ವೈದ್ಯ ವೃತ್ತಿಯಿಂದ ಆತ್ಮತೃಪ್ತಿ

ಸೋಮವಾರ, ಜೂಲೈ 22, 2019
27 °C

ವೈದ್ಯ ವೃತ್ತಿಯಿಂದ ಆತ್ಮತೃಪ್ತಿ

Published:
Updated:

ಗುಲ್ಬರ್ಗ: ಸಮಾಜ ಸೇವೆಗೆ ಅವಕಾಶ ಒದಗಿಸುವ ವೈದ್ಯಕೀಯ ವೃತ್ತಿ ತುಂಬಾ ಪವಿತ್ರವಾದುದು. ರೋಗದಿಂದ ಬಳಲುವವರನ್ನು ನಗು ನಗುತ್ತಾ ಬದಕುವಂತೆ ಮಾಡುವ ವೈದ್ಯ ವೃತ್ತಿಯಿಂದ ಆತ್ಮತೃಪ್ತಿ ಸಿಗುತ್ತದೆ ಎಂದು ಡಾ. ಮಾಣಿಕರಾವ ಪಾಟೀಲ ಅಭಿಪ್ರಾಯ ಪಟ್ಟರು.



ಗುಲ್ಬರ್ಗ ಲಯನ್ಸ್ ಕ್ಲಬ್ ಇಂಟರ್‌ನ್ಯಾಷನಲ್ ಆಯೋಜಿಸಿದ್ದ ವಿಶ್ವ ವೈದ್ಯ ದಿನಾಚರಣೆ ಸಮಾರಂಭದಲ್ಲಿ ಮಾತನಾಡಿದರು. ವೈದ್ಯರ ಪಾಲಿಗೆ ಜನಸೇವೆಯೆ ಜನಾರ್ದನ ಸೇವೆ ಆಗಿರುತ್ತದೆ. ಸಮಾಜವು ವೈದ್ಯ ವೃತ್ತಿಯನ್ನು ಕೊಂಡಾಡುತ್ತದೆ ಎಂದರು.



ಲಯನ್ಸ್ ಕ್ಲಬ್ ಅಧ್ಯಕ್ಷ ಡಾ. ರಾಮಕೃಷ್ಣ ರೆಡ್ಡಿ ಮಾತನಾಡಿ, `ವೈದ್ಯರಿಗೆ ಜನಪರ ಕಾಳಜಿ ಇರುತ್ತದೆ. ಸಮಾಜಕ್ಕೆ ಅವರ ಸೇವೆ ಅನನ್ಯ. ಮನುಷ್ಯನ ಹುಟ್ಟು-ಸಾವಿಗೆ ದೇವರೆ ಕಾರಣ ಎಂದು ತಿಳಿಯಲಾಗುತ್ತದೆ. ಹುಟ್ಟು-ಸಾವಿನ ಮಧ್ಯೆ ವೈದ್ಯರು ದೇವರ ಪ್ರತಿನಿಧಿಗಳಂತೆ ಮನುಷ್ಯನ ಆರೋಗ್ಯ ಕಾಪಾಡುವ ಕೆಲಸ ಮಾಡುತ್ತಾರೆ~ ಎಂದರು.

 

ಡಾ. ವಿ.ಸಿ. ಮೈಲಾಪುರ, ಡಾ. ಸುರೇಶ ಜಿ. ನವಣಿ, ಡಾ. ಮಧುಸೂದನ ಜಾಜಿ ಅವರನ್ನು ಸನ್ಮಾನಿಸಲಾಯಿತು. ಅಮೆರಿಕಕ್ಕೆ ಪ್ರಯಾಣ ಬೆಳೆಸುತ್ತಿರುವ ಡಾ. ವಿ.ಸಿ. ಮೈಲಾಪುರ ದಂಪತಿಗೆ ಆತ್ಮೀಯ ಬೀಳ್ಕೊಡುಗೆ ನೀಡಲಾಯಿತು.



ಅವಿನಾಶ ಭೋರಗಾಂವಕರ, ರಾಮಗೋಪಾಲ ಮಾಲು, ಡಾ. ಜಯಕಿಶನ ಠಾಕೂರ, ಎಸ್.ಎಸ್. ಕುಮ್ಮಣ್ಣ, ಜೀರಗಿ, ನಾಡಗೌಡ, ಓಂಪ್ರಕಾಶ, ಮಲ್ಲಣ್ಣ ರೆಡ್ಡಿ ಮತ್ತಿತರರು ಹಾಜರಿದ್ದರು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry