ಬೆಂಗಳೂರು: ದೇಶದಲ್ಲಿ ಅತ್ಯಂತ ತ್ವರಿತವಾಗಿ ಬೆಳವಣಿಗೆ ದಾಖಲಿಸುತ್ತಿರುವ ಸಣ್ಣ ಮತ್ತು ಮಧ್ಯಮ ಕೈಗಾರಿಕೆಗಳ (ಎಸ್ಎಂಬಿ) ಡಿಜಿಟಲೀಕರಣ ನವೋದ್ಯಮವಾಗಿರುವ ಫ್ಲೋಬಿಜ್ (FloBiz), ತನ್ನ ವಹಿವಾಟು ವಿಸ್ತರಿಸಲು ಎಲಿವೇಷನ್ ಕ್ಯಾಪಿಟಲ್ನ ನೇತೃತ್ವದಲ್ಲಿ ನಡೆದ ಸರಣಿ ಎ ಸುತ್ತಿನಲ್ಲಿ ₹ 72 ಕೋಟಿ ಮೊತ್ತದ (10 ದಶಲಕ್ಷ ಡಾಲರ್) ಬಂಡವಾಳ ಸಂಗ್ರಹಿಸಿದೆ.
ಫ್ಲೋಬಿಜ್ ನವೋದ್ಯಮದಲ್ಲಿನ ಹಾಲಿ ಹೂಡಿಕೆ ಕಂಪನಿಗಳಾದ ಗ್ರೀನ್ಓಕ್ಸ್ ಕ್ಯಾಪಿಟಲ್ ಮತ್ತು ಬೀನೆಕ್ಸ್ಟ್ ಕೂಡ ಈ ಬಂಡವಾಳ ಸಂಗ್ರಹ ಪ್ರಕ್ರಿಯೆಯಲ್ಲಿ ಭಾಗವಹಿಸಿದ್ದವು.
ಬಿಲ್ಲಿಂಗ್ ಮತ್ತು ಲೆಕ್ಕಪತ್ರ ನಿರ್ವಹಿಸುವ ಆ್ಯಪ್ ‘ಮೈ ಬಿಲ್ ಬುಕ್’ (myBillBook) ಒದಗಿಸುವ ಫ್ಲೋಬಿಜ್, ಸಂಗ್ರಹವಾಗಿರುವ ಹೊಸ ಬಂಡವಾಳವನ್ನು ತನ್ನ ಸಿಬ್ಬಂದಿ ಸಂಖ್ಯೆ ಹೆಚ್ಚಿಸಲು, ಉತ್ಪನ್ನಗಳನ್ನು ಅಭಿವೃದ್ಧಿಪಡಿಸಲು, ಮಾರಾಟ ಹಾಗೂ ಮಾರುಕಟ್ಟೆ ಪ್ರಯತ್ನಗಳನ್ನು ತ್ವರಿತಗೊಳಿಸುವುದಕ್ಕೆ ಬಳಸಲು ಉದ್ದೇಶಿಸಿದೆ. 30 ಲಕ್ಷಕ್ಕೂ ಹೆಚ್ಚು ‘ಎಸ್ಎಂಬಿ‘ಗಳು ಈ ನವೋದ್ಯಮದ ಪ್ರಯೋಜನ ಪಡೆದುಕೊಳ್ಳುತ್ತಿವೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.