ADVERTISEMENT

ಕವಿತೆ: ಪ್ರೇಮ ಪ್ರಣತಿ

ಡಾ.ಜಿ.ಎಸ್.ಶಿವಪ್ರಸಾದ್
Published 20 ಮಾರ್ಚ್ 2021, 19:30 IST
Last Updated 20 ಮಾರ್ಚ್ 2021, 19:30 IST
ಸಾಂದರ್ಭಿಕ ಚಿತ್ರ
ಸಾಂದರ್ಭಿಕ ಚಿತ್ರ   

ಓ ಶ್ರೀಮತಿ, ಶ್ರೀಮತಿ
ನನ್ನೊಲವಿನ ಗೆಳತಿ
ಕ್ಷಮಿಸು ತಡವಾಗಿ ಹಚ್ಚುತ್ತಿರುವೆ
ಈ ಪ್ರೇಮದ ಪ್ರಣತಿ

ನಿನ್ನೊಲಿಸುವ ರಸಿಕ ಕವಿನಾನಲ್ಲ
ಆದರೂ ಚಂದ್ರಮುಖಿ ಎಂದೆನಲು
ನೀನೆಂದೆ; ‘ಈ ಹಳೆಯ ಕ್ಲೀಷೆ
ನನಗೆ ಬೇಕಿಲ್ಲ’.

ಗಂಗೆ ಯಮುನೆಗೆ ನಿನ್ನ
ಹೋಲಿಸಲು ಮುಂದಾದೆ
‘ಕಲ್ಮಶಗೊಂಡಿರುವ ನದಿ
ನಾನಾಗಲಾರೆ’ ನೀನೆಂದೆ

ADVERTISEMENT

ಬಳುಕುವ ಗುಲಾಬಿ
ಬಳ್ಳಿ ನೀನಲ್ಲವೇ ಎಂದೇ
‘ಚುಚ್ಚುವ ಮುಳ್ಳು ನನ್ನಲೆಲ್ಲಿದೆ’
ಮುನಿಸಿಂದ ನೀ ಬೆಂದೆ

ಸರಿ ಬಿಡು ಹೋಲಿಸುವುದೇಕೆ
ಇರುವಂತೆ ಇರಲಿ ನಿನ್ನ ಸ್ವಂತಿಕೆ
ನಿನ್ನ ಸಹಜ ನಿಲುವೇ
ನಿನ್ನೊಡಲ ಶ್ರೀಮಂತಿಕೆ

ನೀ ಹೇಗಿದ್ದರೂ ಸರಿಯೇ
ಸಾಕೆನಗೆ ನಿನ್ನ ಸಾಂತ್ವನ ಪ್ರೀತಿ
ಪ್ರೇಮ ಕವನಗಳಲ್ಲಷ್ಟೇ ಇರಲಿ
ಉಪಮೆಗಳು ಈ ರೀತಿ

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.