ಶೇಕಡ 1.9ರವರೆಗೆ ಬೆಲೆ ಹೆಚ್ಚಿಸಿದ ಮಾರುತಿ ಸುಜುಕಿ

ನವದೆಹಲಿ: ಮಾರುತಿ ಸುಜುಕಿ ಕಂಪನಿಯು ಸೆಲೆರಿಯೊ ಹೊರತುಪಡಿಸಿ ಇತರ ಎಲ್ಲ ಮಾದರಿ ಕಾರುಗಳ ಬೆಲೆಯನ್ನು ಗರಿಷ್ಠ ಶೇಕಡ 1.9ರವರೆಗೆ ಹೆಚ್ಚಿಸಿರುವುದಾಗಿ ಸೋಮವಾರ ಹೇಳಿದೆ. ಬೆಲೆ ಹೆಚ್ಚಳವು ತಕ್ಷಣದಿಂದ ಜಾರಿಗೆ ಬಂದಿದೆ.

ವಾಹನ ತಯಾರಿಕಾ ವೆಚ್ಚ ಹೆಚ್ಚಳ ಆಗಿರುವುದರ ಪರಿಣಾಮವಾಗಿ ಈ ತೀರ್ಮಾನ ಕೈಗೊಳ್ಳಲಾಗಿದೆ ಎಂದು ಕಂಪನಿಯು ಷೇರುಪೇಟೆಗೆ ಮಾಹಿತಿ ನೀಡಿದೆ. ಮಾರುತಿ ಸುಜುಕಿಯು ಈ ವರ್ಷದಲ್ಲಿ ಮೂರನೆಯ ಬಾರಿ ಬೆಲೆ ಹೆಚ್ಚಳ ಮಾಡಿದೆ.

ಜನವರಿ ಮತ್ತು ಏಪ್ರಿಲ್‌ನಲ್ಲಿ ಕಂಪನಿಯು ಕಾರು ಬೆಲೆ ಹೆಚ್ಚಿಸಿತ್ತು. ಮೂರನೆಯ ಬಾರಿಗೆ ಆಗಿರುವ ಹೆಚ್ಚಳದಿಂದಾಗಿ ಒಟ್ಟು ಶೇ 3.5ರಷ್ಟು ಬೆಲೆ ಏರಿಕೆಯಾಗಿದೆ.