ಇರುವೆ ಇರುವೆ ಬಾ ಇರುವೆ
ಎಲ್ಲಿ ನೀನು ಅಡಗಿರುವೆ
ಸರತಿ ಸಾಲಲಿ ಚಲಿಸುವ ನಿನ್ನಯ
ಶಿಸ್ತಿನ ಜೀವನ ಕಲಿಸು ಇರುವೆ
ಸಕ್ಕರೆ ತುಂಡು ಎಲ್ಲೇ ಬಿದ್ದರೂ
ಅಲ್ಲಿಗೆ ನೀನು ಓಡಿ ಬರುವೆ
ಯಾರು ನಿನಗೆ ಮಾಹಿತಿ ಕೊಡುವರು
ಇದಕೆ ನಾ ಬೆರಗಾಗಿರುವೆ…!
ತೂಕಕೂ ಹೆಚ್ಚು ಭಾರ ಹೊರುವೆ
ಗೂಡಲಿ ಆಹಾರ ಶೇಖರಿಸಿಡುವೆ
ನಿನ್ನಯ ಶಕ್ತಿಯ ಗುಟ್ಟನು ತಿಳಿಯುವ
ಕಾತುರ ಬಾ ಬಾ ಓ ಇರುವೆ
ಗುಂಪಲಿ ನೀನು ಬದುಕಿರುವೆ
ಒಗ್ಗಟ್ಟಿನ ಬಲವ ತೋರಿರುವೆ
ಜಾತಿ ಭೇದದಿ ಬಡಿದಾಡುತಿರುವ
ಮನುಜಗೆ ಬುದ್ಧಿ ಹೇಳು ಇರುವೆ...!
ನಿನ್ನಯ ಪಾಡಿಗೆ ನಿನ್ನನು ಬಿಟ್ಟರೆ
ಯಾರಿಗೂ ತೊಂದರೆ ಕೊಡದಿರುವೆ
ನಿನ್ನನು ತುಳಿದು ನೋವನು ಕೊಟ್ಟರೆ
ಕಚ್ಚಿ ಮರಳಿ ಉತ್ತರ ಕೊಡುವೆ...!
ಆ ಮನೆ ಈ ಮನೆ ಭೇದವು ಇಲ್ಲ
ಎಲ್ಲರ ಮನೆಯಲೂ ನೀನಿರುವೆ
ಭೇದ ಭಾವವ ಮಾಡುವ ಮನುಜಗೆ
ನಿನ್ನಯ ಗುಣವ ಕಲಿಸು ಇರುವೆ…!
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.