಗೀಶ್ವರ್ ಪ್ರತಿರೋಧ

ಜಮ್ಮುವಿನ ಅಂತರರಾಷ್ಟ್ರೀಯ ಗಡಿಯ ಆರ್.ಎಸ್‌. ಪುರ ವಲಯದಲ್ಲಿ ಪಾಕಿಸ್ತಾನ ಪದೇ ಪದೇ ಕದನ ವಿರಾಮ ಉಲ್ಲಂಘಿಸಿ ನಡೆಸಿದ ದಾಳಿಯಲ್ಲಿ ಮೂವರು ನಾಗರಿಕರು ಶುಕ್ರವಾರ ಮೃತಪಟ್ಟ ನಂತರ ಆತಂಕೊಂಡ ಗ್ರಾಮಸ್ಥರು ತಮ್ಮ ಮನೆಗಳನ್ನು ತೊರೆದು ಸುರಕ್ಷಿತ ಸ್ಥಳಗಳತ್ತ ಹೋದರು.                        ಪಿಟಿಐ ಚಿತ್ರ

ಸುರಕ್ಷಿತ ಸ್ಥಳಗಳತ್ತ...

ಸಮಗ್ರ ಶಿಶು ಅಭಿವೃದ್ಧಿ ಯೋಜನೆ, ಅಕ್ಷರ ದಾಸೋಹ ಮತ್ತು ಎನ್.ಆರ್.ಎಚ್.ಎಂ ಯೋಜನೆಗಳಿಗೆ ಕೇಂದ್ರ ಸರ್ಕಾರ ಅನುದಾನ ಕಡಿತಗೊಳಿಸಿರುವುದನ್ನು ವಿರೋಧಿಸಿ ಅಂಗನವಾಡಿ ಮತ್ತು ಆಶಾ ಕಾರ್ಯಕರ್ತೆಯರು ಬುಧವಾರ ರಾಜ್ಯಾದ್ಯಂತ ಪ್ರತಿಭಟನೆ ನಡೆಸಿದರು. ಬೆಂಗಳೂರಿನಲ್ಲಿ ಕೇಂದ್ರ ಯೋಜನೆಗಳ ಅನುಷ್ಠಾನ ಸಚಿವ ಡಿ.ವಿ.ಸದಾನಂದಗೌಡ ಮನೆ ಮುಂದೆ ಧರಣಿ ಕುಳಿತಿರುವ ಕಾರ್ಯಕರ್ತೆಯರು.  –ಪ್ರಜಾವಾಣಿ ಚಿತ್ರ

ಅಂಗನವಾಡಿ , ಆಶಾ ಕಾರ್ಯಕರ್ತೆಯರ ಪ್ರತಿಭಟನೆ

ಯಾದಗಿರಿ ಜಿಲ್ಲೆಯ ಮೈಲಾಪುರದಲ್ಲಿ ಭಾನುವಾರ ಮೈಲಾರಲಿಂಗೇಶ್ವರ ಜಾತ್ರೆಯ ಅಂಗವಾಗಿ ದೇಗುಲದಿಂದ ಗಂಗಾಸ್ನಾನಕ್ಕಾಗಿ ಹೊನ್ನಕೆರೆಯತ್ತ ಮಲ್ಲಯ್ಯನ ಪಲ್ಲಕ್ಕಿ ಸಾಗುವಾಗ ಸೇರಿದ್ದ ಭಕ್ತಸಮೂಹ –ಪ್ರಜಾವಾಣಿ ಚಿತ್ರ/ರಾಜಕುಮಾರ

ಮೈಲಾರಲಿಂಗೇಶ್ವರ ಜಾತ್ರೆ

ಮೈಸೂರು-ಬೆಂಗಳೂರು ಹೆದ್ದಾರಿ ಬಳಿಯ ಸಿದ್ದಲಿಂಗಪುರದಲ್ಲಿ ಸಂಕ್ರಾಂತಿ ಹಬ್ಬದ ಅಂಗವಾಗಿ ಭಾನುವಾರ ಸೂರ್ಯಾಸ್ತವಾಗುತ್ತಿದ್ದಂತೆ ರೈತರು ರಾಸುಗಳನ್ನು ಕಿಚ್ಚು ಹಾಯಿಸಿ ಸಂಭ್ರಮಿಸಿದರು –ಪ್ರಜಾವಾಣಿ ಚಿತ್ರ/ಇರ್ಷಾದ್‌ ಮಹಮ್ಮದ್‌

ಸಂಕ್ರಮಣದ ಕಿಚ್ಚು..

ಸ್ವಿಟ್ಜರ್ಲೆಂಡ್‌ ಭದ್ರತಾ ಪಡೆಯ ಯುದ್ಧ ವಿಮಾನಗಳು ಹಾಗೂ ವಾಣಿಜ್ಯ ವಿಮಾನವು ಪರ್ವತದ ಇಳಿಜಾರಿನಲ್ಲಿ ಶನಿವಾರ ಹಾರಾಟ ನಡೆಸಿದವು. ಅಂತರರಾಷ್ಟ್ರೀಯ ಸ್ಕೀ ಫೆಡರೇಶನ್‌ ವತಿಯಿಂದ ವೆಂಗೆನ್‌ನಲ್ಲಿ ನಡೆಯುವ ಶಿಖರದ ತುದಿಯಲ್ಲಿನ ಸ್ಕೀಯಿಂಗ್ ವಿಶ್ವಕಪ್‌ಗೂ ಮುನ್ನ ನಡೆದ ಹಾರಾಟವನ್ನು ಜನರು ಕುತೂಹಲದಿಂದ ಕಣ್ತುಂಬಿಕೊಂಡರ

ಲೋಹದ ಹಕ್ಕಿಗಳ ಕಲರವ

ಉಡಾವಣಾ ವೇದಿಕೆಯಲ್ಲಿ ಸಿದ್ಧವಾಗಿರುವ ‍ಪಿಎಸ್‌ಎಲ್‌ವಿ–ಸಿ40  -ಪಿಟಿಐ ಚಿತ್ರ    .....     ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆಯು ತನ್ನ ನೂರನೇ ಉಪಗ್ರಹದ ಉಡಾವಣೆಗೆ ಗುರುವಾರ ಕ್ಷಣಗಣನೆ ಆರಂಭಿಸಿದೆ. ಶುಕ್ರವಾರ ಬೆಳಿಗ್ಗೆ 9.28ಕ್ಕೆ ಕಾರ್ಟೊಸ್ಯಾಟ್–2 ಉಪಗ್ರಹವನ್ನು ಹೊತ್ತು ಧ್ರುವೀಯ ಉಪಗ್ರಹ ಉಡಾವಣಾ ವಾಹನ–‍ಪಿಎಸ್‌ಎಲ್‌ವಿ–ಸಿ40 ನಭದತ್ತ ಜಿಗಿಯಲಿದೆ. ಇದಕ್ಕಾಗಿ ಗುರುವಾರ ಬೆಳಿಗ್ಗೆ 5.29ರಿಂದ 28 ಗಂಟೆಗಳ ಕ್ಷಣಗಣನೆ ಆರಂಭಿಸಲಾಗಿದೆ. ಶ್ರೀಹರಿಕೋಟಾದ ಸತೀಶ್ ಧವನ್ ಬಾಹ್ಯಾಕಾಶ ಕೇಂದ್ರದಲ್ಲಿ ಉಡಾವಣೆ ನಡೆಯಲಿದೆ. ಕಾರ್ಟೊಸ್ಯಾಟ್–2 ಈ ಕಾರ್ಯಾಚರಣೆಯ ಮುಖ್ಯ ಉಪಗ್ರಹವಾಗಿದೆ. ಇದರ ಜತೆಯಲ್ಲೇ ಇನ್ನೂ 30 ಉಪಗ್ರಹಗಳನ್ನು ಪಿಎಸ್‌ಎಲ್‌ವಿ–ಸಿ40 ಬಾಹ್ಯಾಕಾಶಕ್ಕೆ ಹೊತ್ತೊಯ್ಯಲಿದೆ. ಆ 30ರಲ್ಲಿ 28 ವಿದೇಶಿ ಉಪಗ್ರಹಗಳಾಗಿವೆ.

ಉಡಾವಣೆಗೆ ಕ್ಷಣಗಣನೆ

ಕೊಯಮತ್ತೂರಿನಲ್ಲಿ ಶನಿವಾರ ಆಯೋಜಿಸಿದ್ದ ಕೋವೈ ಉತ್ಸವಕ್ಕಾಗಿ ಬಣ್ಣಬಣ್ಣದ ಛತ್ರಿಗಳಿಂದ ಸಿಂಗರಿಸಿದ್ದ ರಸ್ತೆಯೊಂದರಲ್ಲಿ ದ್ವಿಚಕ್ರ ವಾಹನ ಸಾಗಿದಾಗ ಕಂಡ ದೃಶ್ಯ –ಪಿಟಿಐ ಚಿತ್ರ

ಕೋವೈ ಉತ್ಸವ

ಸಿಖ್ಖರ ಧರ್ಮಗುರು ಗುರು ಗೋವಿಂದ್ ಸಿಂಗ್‌ ಅವರ 351ನೇ ಜನ್ಮದಿನದ ಅಂಗವಾಗಿ ಜಮ್ಮುವಿನ ಗುರುದ್ವಾರವೊಂದರಲ್ಲಿ ಭಕ್ತರು ಪ್ರಾರ್ಥನೆ ಸಲ್ಲಿಸಿದರು. –ಪಿಟಿಐ ಚಿತ್ರ

ನಮನ

ಗದಗ ಜಿಲ್ಲೆಯ ಲಕ್ಷ್ಮೇಶ್ವರದ ಸೋಮೇಶ್ವರ ದೇವಸ್ಥಾನದ ಆವರಣದಲ್ಲಿ ಪುಲಿಗೆರೆ ಉತ್ಸವದ ಅಂಗವಾಗಿ ಶುಕ್ರವಾರ ನಡೆದ ಉದಯರಾಗ ಸಂಗೀತ ಕಾರ್ಯಕ್ರಮದಲ್ಲಿ ಬಸವರಾಜ ಭಜಂತ್ರಿ ಶಹನಾಯಿ ನುಡಿಸಿದರು. ಅವರಿಗೆ ಶಶಿಧರ ಭಜಂತ್ರಿ ಮತ್ತು ಮಂಜುನಾಥ ಭಜಂತ್ರಿ ಸಾಥ್ ನೀಡಿದರು. ಶಶಿಕಾಂತ ಕುಲಕರ್ಣಿ ತಬಲಾ ಸಾಥ್‌ ನೀಡಿದರು.

ಪುಲಿಗೆರೆ ಉತ್ಸವ...

ಗಡಿಯಲ್ಲಿ ಪಾಕಿಸ್ತಾನ ಸೇನೆ ನಡೆಸಿದ ಗುಂಡಿನ ದಾಳಿಯಲ್ಲಿ ಮೃತಪಟ್ಟ ಗಡಿ ಭದ್ರತಾ ಪಡೆ ಹೆಡ್‌ ಕಾನ್‌ಸ್ಟೆಬಲ್‌ ಆರ್‌.ಪಿ ಹಜರಾ ಅವರ ಅಂತ್ಯಕ್ರಿಯೆಗೆ ಮುನ್ನ ಅಧಿಕಾರಿಗಳು ಶವಪೆಟ್ಟಿಗೆ ಹೊತ್ತು ಸಾಂಬದಲ್ಲಿ ಗುರುವಾರ ಮೆರವಣಿಗೆಯಲ್ಲಿ ಸಾಗಿದರು. –ಪಿಟಿಐ ಚಿತ್ರ

ಅಂತಿಮ ನಮನ

ಸಿದ್ಧಗಂಗಾ ಮಠದಲ್ಲಿ ಸಿದ್ಧಗಂಗಾ ಮಠಾಧೀಶ ಶಿವಕುಮಾರ ಸ್ವಾಮೀಜಿ ಅವರಿಗೆ ಸುವರ್ಣ ಆಚರಣೆ ಸಂಭ್ರಮದ ಅಂಗವಾಗಿ  ಬೆಂಗಳೂರು ಪ್ರೆಸ್‌ ಕ್ಲಬ್‌ ವತಿಯಿಂದ ಬುಧವಾರ ’ಶತಮಾನದ ಶ್ರೀಗಳು’ ಪ್ರಶಸ್ತಿ  ನೀಡಿ ಗೌರವಿಸಲಾಯಿತು. ಪ್ರಶಸ್ತಿಯು ಸ್ಮರಣಿಕೆ, ಫಲಕ ಒಳಗೊಂಡಿದೆ. ಪ್ರೆಸ್‌ಕ್ಲಬ್ ಕಾರ್ಯಕಾರಿ ಸಮಿತಿ ಸದಸ್ಯರಾದ  ಎಚ್‌.ಜಿ.ವಿರೂಪಾಕ್ಷಯ್ಯ, ಮೋಹನ್ ಕುಮಾರ್ ಸಾವಂತ್‌, ಕಾರ್ಯದರ್ಶಿ ಎಚ್‌.ವಿ.ಕಿರಣ್‌, ಉಪಾಧ್ಯಕ್ಷ ದೊಡ್ಡಬೊಮ್ಮಯ್ಯ, ಅಧ್ಯಕ್ಷ ಸದಾಶಿವ ಶೆಣೈ, ಕಾರ್ಯಕಾರಿಣಿ ಸದಸ್ಯ ಬಿ.ನಾರಾಯಣ ಇದ್ದಾರೆ.

ಸಿದ್ದಗಂಗಾ ಶ್ರೀಗಳಿಗೆ ಶತಮಾನದ ಶ್ರೀ ಪ್ರಶಸ್ತಿ

ವೆಂಕಟಪ್ಪ ಆರ್ಟ್‌ ಗ್ಯಾಲರಿಯಲ್ಲಿ ಮಂಗಳವಾರ ಆಯೋಜಿಸಿದ್ದ ‘ದಿ ಕ್ಯುನರಿ ಷೋ’ ಚಿತ್ರಕಲಾ ಪ್ರದರ್ಶನದಲ್ಲಿ ಕಲಾವಿದರಾದ ಶ್ಯಾಮಲಾ ಗುರುಪ್ರಸಾದ್, ದಿವ್ಯಾ ಎಂ.ಗೋಪಾಲಕೃಷ್ಣ, ಮನಸ್ವಿನಿ ಎಲ್. ಭಟ್ ಅವರು ಚಿತ್ರಗಳನ್ನು ವೀಕ್ಷಿಸಿದರು   –ಪ್ರಜಾವಾಣಿ ಚಿತ್ರ

‘ದಿ ಕ್ಯುನರಿ ಷೋ’ ಚಿತ್ರಕಲಾ ಪ್ರದರ್ಶನ

 ಸವದತ್ತಿಯ ಯಲ್ಲಮ್ಮನ ಗುಡ್ಡದಲ್ಲಿ ನೆರೆದ ಲಕ್ಷಾಂತರ ಭಕ್ತರು, ದೇವಿಗೆ ಮೀಸಲು ಅಡುಗೆ ಮಾಡಿ ಅರ್ಪಿಸಿ ದರ್ಶನ ಪಡೆದರು.

ಯಲ್ಲಮ್ಮನ ಗುಡ್ಡದಲ್ಲಿ ಮೀಸಲು ಅಡುಗೆ

 ಬಾಗಲಕೋಟೆ ಜಿಲ್ಲೆ ಬಾದಾಮಿ ತಾಲ್ಲೂಕು ಬನಶಂಕರಿಯಲ್ಲಿ ಬನದ ಹುಣ್ಣಿಮೆ ದಿನವಾದ ಮಂಗಳವಾರ ಭಕ್ತರ ಜಯಘೋಷಗಳೊಂದಿಗೆ ವಿಜೃಂಭಣೆಯಿಂದ ನಡೆದ ಬನಶಂಕರಿ ದೇವಿ ರಥೋತ್ಸವ.

ಬನದ ಹುಣ್ಣಿಮೆಯಂದು ಬನಶಂಕರಿ ತೇರು...

ಸೋಮವಾರ ಅಹಮದಾಬಾದ್‌ನ ಗುರುಕುಲವೊಂದರ ವಿದ್ಯಾರ್ಥಿಗಳು ಮೇಘ ಮಾಲಾ ಹಬ್ಬದ ಅಂಗವಾಗಿ ಪವಿತ್ರ ‘ಮಾಘ ಸ್ನಾನ’ ಮಾಡಿದರು. –ಪಿಟಿಐ ಚಿತ್ರ

ಮಾಘ ಸ್ನಾನ

2017ರ ಕೊನೆಯ ಸೂರ್ಯಾಸ್ತದ ವೇಳೆ, ಬಳ್ಳಾರಿ ಹೊರವಲಯದ ಬೆಳಗಲ್‌ ತಾಂಡಾ ಸಮೀಪ ಕಂಡುಬಂದ ಬಾಲಕಿಯರ ಹಗ್ಗದಾಟದ ಸಂಭ್ರಮ       ಚಿತ್ರ: ಟಿ.ರಾಜನ್

2017ರ ಕೊನೆಯ ಸೂರ್ಯಾಸ್ತ

2017ರ ಕೊನೆಯ ಸೂರ್ಯಾಸ್ತದ ವೇಳೆ ಬಳ್ಳಾರಿ ಹೊರವಲಯದ ಬೆಳಗಲ್‌ ತಾಂಡಾ ಸಮೀಪ ಅಣ್ಣನ ಜೊತೆ ಸೈಕಲ್‌ ಏರಿದ ಚಿಣ್ಣನೊಬ್ಬ ಗಾಳಿಯಲ್ಲಿ ದಾರವನ್ನು ಆಡಿಸುತ್ತಿದ್ದರೆ, ಉಳಿದವರು ಸೈಕಲ್‌ ಹಿಂದೆ –ಮುಂದೆ ಸಾಗಿದ್ದರು.

2017ರ ಕೊನೆಯ ಸೂರ್ಯಾಸ್ತ

ಕೊಚ್ಚಿಯ ಪುಥುಕ್ಕಲವಟ್ಟಂನಲ್ಲಿ ಭಾನುವಾರ ದೀಪ ಬೆಳಗಿ 2018 ಹೊಸ ವರ್ಷ ಆಚರಿಸಲಾಯಿತು. –ಪಿಟಿಐ ಚಿತ್ರ

ಹೊಸ ವರ್ಷ ಆಚರಣೆ

ಆಸ್ಟ್ರೇಲಿಯಾ ಸಿಡ್ನಿ ಹಾರ್ಬರ್‌ನಲ್ಲಿರುವ ಸಿಡ್ನಿ ಒಪೆರಾ ಹೌಸ್‌ನ ಸಮೀಪ ಭಾನುವಾರ ಸಿಡಿಮದ್ದು ಸಿಡಿಸಿ ಹೊಸವರ್ಷ ಸ್ವಾಗತಿಸಲಾಯಿತು. ರಾಯಿಟರ್ಸ್‌ ಚಿತ್ರ

ಹೊಸ ವರ್ಷಕ್ಕೆ ಸ್ವಾಗತ

ರಾಷ್ಟ್ರಕವಿ ಕುವೆಂಪು ಅವರ ಕಲ್ಪನೆಯಂತೆ ಹಕ್ಕಿಗಳ ರೂಪದೀ ‘ದೇವರು ರುಜು ಮಾಡಿದನು’ ಕವನವನ್ನು ನೆನಪಿಸುವಂತೆ ಆಗಸದಲ್ಲಿ ಚಂದ್ರಮ ಹಿನ್ನೆಲೆಯಾಗಿ, ಹಕ್ಕಿಗಳ ಹಿಂಡು ಸಾಗಿದ ಪರಿ ಇದು. ಈ ದೃಶ್ಯ ಸೆರೆಯಾಗಿದ್ದು, ಶನಿವಾರ ಅಸ್ಸಾಂ ನ ನಾಗಾನ್‌ನಲ್ಲಿ. ಪಿಟಿಐ ಚಿತ್ರ

ದೇವರು ರುಜು ಮಾಡಿದನು...