ಬಿಎಸ್‌4: ವಿತರಕರಿಗೆ ಹೀರೊಮೊಟೊ ಭರವಸೆ

ನವದೆಹಲಿ: ಬಿಎಸ್‌4 ಪರಿಮಾಣದ ವಾಹನಗಳು ಮಾರಾಟವಾಗದೇ ಇದ್ದರೆ ಅದರ ಜವಾಬ್ದಾರಿಯನ್ನು ಕಂಪನಿಯೇ ತೆಗೆದುಕೊಳ್ಳಲಿದೆ ಎಂದು ಹೀರೊಮೋಟೊ ಕಾರ್ಪ್‌ ಕಂಪನಿಯು ತನ್ನ ವಿತರಕರಿಗೆ ಭರವಸೆ ನೀಡಿದೆ.

ಕಂಪನಿ ಅಧ್ಯಕ್ಷ ಪವನ್‌ ಮುಂಜಾಲ್‌ ಅವರು ವಿತರಕರೊಂದಿಗೆ ವಿಡಿಯೊ ಕಾನ್ಫರೆನ್ಸ್‌ ಮೂಲಕ ಶನಿವಾರ ಸಂವಾದ ನಡೆಸಿದರು. ‘ಬಿಎಸ್‌4 ವಾಹನಗಳು ಮಾರಾಟವಾಗದೇ ಅದರಿಂದ ವಿತರಕರು ಸಮಸ್ಯೆಗೆ ಸಿಲುಕುವಂತೆ ಮಾಡುವುದಿಲ್ಲ ಎಂದು ಭರವಸೆ ನೀಡಿರುವುದಾಗಿ ಸಭೆಯಲ್ಲಿ ಭಾಗವಹಿಸಿದ್ದ ವಿತರಕರೊಬ್ಬರು ಸುದ್ದಿಸಂಸ್ಥೆಗೆ ತಿಳಿಸಿದ್ದಾರೆ.