ವಾಹನ ಬಿಡಿಭಾಗ ಉದ್ಯಮ: ಶೇ 23ರಷ್ಟು ವರಮಾನ ಹೆಚ್ಚಳ
Published 26 ಜುಲೈ 2021, 14:14 IST
ಸಾಂದರ್ಭಿಕ ಚಿತ್ರ
ನವದೆಹಲಿ: ದೇಶದ ವಾಹನ ಬಿಡಿಭಾಗ ಉದ್ಯಮದ ವರಮಾನವು ಪ್ರಸಕ್ತ ಹಣಕಾಸು ವರ್ಷದಲ್ಲಿ ಶೇಕಡ 20ರಿಂದ ಶೇ 23ರಷ್ಟು ಬೆಳವಣಿಗೆ ಕಾಣುವ ನಿರೀಕ್ಷೆ ಇದೆ ಎಂದು ರೇಟಿಂಗ್ಸ್‌ ಸಂಸ್ಥೆ ಐಸಿಆರ್‌ಎ ಹೇಳಿದೆ.
ಸರಕುಗಳ ಬೆಲೆಯಲ್ಲಿ ಭಾರಿ ಏರಿಕೆ, ಸೆಮಿಕಂಡಕ್ಟರ್‌ ಕೊರತೆಯಿಂದ ಪೂರೈಕೆ ವ್ಯವಸ್ಥೆಯಲ್ಲಿ ಆಗಿರುವ ಭಾಗಶಃ ಅಡಚಣೆ ಉದ್ಯಮದ ವರಮಾನದ ಮೇಲೆ ಪರಿಣಾಮ ಬೀರುವ ಸಾಧ್ಯತೆ ಇದೆ. ಹೀಗಿದ್ದರೂ ಸುಧಾರಿತ ಕಾರ್ಯಾಚರಣೆಯಿಂದ ಆಗಲಿರುವ ಪ್ರಯೋಜನವು ವರಮಾನದ ಮೇಲಿನ ಪರಿಣಾಮವನ್ನು ತುಸು ಕಡಿಮೆ ಮಾಡಬಹುದು ಎಂದು ಐಸಿಆರ್‌ಎ ಉಪಾಧ್ಯಕ್ಷ ಆಶಿಶ್‌ ಮೊಡಾನಿ ಹೇಳಿದ್ದಾರೆ.
ಪ್ರಸಕ್ತ ಹಣಕಾಸು ವರ್ಷದ ಮೊದಲಾರ್ಧದಲ್ಲಿ ಸರಕುಗಳ ಬೆಲೆಯು ಗರಿಷ್ಠ ಮಟ್ಟದಲ್ಲಿಯೇ ಇರಲಿದೆ. ದ್ವಿತೀಯಾರ್ಧದಲ್ಲಿ ತುಸು ಇಳಿಕೆ ಕಾಣಲಿದೆ ಎಂದು ಸಂಸ್ಥೆಯು ಹೇಳಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.