ಬೆಂಗಳೂರು: ಹುಂಡೈ ಮೋಟರ್ ಇಂಡಿಯಾ ಕಂಪನಿಯು ಮಂಗಳವಾರ ‘ಐ20 ಎನ್ ಲೈನ್’ ಕಾರನ್ನು ಅನಾವರಣಗೊಳಿಸಿದೆ. ಎನ್ ಲೈನ್ ಉತ್ಪನ್ನ ಶ್ರೇಣಿಯಲ್ಲಿ ದೇಶದಲ್ಲಿ ಬಿಡುಗಡೆ ಆಗುತ್ತಿರುವ ಮೊದಲ ಮಾದರಿ ಇದಾಗಿದ್ದು, ಈ ಮೂಲಕ ಸ್ಪೋರ್ಟ್ ಕಾರು ಬಯಸುವ ಗ್ರಾಹಕರನ್ನು ಸೆಳೆಯಲು ಕಂಪನಿ ಮುಂದಾಗಿದೆ.
ಸ್ಪೋರ್ಟಿ ಲುಕ್ ನೀಡಲುಮೋಟಾರ್ಸ್ಪೋರ್ಟ್ಸ್ನಿಂದ ಸ್ಪೂರ್ತಿ ಪಡೆದು ಕಾರಿನ ಹೊರಾಂಗಣ ಮತ್ತು ಒಳಾಂಗಣದಲ್ಲಿ ಬಹಳಷ್ಟು ಬದಲಾವಣೆಗಳನ್ನು ಮಾಡಲಾಗಿದೆ ಎಂದು ಕಂಪನಿ ತಿಳಿಸಿದೆ.
ಐ20 ಎನ್ ಲೈನ್ ಕಾರು 1 ಲೀಟರ್ ಪೆಟ್ರೋಲ್ ಟರ್ಬೊ ಜಿಐಡಿ ಎಂಜಿನ್ ಹೊಂದಿದ್ದು, 6 ಸ್ಪೀಡ್ ಇಂಟಲಿಜೆಂಟ್ ಮ್ಯಾನುಯಲ್ ಟ್ರಾನ್ಸ್ಮಿಷನ್ (ಐಎಂಟಿ) ಮತ್ತು 7 ಸ್ಪೀಡ್ ಡಿಸಿಟಿ ಟ್ರಾನ್ಸ್ಮಿಷನ್ ಆಯ್ಕೆಗಳನ್ನು ಒಳಗೊಂಡಿದೆ. ಆನ್ಲೈನ್ನಲ್ಲಿ ‘ಹುಂಡೈ ಕ್ಲಿಕ್ ಟು ಬೈ’ ಮೂಲಕ ಅಥವಾ ಹುಂಡೈ ಸಿಗ್ನೆಚರ್ ಡೀಲರ್ಶಿಪ್ಗಳ ಮೂಲಕ ₹ 25 ಸಾವಿರಕ್ಕೆ ಬುಕಿಂಗ್ ಮಾಡಬಹುದಾಗಿದೆ ಎಂದು ಕಂಪನಿ ತಿಳಿಸಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.