ಗದಗ್‌ ಬಾಲಕಿಯ ಅಪಹರಣ ಯತ್ನ?

7
ರೈಲಿನಲ್ಲಿ ಬಂದ ಬಾಲೆಯನ್ನು ರಕ್ಷಿಸಿದ ರೈಲ್ವೆ ಪೊಲೀಸರು

ಗದಗ್‌ ಬಾಲಕಿಯ ಅಪಹರಣ ಯತ್ನ?

Published:
Updated:

ಬಾಗಲಕೋಟೆ: ಗದಗ ನಗರದಿಂದ ಭಾನುವಾರ ರಾತ್ರಿ ಕಾಣೆಯಾಗಿದ್ದ 11 ವರ್ಷದ ಬಾಲಕಿಯನ್ನು ಇಲ್ಲಿನ ರೈಲ್ವೆ ಸುರಕ್ಷಾ ದಳದ ಪೊಲೀಸರು ಸೋಮವಾರ ರಕ್ಷಿಸಿದ್ದಾರೆ.

ಗದಗ ನಗರದಿಂದ ಸೊಲ್ಲಾಪುರಕ್ಕೆ ಹೊರಟಿದ್ದ ರೈಲಿನಲ್ಲಿ ಬಂದ ಬಾಲಕಿಯನ್ನು ರೈಲ್ವೆ ಪೊಲೀಸರು ಬಾಗಲಕೋಟೆಯಲ್ಲಿ ರಕ್ಷಣೆ ಮಾಡಿ ಪೋಷಕರ ವಶಕ್ಕೆ ಒಪ್ಪಿಸಿದ್ದಾರೆ. ಮಗಳು ಕಾಣೆಯಾಗಿರುವ ಬಗ್ಗೆ ಪೋಷಕರು ಅಲ್ಲಿನ ನಗರ ಠಾಣೆಯಲ್ಲಿ ದೂರು ದಾಖಲಿಸಿದ್ದರು.

ಅಪಹರಣ ಪ್ರಯತ್ನ?: ’ಮೂವರು ಅಪರಿಚಿತರು ಬಿಸ್ಕಿಟ್‌ನಲ್ಲಿ ಮತ್ತು ಬರಿಸುವ ಔಷಧಿ ಕೊಟ್ಟು ರಾತ್ರಿ ಮನೆಯಿಂದ ಅಪಹರಿಸಿಕೊಂಡು ರೈಲು ನಿಲ್ದಾಣಕ್ಕೆ ಕರೆತಂದಿದ್ದರು. ಹೀಗೆ ಕರೆತರುವಾಗ ಬಾಯಿಗೆ ಬಟ್ಟೆ ಕಟ್ಟಲಾಗಿತ್ತು. ರೈಲು ನಿಲ್ದಾಣದಲ್ಲಿ ನನಗೆ ಎಚ್ಚರವಾಯಿತು. ಅವರಲ್ಲಿ ಇಬ್ಬರು ಬಳ್ಳಾರಿ ಕಡೆಗೆ ತೆರಳುವ ರೈಲು ಹತ್ತಿಕೊಂಡು ಹೋದರು. ಒಬ್ಬ ನನಗೆ ಚಾಕು ತೋರಿಸಿ ಕಿರುಚದಂತೆ ಬೆದರಿಸಿ ಬಾಗಲಕೋಟೆ ಕಡೆಗೆ ಹೊರಟ ರೈಲಿನಲ್ಲಿ ಕರೆತಂದನು. ಇಲ್ಲಿನ ರೈಲು ನಿಲ್ದಾಣದಲ್ಲಿ ಪೊಲೀಸರು ಇರುವ ಸುಳಿವು ಅರಿತು ನನ್ನನ್ನು ಬಿಟ್ಟು ರೈಲು ನಿಲ್ಲುತ್ತಿದ್ದಂತೆಯೇ ಹಾರಿ ಓಡಿಹೋದನು’ ಎಂದು ಬಾಲಕಿ ರೈಲ್ವೆ ಪೊಲೀಸರಿಗೆ  ಹೇಳಿದ್ದಾಳೆ ಎಂದು ತಿಳಿದುಬಂದಿದೆ. 

ಗದಗ ಪೊಲೀಸರ ಮೂಲಕ ಆಕೆಯ ಪೋಷಕರನ್ನು ಸಂಪರ್ಕಿಸಿ ಬಾಗಲಕೋಟೆಗೆ ಕರೆಸಿದ ರೈಲ್ವೆ ಪೊಲೀಸರು, ಅವರೊಂದಿಗೆ ಕಳುಹಿಸಿಕೊಟ್ಟರು.

 

Tags: 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !