ಹಿಂದಿ ಭಾಷೆಯ ಕಲಿಕೆಗೆ ಸಂಬಂಧಿಸಿದಂತೆ ನಮ್ಮ ಶಿಕ್ಷಣ ಇಲಾಖೆಯೇ ಪರೀಕ್ಷೆಗಳನ್ನು ನಡೆಸಿ, ಹಿಂದಿ ಭಾಷಾ ಪ್ರವೀಣ, ಭಾಷಾ ರತ್ನ, ಭಾಷಾ ವಿದ್ವಾನ್, ಹಿಂದಿ ಭಾಷಾ ವಿಶಾರದ ಮುಂತಾದ ಪ್ರಮಾಣಪತ್ರಗಳನ್ನು ನೀಡುತ್ತದೆ. ಈ ಕೋರ್ಸ್ಗಳು ಪದವಿಗೆ ಸಮನಾದವು ಎಂದು ಪರಿಗಣಿಸಿ, ಅವುಗಳ ಆಧಾರದ ಮೇಲೆ ‘ಹಿಂದಿ ಶಿಕ್ಷಕ’ ಎಂಬ ಬಿಇಡಿಗೆ ಸಮಾನವಾದ 9 ತಿಂಗಳ ತರಬೇತಿಯನ್ನು ನೀಡಿ ಪ್ರಮಾಣಪತ್ರವನ್ನು ಸಹ ಕರ್ನಾಟಕ ಪ್ರೌಢ ಶಿಕ್ಷಣ ಪರೀಕ್ಷಾ ಮಂಡಳಿ ನೀಡಿರುತ್ತದೆ.