ಪೀಣ್ಯ: ಜನೌಷಧಿ ಕೇಂದ್ರ ಪ್ರಾರಂಭ

7

ಪೀಣ್ಯ: ಜನೌಷಧಿ ಕೇಂದ್ರ ಪ್ರಾರಂಭ

Published:
Updated:
Prajavani

ಪೀಣ್ಯ ದಾಸರಹಳ್ಳಿ: ಇಲ್ಲಿನ ಬೈಲಪ್ಪ ಸರ್ಕಲ್ ಬಳಿ ಪ್ರಧಾನಮಂತ್ರಿ ಜನೌಷಧಿ ಕೇಂದ್ರವನ್ನು ಕೇಂದ್ರ ಸಚಿವ ಡಿ.ವಿ.ಸದಾನಂದಗೌಡ ಹಾಗೂ ನಗರ ಜಿಲ್ಲಾ ಬಿಜೆಪಿ ಅಧ್ಯಕ್ಷ ಎಸ್.ಮುನಿರಾಜು ಉದ್ಘಾಟಿಸಿದರು.

ಬಳಿಕ ಸದಾನಂದಗೌಡ ಮಾತನಾಡಿ, ‘ಈ ಕೇಂದ್ರದಲ್ಲಿ 805 ವಿವಿಧ ಔಷಧಗಳಿವೆ. ಅತಿ ಕಡಿಮೆ ಎಂದರೆ ಶೇ 10 ರಿಂದ ಶೇ 80ರಷ್ಟು ರಿಯಾಯಿತಿ ದರದಲ್ಲಿ ಸುಲಭವಾಗಿ ಸಿಗಲಿವೆ. ಔಷಧಿಯ ಗುಣಮಟ್ಟವನ್ನು ತನಿಖೆಯಿಂದ ಪರಿಶೀಲನೆ ಮಾಡಲಾಗಿದೆ. ಗುಣಮಟ್ಟದಲ್ಲಿ ಯಾವುದೇ ವ್ಯತ್ಯಾಸವಿಲ್ಲ. ಎಲ್ಲರೂ ಇದರ ಸದುಪಯೋಗ ಪಡೆದುಕೊಳ್ಳಬೇಕು' ಎಂದರು.

ಎಸ್.ಮುನಿರಾಜು ಮಾತನಾಡಿ 'ದಾಸರಹಳ್ಳಿಗೆ ಇದು ಮೊದಲನೇ ಜನೌಷಧಿ ಕೇಂದ್ರವಾಗಿದೆ. ಈ ಭಾಗದಲ್ಲಿ ಕಾರ್ಮಿಕರು ಹಾಗೂ ಹಿಂದುಳಿದ ಬಡಜನರು ಸಾಕಷ್ಟು ಇದ್ದು ಇದರ ಸದುಪಯೋಗ ಪಡೆದುಕೊಳ್ಳಬೇಕು. ಈ ಕ್ಷೇತ್ರದಲ್ಲಿ ಇನ್ನೂ ಹತ್ತಾರು ಕಡೆ ಕೇಂದ್ರಗಳನ್ನು ತೆರೆಯಲಾಗುತ್ತದೆ' ಎಂದರು.

ಪಾಲಿಕೆ ಸದಸ್ಯರಾದ ಎನ್.ಲೋಕೇಶ್, ಉಮಾದೇವಿ ನಾಗರಾಜ್, ಯುವಮೋರ್ಚಾ ಅಧ್ಯಕ್ಷ ಸತೀಶ್, ಬಿಜೆಪಿ ಮುಖಂಡರಾದ ಎಂ.ಸಿದ್ದರಾಜು, ಬಿ.ಎಂ.ನಾರಾಯಣ್, ಬಿ.ಟಿ.ಶ್ರೀನಿವಾಸ್, ಆರ್.ಸಿ.ದೊರೆ ಇದ್ದರು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !