ಬಿಎಂಡಬ್ಲ್ಯು ಮೋಟಾರ್ಸ್‌ನ ಹೊಸ ಜಿ310ಆರ್‌, ಜಿ310ಜಿಎಸ್‌

ನವದೆಹಲಿ: ಬಿಎಂಡ‌ಬ್ಲ್ಯು ಮೋಟಾರ್ಸ್‌ ಕಂಪನಿಯು ಭಾರತದ ಮಾರುಕಟ್ಟೆಗೆ ತನ್ನ ಸುಧಾರಿತ ಜಿ310 ಆರ್‌ ಮತ್ತು ಜಿ310 ಜಿಎಸ್‌ ಬೈಕ್‌ಗಳನ್ನು ಬಿಡುಗಡೆ ಮಾಡಿದೆ. ಜಿ310 ಆರ್‌ ಬೆಲೆ ₹ 2.45 ಲಕ್ಷ ಹಾಗೂ ಜಿ310 ಜಿಎಸ್‌ ಬೆಲೆ ₹ 2.85 ಲಕ್ಷ ಇದೆ (ಎಕ್ಸ್‌ ಷೋರೂಂ).

ಜರ್ಮನಿಯ ಮ್ಯೂನಿಕ್‌‌ನಲ್ಲಿ 313 ಸಿಸಿ ಬೈಕ್‌ಗಳನ್ನು ಅಭಿವೃದ್ಧಿಪಡಿಸಿದ್ದು, ಟಿವಿಎಸ್‌ ಮೋಟರ್‌ ಕಂಪನಿಯ ಪಾಲುದಾರಿಕೆಯೊಂದಿಗೆ ಭಾರತದಲ್ಲಿ ತಮಿಳುನಾಡಿನ ಹೊಸೂರಿನಲ್ಲಿ ತಯಾರಿಸಲಾಗುತ್ತಿದೆ.

‘ಜಾಗತಿಕ ಮಟ್ಟದಲ್ಲಿ 500 ಸಿಸಿ ಒಳಗಿನ ವಿಭಾಗದಲ್ಲಿ ಜಿ 310 ಆರ್‌ ಮತ್ತು ಜಿ310 ಜಿಎಸ್‌ ಬೈಕ್‌ಗಳು ವಿಶಿಷ್ಟ ಸ್ಥಾನ ಪಡೆದುಕೊಂಡಿವೆ. ಈಗಿನ ಹೊಸ ಅವತಾರದಲ್ಲಿ ಎರಡೂ ಬೈಕ್‌ಗಳ ವಿನ್ಯಾಸದಲ್ಲಿ ಇನ್ನಷ್ಟು ಸುಧಾರಣೆ ಆಗಿದೆ. ಹೊಸ ತಂತ್ರಜ್ಞಾನ ಅಳವಡಿಕೆ ಹಾಗೂ ಅತ್ಯುತ್ತಮ ಸವಾರಿಯ ಅನುಭವ ನೀಡಲಿವೆ’ ಎಂದು ಬಿಎಂಡಬ್ಲ್ಯು ಗ್ರೂಪ್‌ ಇಂಡಿಯಾದ ಅಧ್ಯಕ್ಷ ವಿಕ್ರಂ ಪವಾಹ್‌ ಅವರು ತಿಳಿಸಿದ್ದಾರೆ.