ಹೊಸ ಬಿಎಂಡಬ್ಲ್ಯು ಆರ್‌18 ಬೈಕ್‌
ಬಿಎಂಡಬ್ಲ್ಯು ಮೋಟಾರ್‌ ಕಂಪನಿಯು ಹೊಸ ಆರ್‌18 ಮಾದರಿಯನ್ನು ಬಿಡುಗಡೆ ಮಾಡುವ ಮೂಲಕ ಭಾರತದಲ್ಲಿ ಕ್ರ್ಯೂಸರ್‌ ಬೈಕ್‌ ವಿಭಾಗಕ್ಕೆ ಕಾಲಿಟ್ಟಿದೆ.
ಹೊಸ ಬೈಕ್‌ 1,802 ಸಿಸಿ ಎಂಜಿನ್‌ ಹೊಂದಿದ್ದು, 6 ಸ್ಪೀಡ್‌ ಟ್ರಾನ್ಸ್‌ಮಿಷನ್‌ ಒಳಗೊಂಡಿದೆ. 1802 ಸಿಸಿ ಎಂಜಿನ್‌ 4,750 ಆರ್‌ಪಿಎಂ ನಲ್ಲಿ 91 ಎಚ್‌ಪಿ ಉತ್ಪಾದಿಸುವ ಸಾಮರ್ಥ್ಯ ಹೊಂದಿದೆ. ಇದರಲ್ಲಿ ರೈನ್‌, ರೋಲ್‌ ಮತ್ತು ರಾಕ್‌ ರೈಡಿಂಗ್‌ ಆಯ್ಕೆಗಳಿವೆ. ಹೊಸ ಬಿಎಂಡಬ್ಲ್ಯು ಆರ್‌ 18 ಬೆಲೆ ₹ 18,90,000 ಹಾಗೂ ಬಿಎಂಡಬ್ಲ್ಯು ಆರ್‌ 18 ಫರ್ಸ್ಟ್‌ ಎಡಿಷನ್‌ ಬೆಲೆ ₹ 21,90,000 ಇದೆ (ಎಕ್ಸ್‌ ಷೋರೂಂ)
‘ಕ್ರ್ಯೂಸರ್‌ ವಿಭಾಗದಲ್ಲಿ ಬಹುನಿರೀಕ್ಷಿತ ಬೈಕ್‌ ಇದಾಗಿದೆ. ಮೋಟರ್‌ಸೈಕಲಿಂಗ್‌ ಮಾಡುವ ಉತ್ಸಾಹಿಗಳು ಮತ್ತು ಬಿಎಂಡಬ್ಲ್ಯು ಫ್ಯಾನ್ಸ್‌ ಈ ಬೈಕ್‌ಗಾಗಿ ಕಾತರದಿಂದ ಎದುರು ನೋಡುತ್ತಿದ್ದರು’ ಎಂದು ಬಿಎಂಡಬ್ಲ್ಯು ಸಮೂಹದ ಅಧ್ಯಕ್ಷ ವಿಕ್ರಂ ಪವಾಹ್ ತಿಳಿಸಿದ್ದಾರೆ.
ಆಧುನಿಕ ತಂತ್ರಜ್ಞಾನದೊಂದಿಗೆ ಕ್ಲಾಸಿಕ್‌ ವಿನ್ಯಾಸವನ್ನು ಉಳಿಸಿಕೊಳ್ಳಲಾಗಿದ್ದು, ಬೈಕ್‌ ಆಕರ್ಷಕವಾಗಿದೆ. ಆರಾಮದಾಯಕ ದೂರದ ಪ್ರಯಾಣಕ್ಕೆ ಹೇಳಿ ಮಾಡಿಸಿದ್ದಾಗಿದೆ ಎಂದು ಕಂಪನಿ ತಿಳಿಸಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.