ಸ್ವರ್ಣ ರೈಲು ಸ್ಥಗಿತ: ಪರ್ಯಾಯ ವ್ಯವಸ್ಥೆಗೆ ಕ್ರಮ

7
ಸಂಸದ ಕೆ.ಎಚ್.ಮುನಿಯಪ್ಪ ಹೇಳಿಕೆ

ಸ್ವರ್ಣ ರೈಲು ಸ್ಥಗಿತ: ಪರ್ಯಾಯ ವ್ಯವಸ್ಥೆಗೆ ಕ್ರಮ

Published:
Updated:

ಕೋಲಾರ: ‘ಬೆಂಗಳೂರಿನಿಂದ ಕೆಜಿಎಫ್‌ಗೆ ಸ್ಥಗಿತಗೊಂಡಿರುವ ಸ್ವರ್ಣರ ರೈಲು ಸಂಚಾರ ಸೇವೆಯ ಬದಲು ಪರ್ಯಾಯ ವ್ಯವಸ್ಥೆ ಕಲ್ಪಿಸಲು ಒಂದುವಾರದೊಳೆ ಕ್ರಮಕೈಗೊಳ್ಳಲಾಗುವುದು’ ಎಂದು ಸಂಸದ ಕೆ.ಎಚ್.ಮುನಿಯಪ್ಪ ತಿಳಿಸಿದರು.

ನಗರದಲ್ಲಿ ಬುಧವಾರ ಸುದ್ದಿಗಾರರೊಂದಿಗೆ ಮಾತನಾಡಿ, ‘ಹೊಸದಾಗಿ ಮೆಮೂ ರೈಲು ಸಂಚಾರ ಆರಂಭಿಸಿರುವುದರಿಂದ ಸ್ವರ್ಣ ರೈಲು ಸ್ಥಗಿತಗೊಂಡಿದೆ. ಇದರಿಂದ ಪ್ರಯಾಣಿಕರಿಗೂ ತೊಂದರೆಯಾಗುತ್ತಿದ್ದು, ಅಗತ್ಯ ಕ್ರಮಕೈಗೊಳ್ಳಲಾಗುವುದು’ ಎಂದು ಹೇಳಿದರು.

‘ಕೆಜಿಎಫ್ ಭಾಗದ ದಿನಗೂಲಿ ನೌಕರರ ಪ್ರಯಾಣಕ್ಕಾಗಿ ಪರ್ಯಾಯ ಕಲ್ಪಿಸಬೇಕಾಗಿರುವುದು ನಮ್ಮ ಜವಾಬ್ದಾರಿ. ಎರಡು ಮೆಮೂ ರೈಲುನ್ನು ಓಡಿಸಬೇಕಾ ಅಥವಾ ಸ್ವರ್ಣ ಮತ್ತು ಮೆಮೂ ಎರಡನ್ನೂ ಓಡಿಸಬೇಕಾ ಎನ್ನುವ ಬಗ್ಗೆ ವಾರದ ಒಳಗಾಗಿ ಜಾರ್ಜ್ ಅವರೊಂದಿಗೆ ಸಭೆ ನಡೆಸಿ ಕ್ರಮಕೈಗೊಳ್ಳಲಾಗುವುದು’ ಎಂದು ವಿವರಿಸಿದರು.

‘ಮೆಮೂ ರೈಲು ಕೇಂದ್ರ ಮತ್ತು ರಾಜ್ಯ ಸರ್ಕಾರದ ಭಾಗಿತ್ವದಲ್ಲಿ ಅನುಷ್ಟಾನಗೊಂಡಿದ್ದು, ಶೇ.80ರಷ್ಟು ರಾಜ್ಯ ಮತ್ತು ಶೇ.20ರಷಟು ಕೇಂದ್ರ ಸರ್ಕಾರದ ಅನುದಾನ ವೆಚ್ಚ ಮಾಡಿದೆ. ಮೆಮೂ ರೈಲು 100 ಕಿಮೀ ಒಳಗೆ ಹಾಗು ಬೆಂಗಳೂರಿನಿಂದ ಹೊರಗೆ ಓಡಾಡಬೇಕಿದೆ’ ಎಂದರು.

ಸ್ವರ್ಣ ರೈಲು 4 ಸಾವಿರ ಪ್ರಯಾಣಿಕರನ್ನು ಕರೆದೊಯ್ಯುವ ಸಾಮಥ್ರ್ಯ ಹೊಂದಿದ್ದು, ಮೆಮೂರೈಲು 1500 ಮಂದಿಯನ್ನು ಕರೆದೊಯ್ಯುವ ಸಾಮಥ್ರ್ಯಹೊಂದಿದೆ. ಹೀಗಾಗಿ ಪ್ರಯಾಣಿಕರಿಗೆ ತೊಂದರೆಯಾಗಿದ್ದು, ಪರ್ಯಾಯ ವ್ಯವಸ್ಥೆಯನ್ನು ಮಾಡಬೇಕು ಎಂದು ಈಗಾಗಲೇ ಸಂಬಂಧಪಟ್ಟ ಅಧಿಕಾರಿಗಳಿಗೂ ಮನವಿ ಸಲ್ಲಿಸಲಾಗಿದೆ ಎಂದು ತಿಳಿಸಿದರು.

‘ಕೆಸಿವ್ಯಾಲಿ ಸಂಬಂಧ ಈಗಾಗಲೇ ಜಿಲ್ಲಾ ಉಸ್ತುವಾರಿ ಸಚಿವ ಕೃಷ್ಣಬೈರೇಗೌಡರು ಇತ್ತೀಚಿಗೆ ಅಧಿಕಾರಿಗಳೊಂದಿಗೆ ಸಭೆ ನಡೆಸಿದ್ದಾರೆ. ಹೈಕೋರ್ಟ್‌ನಲ್ಲಿರುವಾಗ ನಾವು ಮಾತನಾಡುವುದು ಸರಿಯಲ್ಲ. ನೀರನ್ನು ಮೂರು ಭಾರಿ ಶುದ್ಧೀಕರಣ ಮಾಡಿ ಹರಿಸಬೇಕು ಎನ್ನುವ ಅಭಿಪ್ರಾಯಗಳನ್ನು ತಿಳಿಸಲಾಗಿದದು, ಶೀಘ್ರವಾಗಿ ನೀರನ್ನು ಹರಿಸಲು ಎಲ್ಲ ಸಿದ್ಧತೆಗಳನ್ನು ಮಾಡಲಾಗುತ್ತದೆ’ ಎಂದು ತಿಳಿಸಿದರು.

Tags: 

ಬರಹ ಇಷ್ಟವಾಯಿತೆ?

  • 0

    Happy
  • 1

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !