ದ್ವಿತೀಯ ಪಿಯು: ಶೇ 49.48 ಫಲಿತಾಂಶ
Published 21 ಸೆಪ್ಟೆಂಬರ್ 2021, 4:04 IST
ಮಂಗಳೂರು: ದ್ವಿತೀಯ ಪಿಯುಸಿಗೆ ಭೌತಿಕ ಪರೀಕ್ಷೆ ಬರೆದಿದ್ದ ದಕ್ಷಿಣ ಕನ್ನಡ ಜಿಲ್ಲೆಯ 1,067 ವಿದ್ಯಾರ್ಥಿಗಳಲ್ಲಿ 528 ಮಂದಿ ಉತ್ತೀರ್ಣರಾಗಿದ್ದಾರೆ. ಒಟ್ಟು ಫಲಿತಾಂಶ ಶೇ 49.48ರಷ್ಟಾಗಿದೆ.
ಒಟ್ಟು 1,032 ಖಾಸಗಿ ವಿದ್ಯಾರ್ಥಿಗಳು, ಮೂವರು ಪುನರಾವರ್ತಿತರು ಹಾಗೂ 32 ಮಂದಿ ಇಲಾಖೆ ನೀಡಿದ್ದ ಫಲಿತಾಂಶ ತಿರಸ್ಕರಿಸಿ, ಪರೀಕ್ಷೆ ಬರೆದಿದ್ದರು. ಈ ಪೈಕಿ 494 ಖಾಸಗಿ, ಮೂವರು ಪುನರಾವರ್ತಿತರು ಹಾಗೂ 31 ಮಂದಿ ಫಲಿತಾಂಶ ತಿರಸ್ಕರಿಸಿದವರು ಉತ್ತೀರ್ಣರಾಗಿದ್ದಾರೆ. ಅವರಲ್ಲಿ 281 ವಿದ್ಯಾರ್ಥಿನಿಯರು ಹಾಗೂ 247 ವಿದ್ಯಾರ್ಥಿಗಳು.
ಕಲಾ ವಿಭಾಗದಲ್ಲಿ ಪರೀಕ್ಷೆಗೆ ನೋಂದಾಯಿಸಿದ್ದ 314 ವಿದ್ಯಾರ್ಥಿಗಳಲ್ಲಿ 152 ಮಂದಿ, ವಾಣಿಜ್ಯ ವಿಭಾಗದಲ್ಲಿ 748 ವಿದ್ಯಾರ್ಥಿಗಳಲ್ಲಿ 372 ಮಂದಿ, ವಿಜ್ಞಾನ ವಿಭಾಗದಲ್ಲಿ ಐವರಲ್ಲಿ ನಾಲ್ವರು ಉತ್ತೀರ್ಣರಾಗಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.