Scorpio-N| ಸ್ಕಾರ್ಪಿಯೊ–ಎನ್ ಜೂನ್ 27ಕ್ಕೆ ಅನಾವರಣ
ಮುಂಬೈ: ಮಹೀಂದ್ರ ಆ್ಯಂಡ್ ಮಹೀಂದ್ರ ಕಂಪನಿಯು ತನ್ನ ಹೊಸ ಎಸ್‌ಯುವಿ ‘ಸ್ಕಾರ್ಪಿಯೊ–ಎನ್’ಅನ್ನು ಜೂನ್ 27ರಂದು ಅನಾವರಣ ಮಾಡಲಿದೆ.
ಈಗ ಮಾರುಕಟ್ಟೆಯಲ್ಲಿ ಇರುವ ಸ್ಕಾರ್ಪಿಯೊ ವಾಹನವು ‘ಸ್ಕಾರ್ಪಿಯೊ ಕ್ಲಾಸಿಕ್’ ಹೆಸರಿನಲ್ಲಿ ಮುಂದುವರಿಯಲಿದೆ. ‘ಹೊಸ ಸ್ಕಾರ್ಪಿಯೊ–ಎನ್ ವಾಹನವು ಎಸ್‌ಯುವಿ ವಿಭಾಗದಲ್ಲಿ ಹೊಸ ಮಾನದಂಡಗಳನ್ನು ಸೃಷ್ಟಿಸುವ ನಿರೀಕ್ಷೆ ಇದೆ’ ಎಂದು ಕಂಪನಿಯ ಆಟೊಮೋಟಿವ್ ವಿಭಾಗದ ಅಧ್ಯಕ್ಷ ವಿಜಯ್ ನಕ್ರಾ ಹೇಳಿದ್ದಾರೆ.
ಹೊಸ ಎಸ್‌ಯುವಿ ಪೆಟ್ರೋಲ್ ಮತ್ತು ಡೀಸೆಲ್ ಎಂಜಿನ್ ಆಯ್ಕೆಗಳನ್ನು ಹೊಂದಿರಲಿದೆ. ಅಲ್ಲದೆ, ಮ್ಯಾನುವಲ್ ಹಾಗೂ ಆಟೊಮ್ಯಾಟಿಕ್ ಆಯ್ಕೆಗಳೂ ಇದರಲ್ಲಿ ಇರಲಿವೆ.
ಈ ಎಸ್‌ಯುವಿಯನ್ನು ಚೆನ್ನೈ ಸಮೀಪದ ಮಹೀಂದ್ರ ರಿಸರ್ಚ್‌ ವ್ಯಾಲಿಯಲ್ಲಿ, ಅಮೆರಿಕದ ಮಹೀಂದ್ರ ತಾಂತ್ರಿಕ ಕೇಂದ್ರದಲ್ಲಿ ಹಾಗೂ ಮುಂಬೈನಲ್ಲಿ ಇರುವ ಮಹೀಂದ್ರ ಡಿಸೈನ್ ಸ್ಟುಡಿಯೊದಲ್ಲಿ ವಿನ್ಯಾಸಗೊಳಿಸಲಾಗಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.