5ನೇ ಪೀಳಿಗೆಯ ಹೋಂಡಾ ಸಿಟಿ ಕಾರು ತಯಾರಿಕೆ ಆರಂಭ: ಜುಲೈನಲ್ಲಿ ರಸ್ತೆಗೆ

ನವದೆಹಲಿ: 5ನೇ ಪೀಳಿಗೆಯ ಹೋಂಡಾ ಸಿಟಿ ಮಾದರಿಯ ಕಾರ್‌ ತಯಾರಿಕೆ ಆರಂಭವಾಗಿದ್ದು, ಜುಲೈನಲ್ಲಿ ಬಿಡುಗಡೆ ಮಾಡುವುದಾಗಿ ಹೋಂಡಾ ಕಾರ್ಸ್‌ ಇಂಡಿಯಾ ತಿಳಿಸಿದೆ.

ಬಿಎಸ್‌6 ಮಾನದಂಡಕ್ಕೆ ಪೂರಕವಾಗಿ,1.5 ಲೀಟರ್‌ ಪೆಟ್ರೋಲ್‌ ಮತ್ತು ಡೀಸೆಲ್‌ ಎಂಜಿನ್‌ ಆಯ್ಕೆಗಳಲ್ಲಿ ಸಿಗಲಿವೆ.

ಉತ್ತರ ಪ್ರದೇಶದ ಗ್ರೇಟರ್‌ ನೊಯಿಡಾ ಘಟಕದಲ್ಲಿ ಈ ಕಾರ್‌ ತಯಾರಾಗುತ್ತಿವೆ. ಕೋವಿಡ್‌–19 ಅನ್ನು ಗಮನದಲ್ಲಿ ಇಟ್ಟುಕೊಂಡು ಸರ್ಕಾರ ನೀಡಿರುವ ಮಾರ್ಗಸೂಚಿಗಳಿಗೆ ಅನುಗುಣವಾಗಿ ಅಗತ್ಯವಾದ ಮುನ್ನೆಚ್ಚರಿಕೆಗಳನ್ನು ತೆಗೆದುಕೊಳ್ಳಲಾಗಿದೆ ಎಂದು ಕಂಪನಿ ಳಿಸಿದೆ.

‘ಮಾರುಕಟ್ಟೆ ಸವಾಲುಗಳು ಹಲವಿದ್ದರೂ ಬಿಡುಗಡೆಗೂ ಮುನ್ನವೇ ಉತ್ತಮ ಸ್ಪಂದನೆ ವ್ಯಕ್ತವಾಗುತ್ತಿದೆ’ ಎಂದು ಕಂಪನಿಯ ಉಪಾಧ್ಯಕ್ಷ ರಾಜೇಶ್‌ ಗೋಯಲ್‌ ತಿಳಿಸಿದ್ದಾರೆ.