ಕಲಬುರ್ಗಿ: ಕೊರೊನಾಗೆ 7 ಮಂದಿ ಸಾವು, 742 ಪಾಸಿಟಿವ್‌
ಕಲಬುರ್ಗಿ: ಜಿಲ್ಲೆಯಲ್ಲಿ ಕೊರೊನಾ ಸೋಂಕಿನಿಂದ ಮತ್ತೆ ಏಳು ಜನ ಮೃತಪಟ್ಟಿದ್ದಾರೆ ಎಂದು ಶನಿವಾರದ ಆರೋಗ್ಯ ಬುಲೆಟಿನ್‌ ತಿಳಿಸಿದೆ. ಇದರೊಂದಿಗೆ ಮೃತಪಟ್ಟವರ ಸಂಖ್ಯೆ 417ಕ್ಕೆ ಏರಿದೆ.
ತಿಲಕ ನಗರದ 48 ವರ್ಷದ ಪುರುಷ, ಮಹಾತ್ಮ ಬಸವೇಶ್ವರ ನಗರದ 50 ವರ್ಷದ ಪುರುಷ, ಶಹಾಬಜಾರ್‌ನ 62 ವರ್ಷದ ವೃದ್ಧ, ಮಹಾದೇವ ನಗರದ 68 ವರ್ಷದ ಇನ್ನೊಬ್ಬ ವೃದ್ದ, ಕುವೆಂಪು ನಗರದ 59 ವರ್ಷ ಮಹಿಳೆ, ಮೆಕ್ಕಾ ಕಾಲೊನಿಯ 68 ವರ್ಷದ ವೃದ್ಧೆ, ಚಿತ್ತಾಪುರ ತಾಲ್ಲೂಕಿನ ಟೆಂಗಳಿಯ 40 ವರ್ಷದ ಪುರುಷ ಮೃತಪಟ್ಟವರು.
742 ಮಂದಿಗೆ ಪಾಸಿಟಿವ್‌: ಹೊಸದಾಗಿ ಮತ್ತೆ 742 ಮಂದಿಗೆ ಕೊರೊನಾ ಸೋಂಕು ಅಂಟಿಕೊಂಡಿದ್ದು, ಶುಕ್ರವಾರ ದೃಢಪಟ್ಟಿದೆ. ಇದರೊಂದಿಗೆ ಸೋಂಕಿತರ ಸಂಖ್ಯೆ 33037ಕ್ಕೆ ಏರಿದೆ.
ಅದೇ ರೀತಿ 210 ಮಂದಿಗೆ ಸೋಂಕಿನಿಂದ ಗುಣಮುಖರಾಗಿದ್ದು, ಗುಣಮುಖರಾದವರ ಸಂಖ್ಯೆ 26394ಕ್ಕೆ ಏರಿಕೆಯಾಗಿದೆ. 6226 ಸಕ್ರಿಯ ಪ್ರಕರಣಗಳಿವೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.